11 જાન્યુઆરીના મહત્વના સમાચાર : ઉત્તરાયણ પહેલા પ્રતિબંધિત ચાઇનીઝ દોરીનું ધૂમ વેચાણ, સુરતમાં મોટી સંખ્યામાં દોરી અને તુક્કલ જપ્ત, હિંમતનગરમાંથી પણ ઝડપાઇ દોરી

વડોદરા શહેર ભાજપ પ્રમુખને લઈ કોકડું ગુંચવાયું

• વડોદરા શહેર ભાજપ પ્રમુખને લઈ કોકડું ગુંચવાયું
• પ્રમુખ પદના વિવાદ વચ્ચે MLA યોગેશ પટેલની સૂચક પોસ્ટ
• સોશિયલ મીડિયા પર પ્રમુખ કેવા હોવા જોઈએ તે અંગે કરી પોસ્ટ
• “શહેરના પ્રમુખ સર્વ વૈષ્ણવજનને માન્ય હોય તેવા હોવા જોઈએ”
• પોતાના વિકાસ માટે કાર્યરત રહે તેવા ન હોવા જોઈએ: યોગેશ પટેલ
• “નવા કાર્યાલયની ઘેલછા રાજકીય હારાકીરી પુરવાર થઈ”
• વર્તમાન પ્રમુખનું નામ લીધા વિના યોગેશ પટેલનો કટાક્ષ

જ્યાં ત્યા થૂકતા પુરુષોને અંગે હર્ષ સંઘવીએ મહિલાઓને આપી આ અનોખી સલાહ

પાન-મસાલો ખાઈને પિચકારી મારતા પતિદેવોને કાબૂમાં રાખવા ગૃહરાજ્યમંત્રી હર્ષ સંઘવીએ મહિલાઓને આપી અનોખી સલાહ. સુરતમાં આયોજિત મહિલા સંમેલનમાં ગૃહરાજ્ય પ્રધાને બહેનોને ટકોર કરી કે દરેક બહેન પાસે ઝાડુ અને ધોક્કો હશે. તેનો ઉપયોગ કરીને જ્યાં ત્યાં થૂંકતા પુરુષોને કંટ્રોલમાં રાખો. હર્ષ સંઘવીએ મહિલાઓને સલાહ આપતા કહ્યું કે સોસાયટીમાં બેઠા-બેઠા ભાઈઓ મોડી રાત સુધી પિચકારીઓ મારતા હોય ત્યારે બહેનો ધોકો લઈને બહાર નીકળે. તમે આવું કરશો તો પછી કોઈ જાહેરમાં પિચકારી મારવાની હિંમત નહીં કરે.

રખિયાલમાં વોર્ડમાં સેફ્ટી વગર કામદારો પાસે સફાઈ કરાવતો વીડિયો વાયરલ

અમદાવાદના સરસપુર રખિયાલ વોર્ડમાં કોઈપણ પ્રકારની સેફ્ટી વગર અને નિયમની વિરુદ્ધ ગટરમાં ઉતરીને કામદાર પાસે સફાઈ કરાવાતી હોય તેવો વીડિયો વાયરલ થતા AMCની કામગીરી સામે સવાલ ઉઠ્યા છે. સરસપુર રાધેશ્યામની ચાલીમાં મેન ગટરની ચેમ્બરની કામગીરીમાં સેફટી વગર કામગીરી કરાવી રહ્યા હોવાનો વીડિયો સામે આવ્યો છે..જેમાં કામ કરતા કામદારો પાસે કોઈ સેફેટી નથી અને જોખમી રીતે ગટરમાં ઉતરીને સફાઈ કામદારો સફાઈ કરી રહ્યા છે. આ અંગે મનાવ ગરિમા સંસ્થાએ AMCના અધિકારીઓને જાણ કરીને ફરિયાદ કરી છે અને જવાબદાર સામે પગલાં લેવા માગણી કરી છે. અગાઉ પણ વેજલપુર વિસ્તારમાં આ પ્રકારનો વીડિયો સામે આવ્યો હતો જેમાં તંત્રને જાણ કરવામાં આવતા અધિકારીઓએ નોટિસ પાઠવી અને કામ રોકાવ્યું હતું

