Breaking News : ઈંગ્લેન્ડ સામેની T20 શ્રેણી માટે ભારતીય ટીમની જાહેરાત, મોહમ્મદ શમીની વાપસી

ઘણી રાહ જોયા બાદ આખરે ઈંગ્લેન્ડ સામેની T20 સિરીઝ માટે ટીમ ઈન્ડિયાની જાહેરાત કરવામાં આવી છે. BCCI પસંદગી સમિતિએ આ મહિનાના અંતમાં ઇંગ્લેન્ડ સામે શરૂ થનારી T20 શ્રેણી માટે કેપ્ટન સૂર્યકુમાર યાદવના નેતૃત્વમાં ટીમની જાહેરાત કરી હતી. પસંદગી સમિતિએ સ્ટાર ફાસ્ટ બોલર મોહમ્મદ શમીને ટીમમાં સ્થાન આપ્યું છે. જોકે, પસંદગી સમિતિએ હાલમાં ODI શ્રેણી અને ચેમ્પિયન્સ ટ્રોફીની પસંદગીને થોડા દિવસો માટે સ્થગિત કરી દીધી છે.

મોહમ્મદ શમીનું ટીમ ઈન્ડિયામાં કમબેક

શનિવાર, 11 જાન્યુઆરીએ મુખ્ય પસંદગીકાર અજીત અગરકરની અધ્યક્ષતામાં પસંદગી સમિતિની એક બેઠક BCCI મુખ્યાલયમાં યોજાઈ હતી, જેમાં ટીમની પસંદગી કરવામાં આવી હતી અને ત્યારબાદ પસંદ કરાયેલા ખેલાડીઓના નામની જાહેરાત કરવામાં આવી હતી. સૌથી આશ્ચર્યજનક એન્ટ્રી શમીની છે, જે વર્લ્ડ કપ 2023થી આંતરરાષ્ટ્રીય ક્રિકેટથી દૂર હતો. આ આશ્ચર્યજનક એટલા માટે છે કારણ કે શમી 2022ના T20  વર્લ્ડ કપ પછી એકપણ T20 ઈન્ટરનેશનલ રમ્યો નથી. જોકે, તેના પુનરાગમનથી તેની વનડે શ્રેણી અને પછી ચેમ્પિયન્સ ટ્રોફીમાં પસંદગીની આશા વધી ગઈ છે.

Web Stories View more

પૂર્વ મુખ્યમંત્રીના પૌત્ર સાથે જાહ્નવી કપૂર તિરુપતિ પહોંચી, જુઓ Photos

Vastu Tips : ઘરની દક્ષિણ દિશામાં રાખશો આ 5 વસ્તુઓ, તો થોડા દિવસોમાં થઈ જશો કંગાળ !

આ ગુજરાતી કંપનીનો શેર છે નોટ છાપવાનું મશીન, 21 ટકા વધ્યો સ્ટોકનો ભાવ

Weight Loss Tips : ઝડપી વજન ઘટાડવાથી સ્વાસ્થ્ય પર થાય છે ખરાબ અસર ! જાણો કારણ

કુંભ મેળામાં સાધ્વી બનશે Apple ના સ્થાપકની પત્ની,અઢળક રૂપિયાની છે માલકિન

મકરસંક્રાંતિ પર બની રહ્યો શુભ સંયોગ ! આ 3 રાશિના જાતકોને ધન લાભના સંકેત

Mohammad Shami returns as India’s squad for T20I series against England announced.

All The Details #TeamIndia | #INDvENG | @IDFCFIRSTBank https://t.co/jwI8mMBTqY

— BCCI (@BCCI) January 11, 2025

અક્ષર પટેલ ટીમ ઈન્ડિયાનો વાઈસ-કેપ્ટન

ભારત અને ઈંગ્લેન્ડ વચ્ચે 5 મેચની T20 શ્રેણી 22 જાન્યુઆરીથી કોલકાતાના ઈડન ગાર્ડન્સ ખાતે શરૂ થશે. શમી સિવાય પસંદગી સમિતિએ આ શ્રેણી માટે કોઈ મોટો આશ્ચર્યજનક નિર્ણય લીધો નથી. જોકે, ટીમને ચોક્કસપણે એક નવો વાઈસ કેપ્ટન મળ્યો છે. આ શ્રેણીમાં સ્પિન-ઓલરાઉન્ડર અક્ષર પટેલ ટીમ ઈન્ડિયાનો વાઈસ કેપ્ટન રહેશે. આ શ્રેણી માટે મોટાભાગના એ જ ખેલાડીઓની પસંદગી કરવામાં આવી છે જે નવેમ્બરમાં દક્ષિણ આફ્રિકા પ્રવાસ પર ટીમનો ભાગ હતા. આ ઉપરાંત નીતિશ કુમાર રેડ્ડી, ધ્રુવ જુરેલ અને હર્ષિત રાણા પણ ટીમમાં પાછા ફર્યા છે.

T20 શ્રેણી માટે ભારતીય ટીમ

સૂર્યકુમાર યાદવ (કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, રિંકુ સિંહ, નીતિશ કુમાર રેડ્ડી, અક્ષર પટેલ (વાઈસ-કેપ્ટન), હર્ષિત રાણા, અર્શદીપ સિંહ, મોહમ્મદ શમી, વરુણ ચક્રવર્તી, રવિ બિશ્નોઈ, વોશિંગ્ટન સુંદર, ધ્રુવ જુરેલ (વિકેટકીપર).

આ પણ વાંચો: ક્રિકેટ ઈતિહાસમાં પહેલીવાર બની ઘટના, પુત્રની બોલિંગમાં પિતાએ પકડ્યો કેચ, જુઓ Video

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો