Pakistan Economic Crisis: મુશ્કેલીમાં પાકિસ્તાન, ડોલરના અભાવે આર્થિક સંકટ વધ્યું, ખાદ્ય ચીજોની આયાત બંધ
કરાચીની હોલસેલ ગ્રોસર્સ એસોસિએશન સોસાયટીના સેક્રેટરી ફરહત સિદ્દીકીએ જણાવ્યું હતું કે, દેશભરના કોમર્શિયલ ડીલરોને ડોલરની અછતને કારણે આયાત બંધ કરવાની ફરજ પડી છે.
Pakistan: આર્થિક સંકટનો સામનો કરી રહેલું પાકિસ્તાન તેમાંથી બહાર નીકળતું દેખાતું નથી પણ તેની મુશ્કેલીઓ વધી રહી છે. મીડિયા રિપોર્ટ્સ અનુસાર, ડોલરની અછતને કારણે દેશમાં ખાદ્યપદાર્થો અને પીણાની આયાત સંપૂર્ણપણે બંધ થઈ ગઈ છે. આ સ્થિતિને કારણે હજારો કન્ટેનર બંદરો પર ફસાયેલા છે, જેના કારણે વેપારીઓને દંડ અને વધારાના ચાર્જ ચૂકવવા પડે છે.
આ પણ વાચો: પૂર્વ PM ઈમરાન ખાનની ફરી ધરપકડ થઈ શકે છે, હિંસા કેસમાં કોર્ટે બિનજામીનપાત્ર વોરંટ જાહેર કર્યું
કરાચીની હોલસેલ ગ્રોસર્સ એસોસિએશન સોસાયટીના સેક્રેટરી ફરહત સિદ્દીકીએ જણાવ્યું હતું કે, દેશભરના કોમર્શિયલ ડીલરોને ડોલરની અછતને કારણે આયાત બંધ કરવાની ફરજ પડી છે. મીડિયા રિપોર્ટમાં કહેવામાં આવ્યું છે કે બેંકોએ તેમને જરૂરી વિદેશી હૂંડિયામણ આપવાની ના પાડી દીધી છે.
25મી જૂન પછી શિપમેન્ટ મોકલવામાં આવશે નહીં
પાકિસ્તાની મીડિયાને દ્વારા જાણવા મળ્યું કે, એસોસિએશને એક બેઠક યોજી હતી અને નિર્ણય લીધો હતો કે 25 જૂન પછી કોઈ શિપમેન્ટ મોકલવામાં આવશે નહીં. આયાતકારો ફક્ત તે જ માલના ક્લિયરન્સ માટે જવાબદાર રહેશે, જે કાં તો બંદર પર આવ્યા છે અથવા રસ્તામાં છે સોસાયટીએ કહ્યું હતું કે 25 જૂન પછી મોકલવામાં આવેલ કોઈપણ શિપમેન્ટને પ્રવેશ માટે મંજૂરી આપવામાં આવશે નહીં.
કરાચી બંદર પર હજારો કન્ટેનર રોકવામાં આવ્યા
આવી જ પરિસ્થિતિ આ વર્ષે જાન્યુઆરીમાં બની હતી જ્યારે દેશને ડોલરની તંગીથી ઝઝૂમતાં કરાચી બંદર પર આવશ્યક ખાદ્ય ચીજો અને તબીબી સાધનોથી ભરેલા હજારો કન્ટેનર અટકાવવામાં આવ્યા હતા. જો આ સ્થિતિ ચાલુ રહે છે, તો પાકિસ્તાનને ખાદ્યપદાર્થોની અછતનો સામનો કરવો પડી શકે છે, જે પહેલાથી જ ઉંચા ભાવમાં પહેલાથી પણ વધારો થશે. એવી સ્થિતિ જે વડા પ્રધાન શહેબાઝ શરીફને મુશ્કેલીમાં મૂકી શકે છે. દેશે પહેલાથી જ નાદાર શ્રીલંકાને પાછળ છોડીને એશિયામાં સૌથી વધુ ફુગાવો નોંધાવ્યો છે.
LNGની ખરીદીમાં પણ આંચકો લાગ્યો હતો.
પાકિસ્તાનને મંગળવારે વધુ એક ફટકો ત્યારે લાગ્યો જ્યારે તેને કુદરતી ગેસ (LNG) ખરીદવા માટે કોઈ કન્સાઈનમેન્ટ ન મળ્યું. દેશે મંગળવારે લગભગ એક વર્ષમાં સ્પોટ માર્કેટમાંથી LNG ખરીદવાનો પ્રથમ પ્રયાસ કર્યો હતો, પરંતુ બ્લૂમબર્ગના જણાવ્યા અનુસાર પાવર-સ્ટેશન ઇંધણના કોઈ સપ્લાયરોએ કાર્ગો ઓફર કર્યો ન હતો. ઓક્ટોબરથી ડિસેમ્બર ડિલિવરી માટે છ શિપમેન્ટ ખરીદવા માટે પાકિસ્તાન એલએનજી લિમિટેડના ટેન્ડરને કોઈપણ કંપનીએ જવાબ આપ્યો નથી, જે મંગળવારે બંધ થયો હતો.
પાકિસ્તાન પાસે વિદેશી હૂંડિયામણનો અભાવ
વિદેશી હૂંડિયામણની અછત ધરાવતા પાકિસ્તાને ડિફોલ્ટ ટાળવા માટે તેના તમામ વિદેશી દેવું ચૂકવવું જરૂરી છે કારણ કે IMF તરફથી $1.1 બિલિયનના બેલઆઉટ પેકેજ પર હજુ સુધી કોઈ નિર્ણય લેવામાં આવ્યો નથી. રોકડની તંગીવાળા દેશે આયાત પર અંકુશ મૂકીને ડોલર બચાવવાનો પ્રયાસ કર્યો. જો કે, આ પગલાથી એવા ઉદ્યોગોને ફટકો પડ્યો છે, જે કાચા માલની આયાત કરવા માટે સંઘર્ષ કરી રહ્યા હતા.
વાહન ઉત્પાદકે ઉત્પાદન બંધ કર્યું
થોડા અઠવાડિયા પહેલા, પાકિસ્તાનમાં વાહનોની ઉત્પાદક ઇન્ડસ મોટર્સે કંપનીની સપ્લાય ચેઇનમાં વિક્ષેપને કારણે તેનું ઉત્પાદન અટકાવ્યું હતું. પાકિસ્તાન સ્ટોક એક્સચેન્જને લખેલા પત્રમાં, કંપની મેનેજમેન્ટે જણાવ્યું હતું કે તેના વિક્રેતાઓ કાચા માલની આયાત કરવામાં અને તેમના કન્સાઇનમેન્ટ માટે ક્લિયરન્સ મેળવવામાં અવરોધોનો સામનો કરી રહ્યા છે. કારણ કે ક્રેડિટ અને સપ્લાય ચેઇનના મુદ્દાઓ ખોલવામાં આવતા પડકારોનો સામનો કરવો પડી શકે છે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