વડોદરાઃ સગીરા પર દુષ્કર્મનો કેસ

• વડોદરાઃ સગીરા પર દુષ્કર્મનો કેસ
• કોર્ટે દોષિતને 20 વર્ષની સજા ફટકારી
• 2022માં સાવલીમાં નોંધાયો હતો ગુનો
• સોશિયલ મીડિયાથી આરોપીએ સગીરાનો કર્યો હતો સંપર્ક
• અલગ-અલગ જગ્યાએ સગીરા પર આચર્યું હતું દુષ્કર્મ
• જાતિવિષયક શબ્દો બોલી ફોટા પાડીને સગીરાને બ્લેકમેલ કરવાની પણ ફરિયાદ હતી

MS યુનિ.ના પ્રોફેસર સામે જાતિય સતામણીનો લાગ્યો આરોપ

વડોદરાની MS યુનિવર્સિટી ફરી એક વાર વિવાદમાં આવી છે. એમ એસ યુનિવર્સિટીની આર્ટ્સ ફેકલ્ટી વિદ્યાર્થિનીનીએ પ્રોફેસર મોહમંદ અઝહર ઢેરીવાલા સામે જાતીય સતામણીનો આરોપ લગાવ્યો છે. પીડિતાનું કહેવું છે કે લંપટ પ્રોફેસર તેની પાછળ પડી ગયો હતો અને તે લગ્ન તથા ધર્મ અંગીકાર કરવાની વાતો કરતો હતો. આખા મામલે પીડિતાએ યુનિવર્સિટીની મહિલા ફરિયાદ નિવારણ સમિતિને કરી ફરિયાદ કરવામાં આવી હતી. તમામ પુરાવાઓ સાથે મહિલા ફરિયાદ નિવારણ સમિતિને ફરિયાદ કરાઈ છે. પીડિતાની માતાનું કહેવું છે કે તેમની દિકરીને ખુબ પરેશાન કરી છે. માત્ર પીડિતા જ નહી પરંતુ પીડિતાની મિત્ર કે જે એમ એસ યુનિવર્સીટીમાં જ અભ્યાસ કરે છે તેને આરોપી પ્રોફેસર ટોર્ચર કરતો હતો. તેની મિત્રની માહિતી નહીં આપતા અન્ય વિદ્યાર્થીને પણ ધમકી આપતો. પીડિતાની મિત્રનું કહેવું છે કે સતત ધમકી આપતો અને ખોટા કામ કરતો

વડોદરા શહેર ભાજપ પ્રમુખને લઈ કોકડું ગુંચવાયું

• વડોદરા શહેર ભાજપ પ્રમુખને લઈ કોકડું ગુંચવાયું
• પ્રમુખ પદના વિવાદ વચ્ચે MLA યોગેશ પટેલની સૂચક પોસ્ટ
• સોશિયલ મીડિયા પર પ્રમુખ કેવા હોવા જોઈએ તે અંગે કરી પોસ્ટ
• “શહેરના પ્રમુખ સર્વ વૈષ્ણવજનને માન્ય હોય તેવા હોવા જોઈએ”
• પોતાના વિકાસ માટે કાર્યરત રહે તેવા ન હોવા જોઈએ: યોગેશ પટેલ
• “નવા કાર્યાલયની ઘેલછા રાજકીય હારાકીરી પુરવાર થઈ”
• વર્તમાન પ્રમુખનું નામ લીધા વિના યોગેશ પટેલનો કટાક્ષ

ખ્યાતિ હોસ્પિટલના ડાયરેક્ટર ચિરાગ રાજપૂતના 16 જાન્યુઆરી સુધીના રિમાન્ડ

PMJAY યોજનામાં કૌભાંડ મામલે ખ્યાંતિ હોસ્પિટલના ડાયરેક્ટર ચિરાગ રાજપૂત 16 જાન્યુઆરી સુધી પોલીસ રિમાન્ડ પર છે. ક્રાઈમ બ્રાન્ચે 14 દિવસના રિમાન્ડની માગણી કરી હતી જ્યારે મેટ્રો કોર્ટે આરોપીના પાંચ દિવસના રિમાન્ડ મંજૂર કર્યા છે. આરોપીએ યોજના અંતર્ગત કેટલા કલેઇમ મંજૂર કરાવ્યા છે? અન્ય કેટલી હોસ્પિટલ અને ડૉકટરો સાથે સાંઠગાંઠ છે તે અંગેની તપાસ માટે રિમાન્ડની માગણી કરવામાં આવી હતી.

