પ્રથમ હાફની છેલ્લી પાંચ મિનિટમાં, પુનેરીએ પોઈન્ટ મેળવવાનું ચાલુ રાખ્યું અને ટીમે 10 પોઈન્ટની કમાન્ડિંગ લીડ મેળવી. જોકે, પટનાએ 20મી મિનિટે અસલમ ઇનામદાર પર સુપર ટેકલ કરીને આ લીડ ઘટાડવાનો પ્રયાસ કર્યો હતો. આખરે, સચિને રેઇડમાં બોનસ લીધું અને ટીમને એક પોઇન્ટ અપાવ્યો. આમ છતાં, પ્રથમ હાફના અંતે સ્કોર પુનેરી પલ્ટનની તરફેણમાં 22-15 રહ્યો. બીજા હાફની શરૂઆતની પ્રથમ ચાર મિનિટમાં પુનેરીની ટીમે ફરી એકવાર પટનાને ઓલઆઉટ કરી અને પોતાનો સ્કોર 28-17 સુધી લઈ ગયો. પુનેરી પલટને ટેકલ અને ડિફેન્સમાં સતત પોઈન્ટ મેળવીને તેમની લીડ વધારીને 11 પોઈન્ટ કરી હતી. 28મી મિનિટે શાડલુએ સુપર રેઈડ કરીને પુનેરીના ખાતામાં વધુ ત્રણ પોઈન્ટ ઉમેર્યા હતા. આ સાથે પુનેરીની લીડ વધીને 14 પોઈન્ટ થઈ ગઈ છે. (PC - Pro kabaddi )