વિજય થલાપતિ

જોસેફ વિજય ચંદ્રશેખર, જેમને ચાહકો પ્રેમથી “થલાપતિ” તરીકે ઓળખે છે, તેઓ તમિલ ફિલ્મ ઈન્ડસ્ટ્રીના જાણીતા સુપરસ્ટાર છે. તેમનો જન્મ 22 જૂન 1974ના રોજ ચેન્નાઇમાં થયો હતો. તેમના પિતા એસ. એ. ચંદ્રશેખર એક પ્રખ્યાત ફિલ્મ નિર્દેશક છે, જ્યારે તેમની માતા શોભા ચંદ્રશેખર પ્રતિભાશાળી ગાયિકા છે.

વિજયે પોતાની શરૂઆતની શિક્ષા વિરુગમબક્કમ સ્થિત બાલાલોક મેટ્રિક્યુલેશન હાયર સેકન્ડરી સ્કૂલમાંથી પૂર્ણ કરી હતી. ત્યારબાદ તેમણે લોયોલા કોલેજ ચેન્નાઈમાંથી વિઝ્યુઅલ કમ્યુનિકેશનમાં ડિગ્રી મેળવી. 25 ઑગસ્ટ 1999ના રોજ તેમણે સંગીથા સાથે લગ્ન કર્યા.

વિજયે પોતાના અભિનય કારકિર્દીની શરૂઆત બાળ કલાકાર તરીકે કરી હતી. 1984માં તેમણે ‘વેટ્રી’ ફિલ્મમાં કામ કર્યું હતું, જેનું દિગ્દર્શન તેમના પિતાએ કર્યું હતું. 18 વર્ષની ઉંમરે તેમણે નાલૈયા થીરપુ ફિલ્મમાં મુખ્ય ભૂમિકા ભજવી. ત્યારબાદ તેમણે અનેક સફળ ફિલ્મોમાં અભિનય કર્યો અને મોટી લોકપ્રિયતા મેળવી. 2012 અને 2013માં તેમને Forbes Celebrity 100 યાદીમાં સ્થાન મળ્યું હતું.

ફિલ્મોમાં સફળતા મેળવ્યા પછી હવે વેજય રાજકારણ તરફ પણ આગળ વધી રહ્યા છે. તેમણે 2024માં પોતાની રાજકીય પાર્ટી તમિલાગા વેટ્ટ્રી કઝગમની સ્થાપનાની જાહેરાત કરી છે.