FIFA વર્લ્ડ કપ

FIFA વર્લ્ડ કપએ વિશ્વની સૌથી મોટી અને સૌથી પ્રતિષ્ઠિત પુરુષોની રાષ્ટ્રીય ટીમો વચ્ચેની ફૂટબોલ સ્પર્ધા છે, જેનું આયોજન આંતરરાષ્ટ્રીય ફૂટબોલ ફેડરેશન (FIFA) દ્વારા કરવામાં આવે છે. દર ચાર વર્ષે આયોજિત આ ટુર્નામેન્ટમાં વિશ્વભરના ટોચના દેશો વિશ્વ ચેમ્પિયનના ખિતાબ માટે સ્પર્ધા કરે છે. ફૂટબોલને લઈને આખી દુનિયામાં દીવાનગી જોવા મળે છે. ફિફા એ ફ્રેન્ચ ભાષામાંથી લેવામાં આવેલો શબ્દ છે. ફિફાનું ફૂલ ફોર્મ ફેડરેશન ઈન્ટરનેશનેલ ડી ફૂટબોલ એસોસિયેશન છે.

ફિફાનું મુખ્ય કાર્યાલય સ્વિટ્ઝરલેન્ડના જ્યૂરિખ શહેરમાં સ્થિત છે. આ જગ્યાએ વર્ષ 2006માં મુખ્ય કાર્યાલય બનાવવામાં આવ્યુ હતુ. ફિફાની સ્થાપના 21 મે, 1904ના રોજ 7 રાષ્ટ્રીય સંગઠનો દ્વારા કરવામાં આવી હતી. ફિફાના પ્રથમ અધ્યક્ષ રોબોટ ગુએરિન હતા. ફિફાએ પહેલા આધિકારીક વર્લ્ડકપનું ઉરુગ્વેમાં આયોજન કર્યુ હતુ. તે એક માત્ર એવો વર્લ્ડકપ હતો જેમા કોઈ નિયમ લાગુ થયા ન હતા. ફિફા વર્લ્ડકપની ટ્રોફી દુનિયાની સૌથી મોંઘી ટ્રોફીમાંથી એક માનવામાં આવે છે.