ખેડૂતોને રવિ પાકના બિયારણ સસ્તા ભાવે મળશે, જાણો કેવી રીતે તેની ખરીદી કરી શકાશે
ઘઉંના બિયારણના ભાવ એક કિલોના 43 રૂપિયા નક્કી કરવામાં આવ્યા છે. તેના પર પ્રતિ કિલો 36 રૂપિયા સબસિડી આપવામાં આવશે. બિયારણ ખેડૂતોને અડધા એકર વિસ્તાર માટે આપવામાં આવશે. આ ઉપરાંત બીજ વિતરણ કાર્યક્રમ હેઠળ, ઘઉંના બીજનો ભાવ 42 રૂપિયા પ્રતિ કિલો છે. તેના પર 19.50 રૂપિયાની સબસિડી આપવામાં આવશે.
કેન્દ્ર સરકાર દ્વારા ખેડૂતોની આવક વધારવા માટે અનેક પ્રયાસો થઈ રહ્યા છે. એ ક્રમમાં હવે પાકના સારા ઉત્પાદન માટે, ખેડૂતોને ગુણવત્તાયુક્ત બિયારણ પણ આપવામાં આવશે. આ વર્ષે રવિ સિઝનમાં પાકના સારા ઉત્પાદન માટે બિહાર સરકાર ખેડૂતોને બિયારણની ખરીદી પર સબસિડી આપી રહી છે.
સબસિડીના દરે રવિ પાકના બિયારણનું વિતરણ
બિહાર સરકારના કૃષિ વિભાગે X પર એક પોસ્ટ શેર કરીને જણાવ્યું કે, રવી સિઝન 2023-24 માટે સબસિડી સાથેના જુદા-જુદા પાકોના બીજની ઉપલબ્ધતા બાબતે મહત્વપૂર્ણ માહિતી. તમામ ખેડૂત ભાઈઓ અને બહેનોને જાણ કરવામાં આવે છે કે, કૃષિ વિભાગ દ્વારા રવિ સિઝન 2023-24 માટે જુદી-જુદી યોજનાઓમાં સબસિડીના દરે રવિ પાકના બિયારણનું વિતરણ કરવાનું શરૂ કરવા જઈ રહ્યું છે.
પ્રતિ કિલો 36 રૂપિયા સબસિડી
મુખ્યમંત્રી બીજ વિસ્તરણ યોજના હેઠળ, ઘઉંના બિયારણના ભાવ એક કિલોના 43 રૂપિયા નક્કી કરવામાં આવ્યા છે. તેના પર પ્રતિ કિલો 36 રૂપિયા સબસિડી આપવામાં આવશે. બિયારણ ખેડૂતોને અડધા એકર વિસ્તાર માટે આપવામાં આવશે. આ ઉપરાંત બીજ વિતરણ કાર્યક્રમ હેઠળ, ઘઉંના બીજનો ભાવ 42 રૂપિયા પ્રતિ કિલો છે. તેના પર 19.50 રૂપિયાની સબસિડી આપવામાં આવશે.
મહત્તમ 5 એકર વિસ્તાર માટે બીજ આપવામાં આવશે
આ યોજનામાં વધારેમાં વધારે 5 એકર વિસ્તાર માટે બીજ આપવામાં આવશે. ઘઉં જે 10 વર્ષથી વધુ સમયગાળાની જાતો છે તેવા બીજને 42 રૂપિયા પ્રતિ કિલોના દરે વેચાણ કરવામાં આવશે. તેમાં એક કિલોએ 15 રૂપિયા સબસિડી આપવામાં આવશે. મહત્તમ 5 એકર વિસ્તાર માટે બીજ આપવામાં આવશે.
આવી રીતે કરો અરજી
આ યોજના હેઠળ જે ખેડૂતો બિયારણ ખરીદવા માંગે છે તેઓએ https://dbtagricultue.bihar.gov.in પોર્ટલ પર જુદા-જુદા રવિ પાકના બિયારણ માટે અરજી કરી શકે છે. ખેડૂતો તેમના મોબાઈલ ફોન, કોમ્પ્યુટર, કોમન સર્વિસ સેન્ટર અથવા સાયબર કાફે દ્વારા અરજી કરી શકે છે.
આ પણ વાંચો : હવે ખેડૂતો ખેતીની સાથે વૃક્ષોથી પણ કરી શકશે કમાણી, વન વિભાગની આ યોજનાથી આવકમાં થશે વધારો
પોર્ટલ પર અરજી કર્યા બાદ કૃષિ સંયોજક, બ્લોક એગ્રીકલ્ચર ઓફિસર અને જીલ્લા ખેતીવાડી અધિકારી દ્વારા અરજીની ચકાસણી કરવામાં આવશે. અરજી મંજૂર થયા બાદ ખેડૂતના મોબાઈલ પર એક OTP આવશે. કૃષિ સંયોજક દ્વારા ખેડૂતને બિયારણના સ્થળ અંગેની માહિતી આપવામાં આવશે. ખેડૂતો જે કેન્દ્ર પરથી બિયારણની ખરીદી કરે તેને OTP આપવાનો રહેશે. અહીં સબસિડીની રકમ બાદ કરીને બાકીની રકમની ચૂકવણી કરવાની રહેશે.
