ક્યા 5 મેડિકલ ટેસ્ટ છે જે વર્ષમાં એક વાર જરૂર કરાવવા જોઇએ ?
2 April 2025
By: Mina Pandya
સ્વાસ્થ્યનું ધ્યાન રાખવું ખૂબ જ જરૂરી છે અને આ માટે સમયાંતરે મેડિકલ ચેકઅપ કરાવવું જોઈએ. નિયમિત તબીબી પરીક્ષણોથી ગંભીર રોગોની વહેલી ઓળખ થઈ શકે છે અને સમયસર સારવાર પણ થઈ શકે છે.
અહીં આજે અમે તમને એવા જ 5 મેડિકલ ટેસ્ટ વિશે જણાવી રહ્યા છીએ, જે દરેક વ્યક્તિએ વર્ષમાં એકવાર જરૂર કરાવવી જોઈએ.
બ્લડ સુગર ટેસ્ટ ડાયાબિટીસ શોધી કાઢે છે. જો અવગણવામાં આવે તો આ રોગ હૃદય, કિડની અને આંખોને પણ નુકસાન પહોંચાડે છે. જો તમને સતત તરસ લાગે છે, થાક લાગે છે અથવા ઘા રૂઝાઈ રહ્યા નથી, તો તમારે ચોક્કસપણે ટેસ્ટ કરાવવું જોઈએ.
કોલેસ્ટ્રોલનું પ્રમાણ વધવાથી હૃદયરોગ, હાર્ટ એટેક અને સ્ટ્રોક થઈ શકે છે. આ ટેસ્ટ તમારા લોહીમાં 'લિપિડ પ્રોફાઇલ'ની સ્થિતિ તપાસે છે. જો તમારી ઉંમર 30 વર્ષથી ઉપર છે તો દર વર્ષે આ ટેસ્ટ કરાવવો જોઈએ.
આ ટેસ્ટ લીવરના સ્વાસ્થ્યની તપાસ કરે છે અને લીવર સંબંધિત રોગોની સમયસર ઓળખ કરવામાં મદદ કરે છે. જો તમે આલ્કોહોલનું સેવન કરો છો અથવા તમારા પરિવારમાં લીવરની સમસ્યા છે તો આ ટેસ્ટ વર્ષમાં એક વખત કરાવવો જોઈએ.
જો તમને અનિયમિત વજનમાં ફેરફાર, થાક, ડિપ્રેશન અથવા કોઈપણ પ્રકારની શારીરિક પરેશાની લાગે તો આ ટેસ્ટ કરાવો. તેમજ જો પરિવારમાં કોઈને થાઈરોઈડની સમસ્યા હોય તો વર્ષમાં એકવાર આ ટેસ્ટ કરાવવો જોઈએ.
હાઈ બ્લડ પ્રેશર હૃદય અને કિડનીના રોગોનું મુખ્ય કારણ છે. જો તમને તણાવ, સ્થૂળતા, ધૂમ્રપાન અથવા ઉચ્ચ કોલેસ્ટ્રોલ જેવી સમસ્યા હોય તો વર્ષમાં એકવાર તમારું બ્લડ પ્રેશર તપાસવું જોઈએ.
આ સિવાય તમે વિટામિન B12/ફોલેટ, વિટામિન D3, આયર્ન, કમ્પ્લીટ બ્લડ કાઉન્ટ (CBC), HS CRP અને ESR જેવા ટેસ્ટ પણ કરાવી શકો છો.
આ સિવાય તમે વિટામિન B12/ફોલેટ, વિટામિન D3, આયર્ન, કમ્પ્લીટ બ્લડ કાઉન્ટ (CBC), HS CRP અને ESR જેવા ટેસ્ટ પણ કરાવી શકો છો.