પાકિસ્તાને ફરી ઓક્યુ ઝેર, રક્ષા મંત્રી ખ્વાજા આસિફે કહ્યું-કાશ્મીરમાં ફરી 370 લાદવા NC-કોંગ્રેસ અમારી સાથે

પાકિસ્તાનના રક્ષા મંત્રી ખ્વાજા આસિફે, મોદી સરકાર સામે ઝેર ઓક્યું છે. તેમણે જમ્મુ-કાશ્મીરમાંથી કલમ 370 હટાવવા પર મોટું નિવેદન આપ્યું છે. ખ્વાજાએ કહ્યું છે કે પાકિસ્તાન કલમ 370 અને 35A પર નેશનલ કોન્ફરન્સ-કોંગ્રેસ ગઠબંધનના સ્ટેન્ડ સાથે સહમત છે. તેમણે કહ્યું કે પાકિસ્તાન સરકાર પણ, ઓમર અબ્દુલ્લા-કોંગ્રેસ ગઠબંધનની જેમ કાશ્મીરમાં કલમ 370ની પુનઃસ્થાપના ઈચ્છે છે.

ખ્વાજા આસિફના આ નિવેદન બાદ ભાજપે કોંગ્રેસ પર પ્રહારો કર્યા છે. બીજેપી આઈટી સેલના વડા અમિત માલવિયાએ કહ્યું છે કે, કોંગ્રેસ હંમેશા રાષ્ટ્ર વિરોધીઓની સાથે જ રહી છે. પાકિસ્તાન કલમ 370 પર કોંગ્રેસ-NCના સ્ટેન્ડનું સમર્થન કરી રહ્યું છે. માલવિયાએ કહ્યું કે, પન્નુથી લઈને પાકિસ્તાન સુધી રાહુલ ગાંધી અને તેમની કોંગ્રેસ હંમેશા ભારતના હિતોના વિરોધીઓની પડખે હોવાનું કેવી રીતે દેખાય છે?

ભાજપે વધુમાં કહ્યું કે જમ્મુ-કાશ્મીરથી લઈને બાંગ્લાદેશ સુધી કોંગ્રેસનું વલણ પાકિસ્તાન જેવું છે. વાસ્તવમાં, જિયો ન્યૂઝ પર હામિદ મીરની કેપિટલ ટોક પર, જ્યારે પાકિસ્તાનના સંરક્ષણ પ્રધાન ખ્વાજાને પૂછવામાં આવ્યું કે, ફારુક અબ્દુલ્લાના પિતા શેખ અબ્દુલ્લા અને પંડિત નેહરુ વચ્ચે 370 અને 35A નક્કી કરવામાં આવ્યું હતું. વર્તમાન ચૂંટણીમાં આ બંને પક્ષો નેશનલ કોન્ફરન્સ અને કોંગ્રેસનું કહેવું છે કે, તેઓ જમ્મુ અને કાશ્મીરમાં કલમ 370 અને 35Aને પુનઃસ્થાપિત કરશે. શું તમને લાગે છે કે આ શક્ય બનશે?

તેના પર આસિફ ખ્વાજાએ કહ્યું કે મને લાગે છે કે, આ શક્ય બની શકે છે. આ મુદ્દો ઘણી વખત ચર્ચામાં આવ્યો છે. બંને પક્ષોએ પોતપોતાની પ્રેસ કોન્ફરન્સમાં પણ આ વાત કહી છે. જો ત્યાં કોંગ્રેસ અને નેશનલ કોન્ફરન્સની ગઠબંધન સરકાર બનશે તો મને લાગે છે કે આ ફરીથી શક્ય બનશે.

રાહુલ સત્તા મેળવવા માટે પોતાના દુશ્મનોને ટેકો આપે છે – મનજિંદર સિંહ સિરસા

પાકિસ્તાની રક્ષા મંત્રીના નિવેદન પર બીજેપી નેતા મનજિંદર સિંહ સિરસાએ કહ્યું કે, ખ્વાજાએ આવું કેમ કહ્યું કારણ કે પાકિસ્તાનનો ઝંડો, પન્નુનો ઝંડો દેશ તોડવા માટે છે, જ્યારે રાહુલ ગાંધીનો ઝંડો દેશ તોડવા માટે છે. ચીનનો ધ્વજ કોંગ્રેસનો ધ્વજ છે, ચીન જે ઈચ્છે છે તે કોંગ્રેસ ઈચ્છે છે. રાહુલ ગાંધી સત્તા મેળવવા માટે દેશના દુશ્મનો સાથે હાથ મિલાવે છે. દેશને તોડનારાઓને સાથ આપો.

આસિફ ખ્વાજાના નિવેદન પર ભડક્યા અબ્દુલ્લા, કહ્યું- હું ભારતીય છું, પાકિસ્તાની નથી

દરમિયાન પાકિસ્તાનના રક્ષા મંત્રી આસિફ ખ્વાજાના નિવેદન પર ફારુક અબ્દુલ્લા ગુસ્સે થઈ ગયા હતા. જ્યારે ફારુક અબ્દુલ્લાને આસિફ ખ્વાજાના નિવેદન અંગે સવાલ પૂછવામાં આવ્યો ત્યારે તેમણે કહ્યું કે, પાકિસ્તાન શુ કહે છે તેનાથી મને કોઈ ફરક નથી પડતો. હું પાકિસ્તાની નથી. હું ભારતીય છું. પાકિસ્તાનના રક્ષા મંત્રી આસિફ ખ્વાજાએ કહ્યું હતું કે, જમ્મુ કાશ્મીરમાં કલમ 370 ફરીથી લાદવા અંગે પાકિસ્તાન સરકાર અને નેશનલ કોન્ફરન્સ-કોંગ્રેસ ગઠબંધનની સાથે છે.