કંગાળ પાકિસ્તાન નહીં સુધરે ! બ્રિટનના માધ્યમથી કાશ્મીરમાં આતંકવાદ ફેલાવવાનો પ્રયાસ કરી રહ્યું છે
પાકિસ્તાનમાં (pakistan) બેઠેલા આતંકીઓના માસ્ટરમાઇન્ડ જમ્મુ-કાશ્મીરમાં આતંકી ગતિવિધિઓને લઈને રણનીતિ બનાવી રહ્યા છે. પાકિસ્તાની મૌલવીઓ બ્રિટનમાં તેમના સમર્થકો દ્વારા કાશ્મીરમાં શાંતિ ડહોળવા માંગે છે.
કાશ્મીર સહિત દેશને આતંકિત કરવા માટે આતંકવાદીઓ સાત સમુદ્ર પાર બેસીને ખતરનાક ષડયંત્ર રચી રહ્યા છે. યુકે સરકારે આ અંગે મોટી ચેતવણી આપી છે. આતંકવાદને ડામવા માટે બ્રિટિશ સરકારની યોજનાની સમીક્ષા દરમિયાન માત્ર આતંકવાદીઓ જ નહીં પરંતુ ખાલિસ્તાનીઓની પણ ખતરનાક યોજનાઓ સામે આવી છે. રિપોર્ટમાં કાશ્મીરને લઈને બ્રિટિશ મુસ્લિમોના કટ્ટરવાદ અને ખતરનાક ખાલિસ્તાનીઓના વધતા સમર્થન અંગે ચિંતા વ્યક્ત કરવામાં આવી છે. આંતરરાષ્ટ્રીય સમાચાર અહીં વાંચો.
સમીક્ષા દેશ માટે ‘પ્રાથમિક ખતરા’ તરીકે ઇસ્લામિક ઉગ્રવાદનો સામનો કરવા માટે સુધારાની ભલામણો કરે છે. આ અઠવાડિયે પ્રકાશિત થયેલી સમીક્ષામાં ચેતવણી આપવામાં આવી છે કે પાકિસ્તાન બ્રિટનમાં મુસ્લિમ સમુદાયને ભારત વિરોધી ભાવનાઓ, ખાસ કરીને કાશ્મીરને લઈને છેડછાડ કરવાનો પ્રયાસ કરી રહ્યું છે.
પબ્લિક એપોઇન્ટમેન્ટ કમિશનર વિલિયમ શૉક્રોસ દ્વારા કરવામાં આવેલી સમીક્ષામાં યુકેમાં સક્રિય ખાલિસ્તાન તરફી જૂથોની એક નાની સંખ્યા દ્વારા ફેલાવવામાં આવી રહેલા ખોટા વર્ણન સામે ચેતવણી પણ આપવામાં આવી હતી. સમીક્ષામાં કહેવામાં આવ્યું છે કે, મેં બ્રિટનમાં ઉગ્રવાદી જૂથો સાથે જોડાયેલા પુરાવા જોયા છે.
‘ઉશ્કેરણીમાં બ્રિટિશ ઇસ્લામવાદીઓનું મોટું હિત’
વધુમાં કહેવામાં આવ્યું છે કે, ‘તે જ સમયે, મેં એક પાકિસ્તાની મૌલવીના બ્રિટનમાં સમર્થકોને જોયા છે જેમણે કાશ્મીરમાં હિંસાનું આહ્વાન કર્યું છે. મેં એવા પુરાવા પણ જોયા છે જે દર્શાવે છે કે બ્રિટિશ ઇસ્લામવાદીઓ કાશ્મીર સંબંધિત ઉશ્કેરણીમાં ખૂબ જ રસ ધરાવે છે. એવું માનવા માટે કોઈ કારણ નથી કે આ મુદ્દો મરી જશે કારણ કે ઇસ્લામવાદીઓ આવનારા વર્ષોમાં આમ કરવાનું ચાલુ રાખશે. તેનો લાભ લેવા માંગશે. આ
ખાલિસ્તાન તરફી ઉગ્રવાદ વિશે સાવચેત રહેવાની સલાહ
રિપોર્ટમાં ખાલિસ્તાન તરફી ઉગ્રવાદના મુદ્દા પર કહેવામાં આવ્યું છે કે, બ્રિટનના શીખ સમુદાયોમાં ઉદ્ભવતા ખાલિસ્તાન તરફી ઉગ્રવાદ વિશે પણ સાવચેત રહેવું જોઈએ. યુકેમાં સક્રિય ખાલિસ્તાન તરફી જૂથોની એક નાની સંખ્યા દ્વારા ખોટી વાર્તા ફેલાવવામાં આવી રહી છે કે સરકાર શીખોને હેરાન કરવા માટે ભારતમાં તેના સમકક્ષ સાથે સાંઠગાંઠ કરી રહી છે.
(ઇનપુટ-ભાષાંતર)
