મોબાઈલની બેટરી અને ડેટા જલ્દી થઈ જાય છે ખતમ? તો ઈગ્નોર કરવું પડી શકે છે ભારે, આ રીતે જાણો ફોન ટ્રેક થઈ રહ્યો છે કે નહીં
હેકર્સ ક્યારેક લોકોના ફોનને ટ્રેક કરે છે અને તેમના મેસેજ વાંચે છે, કૉલ્સ સાંભળે છે, એટલું જ નહીં, તેઓ કેમેરાથી તમારો ફોટો પણ લઈ શકે છે. દરેક સ્માર્ટફોન યુઝરે આ મહત્વપૂર્ણ કેટલીક બાબતોને ધ્યાનમાં રાખવી જોઈએ.
ડિજિટલ લાઈફની સમસ્યાઓ પણ ધીમે ધીમે ગંભીર બની રહી છે. સ્માર્ટફોન (Smartphone) એક એવી વસ્તુ છે જ્યાં લોકો તેમના અંગત ફોટાથી લઈને સંવેદનશીલ દસ્તાવેજો સુધી રાખે છે. સ્માર્ટફોન લોકેશનને ટ્રેક (Smartphone Tracking) કરે છે અને જો તમારા લોકેશનની માહિતી ખોટા હાથમાં આવી જાય તો તમે મુશ્કેલીમાં મુકાઈ શકો છો. એ જ રીતે, હેકર્સ ક્યારેક લોકોના ફોનને ટ્રેક કરે છે અને તેમના મેસેજ વાંચે છે, કૉલ્સ સાંભળે છે, એટલું જ નહીં, તેઓ કેમેરાથી તમારો ફોટો પણ લઈ શકે છે. દરેક સ્માર્ટફોન યુઝરે આ મહત્વપૂર્ણ કેટલીક બાબતોને ધ્યાનમાં રાખવી જોઈએ, જેથી તમે સમયસર જાણી શકો કે તમારો ફોન ટ્રેક થઈ રહ્યો છે કે નહીં.
બેટરીની કાળજી લો: જો તમારા મોબાઈલની બેટરી ઝડપથી ખતમ થઈ રહી છે તો તેના માટે ઘણા કારણો હોઈ શકે છે. આમાંથી એક એ પણ હોઈ શકે છે કે તમારો ફોન ટ્રેક થઈ રહ્યો છે તો તમારા ફોનની ઈન્સ્ટોલ કરેલી એપ્સ પર જાઓ અને તપાસો કે કઈ એપ તમારા ફોનની બેટરીને ખતમ કરી રહી છે.
જો કોઈ એપ વધુ બેટરી ડ્રેન નથી કરી રહી તો સેફ સાઈડ રહેતા ફોન ડેટાનો બેકઅપ લો અને ફોનને ફેક્ટરી રીસેટ કરો. બની શકે કે કોઈ અન્ય કારણોસર પણ ફોનની બેટરી ખતમ થઈ રહી હોય, આવી સ્થિતિમાં ફોનને રીસેટ કરવો તમારા માટે સારું રહેશે.
બીજી સૌથી મહત્વની બાબત એ છે કે જો તમારા ફોનનો ડેટા ઝડપથી ખતમ થઈ રહ્યો છે તો સંભવ છે કે તમારા ફોનમાં માલવેર છે. માલવેર તમારા ફોનમાંથી અન્ય ઉપકરણો પર ડેટા મોકલે છે. સ્વાભાવિક રીતે ડેટા મોકલવા માટે ઈન્ટરનેટની જરૂર છે. જો તમે એન્ડ્રોઈડનો ઉપયોગ કરો છો તો તમે સેટિંગ્સમાં જઈને ડેટા વપરાશ જોઈ શકો છો. તમારા ફોન પરની કઈ એપ કેટલો ડેટા વાપરે છે તે તપાસો.
એકવાર તમે ખાતરી કરી લો કે તમારો ડેટા તમારા દ્વારા ઉપયોગમાં લેવાતો નથી, પરંતુ તે જાતે જ ખલાસ થઈ રહ્યો છે, પછી તમારે સાવચેત રહેવું પડશે. જો કે ઘણી ટેક્નિકલ રીતો છે જેના દ્વારા તમે જાણી શકો છો કે ફોનમાં કોઈ એવી એપ્લિકેશન છે જે વધુ ડેટાનો ઉપયોગ કરી રહી છે. પરંતુ આ માટે ફોનને રૂટ કરવો પડશે, જેની સલાહ અમે આપને નહીં આપી શકીએ. સેફ સાઈડ પર રહીને તમારે ફોનને ફેક્ટરી રીસેટ કરવો જોઈએ.
સ્માર્ટફોનમાં માલવેર આવ્યા પછી ઘણી વખત એવું જોવામાં આવ્યું છે કે કેમેરા આઈકોન જાતે જ ફ્લેશ થવા લાગે છે. કેટલીકવાર માઈક્રોફોન આઈકોન તમને આપમેળે દેખાશે. જો તમે માઈક્રોફોન કે કેમેરો ઓન ન કર્યો હોય અને આઈકોન્સ જાતે જ દેખાઈ રહ્યા હોય તો પણ શક્ય છે કે તમારા ફોનના માઈક્રોફોન અને કેમેરા દ્વારા તમારી જાસૂસી કરવામાં આવી રહી હોય.
આ પણ વાંચો: Tech News: દેશમાં પહેલીવાર, વોડાફોન-આઈડિયાએ બ્લોક કર્યા 8000 સિમ કાર્ડ, જાણો કારણ
