આજનું હવામાન : ગુજરાતમાં ગરમીનો કહેર, દરિયાકાંઠાના વિસ્તારોમાં ગરમ અને ભેજવાળા પવન ફૂંકાય તેવી આગાહી, જુઓ Video

હવામાન વિભાગની આગાહી અનુસાર રાજ્યમાં કાળઝાળ ગરમીનો અહેસાસ થાય તેવી આગાહી કરવામાં આવી છે. હજુ પણ 48 કલાક ગરમીનું જોર યથાવત રહે તેવી આગાહી કરવામાં આવી છે. આજે સૌરાષ્ટ્ર, કચ્છ અને ઉત્તર ગુજરાતમાં ઓરેન્જ એલર્ટ જાહેર કરવામાં આવ્યું છે.

આજે યલો એલર્ટ જાહેર કરવામાં આવ્યું છે. આગામી 48 કલાક દરિયાકાંઠાના વિસ્તારમાં ગરમ અને ભેજવાળા પવન ફૂંકાશે તેવી આગાહી કરવામાં આવી છે. દરિયામાં ભારે પવનના કારણે માછીમારોને દરિયો ન ખેડવા સૂચના આપી છે. ગુજરાતમાં છેલ્લા કેટલાક દિવસથી ગરમી હાહાકાર મચાવી રહી છે. સતત ચાર દિવસથી હીટવેવના કારણે ગુજરાતના અનેક જિલ્લાઓમાં હાહાકારની સ્થિતિ જોવા મળી રહી છે. કાળઝાળ ગરમીના કારણે લોકો ત્રાહીમામ પોકારી ઉઠ્યા છે.

રાજ્યમાં કેટલું રહેશે તાપમાન

ગુજરાતના અમરેલી, આણંદ, બોટાદ,છોટાઉદેપુર, ખેડા, મહીસાગર, નર્મદા, વડોદરા સહિતના જિલ્લાઓમાં 42 ડિગ્રી મહત્તમ તાપમાન રહે તેવી શક્યતા છે.અમદાવાદ, અરવલ્લી, ભરૂચ, દાહોદ, ગાંધીનગર, જુનાગઢ, મહેસાણા, પંચમહાલ, સાબરકાંઠા, સુરેન્દ્રનગર, તાપી સહિતના જિલ્લાઓમાં 41 ડિગ્રી મહત્તમ તાપમાન રહે તેવી શક્યતા છે.બનાસકાંઠા, મોરબી, રાજકોટ સહિતના જિલ્લાઓમાં 40 ડિગ્રી મહત્તમ તાપમાન રહે તેવી શક્યતા છે.

 ગુજરાતના તમામ જિલ્લાના સમાચાર વાંચવા માટે અહીં ક્લિક કરો