ગિફ્ટ સિટીએ ગ્લોબલ ફાઇનાન્શિયલ સેન્ટર્સ ઇન્ડેક્સ 37માં નોંધપાત્ર પ્રગતિ, રેપ્યુટેશનલ એડવાન્ટેજમાં ટોચ પર
ગિફ્ટ સિટીના મેનેજિંગ ડિરેક્ટર અને ગ્રુપ સીઈઓ તપન રેએ જણાવ્યું હતું, “GFCI રેન્કિંગમાં ગિફ્ટ સિટીની સતત સફળતા એ ભારતીય ફાઇનાન્સ ક્ષેત્રની મહત્વપૂર્ણ પ્રગતિ દર્શાવે છે. ફિનટેકમાં સુધારો, રેપ્યુટેશનલ એડવાન્ટેજમાં ટોચનું સ્થાન અને એકંદરે મજબૂત પ્રદર્શન ગિફ્ટ સિટીને વૈશ્વિક સ્તરે વધુ મહત્વપૂર્ણ બનાવે છે.”
ગુજરાતની ગિફ્ટ સિટી (Gujarat International Finance Tech City)એ ગ્લોબલ ફાઇનાન્શિયલ સેન્ટર્સ ઇન્ડેક્સ (GFCI 37)ની નવી આવૃત્તિમાં ઘણું પ્રગતિ કરી છે. ગિફ્ટ સિટીએ 46મું સ્થાન મેળવતાં 52મા ક્રમેથી આગળ વધારી છે, અને હવે તે ટોચના 50 ફાઇનાન્શિયલ સેન્ટર્સમાં સ્થાન મેળવનાર ભારતનો એકમાત્ર ફાઇનાન્સિયલ સેન્ટર બની ગઈ છે.
આ અહેવાલ મુજબ, ગિફ્ટ સિટીએ રેપ્યુટેશનલ એડવાન્ટેજમાં પ્રથમ ક્રમ પ્રાપ્ત કર્યો છે, જ્યારે ફિનટેક રેન્કિંગમાં 45મા ક્રમથી પ્રગતિ કરતાં 40મા ક્રમ પર પહોંચી ગઈ છે. આથી, ગિફ્ટ સિટી એશિયા-પેસિફિક રિજનના ટોચના 15 ફાઇનાન્શિયલ સેન્ટર્સમાં સ્થાન મેળવવામાં સફળ રહી છે.
આ સમગ્ર સફળતા ગિફ્ટ સિટીની વૈશ્વિક પ્રતિષ્ઠા અને રોકાણકારોના વિશ્વાસનું પ્રતિક છે. ફિનટેક ક્ષેત્રે ગિફ્ટ સિટીની પ્રગતિ આ ક્ષેત્રમાં તેની વધતી મહત્ત્વતા અને નવો હબ તરીકે તેની ઓળખને મજબૂત કરે છે. આ ઉપરાંત, રેપ્યુટેશનલ એડવાન્ટેજમાં તેની ટોચની સ્થિતિ એ વિશ્વભરમાં બિઝનેસ-ફ્રેન્ડલી માહોલ, મજબૂત નિયમનકારી માળખું અને અદ્યતન ઇન્ફ્રાસ્ટ્રક્ચરનો આધાર પ્રગટાવે છે.
ગિફ્ટ સિટીના મેનેજિંગ ડિરેક્ટર અને ગ્રુપ સીઈઓ તપન રેએ જણાવ્યું હતું, “GFCI રેન્કિંગમાં ગિફ્ટ સિટીની સતત સફળતા એ ભારતીય ફાઇનાન્સ ક્ષેત્રની મહત્વપૂર્ણ પ્રગતિ દર્શાવે છે. ફિનટેકમાં સુધારો, રેપ્યુટેશનલ એડવાન્ટેજમાં ટોચનું સ્થાન અને એકંદરે મજબૂત પ્રદર્શન ગિફ્ટ સિટીને વૈશ્વિક સ્તરે વધુ મહત્વપૂર્ણ બનાવે છે.”
GFCI 37 રિપોર્ટના અનુસાર, વૈશ્વિક ફાઇનાન્શિયલ સેન્ટર્સને બિઝનેસ વાતાવરણ, ઇન્ફ્રાસ્ટ્રક્ચર, માનવીય સંસાધનો, નાણાંકીય વિકાસ અને સ્પર્ધાત્મકતા જેવી ઘણા પરિમાણો પર મૂલવવામાં આવ્યા હતા. આ સારો પરિણામ અને ગિફ્ટ સિટીની મજબૂત કામગીરી, એ એશિયા-પેસિફિક રિજનમાં તેનો પ્રભાવ વધારી રહી છે.
Z/Yen ગ્રુપના સીઇઓ માઇક વાર્ડલેએ જણાવ્યું હતું કે, “ગિફ્ટ સિટીનું સ્થિર વિકાસ અને મજબૂત કારોબારી માહોલ એશિયા-પેસિફિક રિજનમાં ફાઇનાન્સીયલ સેન્ટર તરીકે તેની સ્થિતિને મજબૂત કરે છે.”
GFCI 37 રિપોર્ટમાં 133 ફાઇનાન્શિયલ સેન્ટર્સને મૂલવવામાં આવ્યા હતા, જેમાં 119 એ મેઇન ઇન્ડેક્સમાં સ્થાન મેળવ્યુ. આ ફાઇનાન્શિયલ હબ તરીકે ગિફ્ટ સિટીની આગેવાની અને વૈશ્વિક નાણાંકીય સ્થળ તરીકે તેની મહત્વકાંક્ષા પુનઃસ્થાપિત કરે છે.
ગુજરાતભરના નાના મોટા મહત્વના તમામ સમાચાર વાંચવા માટે અહીં ક્લિક કરો