વડોદરા: MS યુનિવર્સિટી ફરી વિવાદમાં

• વડોદરા: MS યુનિવર્સિટી ફરી વિવાદમાં
• એસોસિએટ પ્રોફેસર વિરુદ્ધ જાતીય સતામણીનો આરોપ
• આર્ટસ ફેકલ્ટીની વિદ્યાર્થિનીનો પ્રોફેસર પર ગંભીર આરોપ
• વિધર્મી પ્રોફેસરે ધર્મ અંગીકાર કરવાની અને લગ્નની લાલચ આપ્યાનો આક્ષેપ
• ડિપાર્ટમેન્ટ ઑફ હિન્દી વિભાગમાં પ્રોફેસર છે ડૉ. મોહમ્મદ અઝહર ઢેરીવાલા વિદ્યાર્થિનીએ યુનિ.ની મહિલા ફરિયાદ નિવારણ સમિતિને કરી હતી ફરિયાદ
• તમામ પુરાવાઓ સાથે હિન્દુ વિદ્યાર્થિનીએ કરી હતી રજૂઆત
• ફરિયાદ બાદ પ્રોફેસર ડૉ. મોહમ્મદ અઝહર ઢેરીવાલા સસ્પેન્ડ
• હિન્દી ડિપાર્ટમેન્ટનો રૂમ નંબર 28 કરાયો સિલ
• આ જ રૂમમાં વિદ્યાર્થીની સાથે જાતીય સતામણી થયાનો આક્ષેપ

બનાસકાંઠા: વાહનો પર પથ્થરમારો કરનાર આરોપીઓનું સરઘસ

• બનાસકાંઠા: વાહનો પર પથ્થરમારો કરનાર આરોપીઓનું સરઘસ
• પોલીસે અલગ-અલગ ટીમ બનાવી 7 આરોપીની કરી ધરપકડ
• અંબાજી સહિત આસપાસના વિસ્તારોમાં કરતા હતા પથ્થરમારો
• મોડી સાંજ બાદ પથ્થરમારો કરતા હોવાની સ્થાનિકોની હતી ફરિયાદ
• આરોપીઓ કોટેશ્વર, મીણ અને જાંબુડીના રહેવાસી હોવાનું ખુલ્યું
• સોશિયલ મીડિયામાં રોફ જમાવવા હથિયારો સાથે બનાવતા હતા રીલ

અરવલ્લીઃ રહીયોલ ગામેથી પોલીસકર્મીના ઘરેથી ઝડપાયો દારૂનો જથ્થો

• અરવલ્લીઃ રહીયોલ ગામેથી પોલીસકર્મીના ઘરેથી ઝડપાયો દારૂનો જથ્થો
• LCBએ પોલીસકર્મી વિજય પરમારના ઘરેથી રૂ 1.76 લાખનો દારૂ ઝડપાયો
• રસોડામાંથી વિદેશી દારૂની 2138 બોટલ ઝડપાઇ
• પોલીસ કોન્સ્ટેબલ વિજય પરમાર દરોડા પહેલા થયો ફરાર
• અગાઉ પણ દારૂ કેસમાં ઝડપાઈ ચૂક્યો છે વિજય પરમાર
• વિજય પરમાર પોરબંદર જિલ્લામાં ફરજ બજાવતો હતો
• કર્મી હાલ ઘરે આવ્યો હોવાની મળી હતી બાતમી
• LCBની ટીમે આરોપી કોન્સ્ટેબલને ઝડપી લેવા તજવીજ હાથધરી

સુરતઃ ઈચ્છાપુર વિસ્તારમાં ONGCનાં સુરક્ષાકર્મીની હત્યાના આરોપી ઝડપાયા

• સુરતઃ ઈચ્છાપુર વિસ્તારમાં ONGCનાં સુરક્ષાકર્મીની હત્યા
• બિહારના શિવાંન જિલ્લા ખાતેથી બે આરોપીઓની ધરપકડ
• મૃતક અને આરોપી વિક્રાંત વચ્ચે નાણાંની લેતી દેતીમાં થયો હતો ઝઘડો
• વિક્રાંત અને તેના મિત્ર સિદ્ધાર્થને મળી હત્યાને આપ્યો હતો અંજામ
• સતત બે દિવસ રેકી કરી ગોળી મારી કરી હતી હત્યા
• બંને આરોપીઓ હત્યા કર્યા બાદ ભાગી ગયા બિહાર
• આરોપીઓ નાણાંની વ્યવસ્થા કરી નેપાળ ભાગવાની ફિરાકમાં
• પોલીસે બંને આરોપીઓની બિહારથી ધરપકડ કરી કાર્યવાહી હાથ ધરી

અમદાવાદમાં ડ્રાઇવિંગ રોડમાં આવેલા પીજી હોસ્ટેલમાં ચોરી

અમદાવાદમાં ડ્રાઇવિંગ રોડમાં આવેલા પીજી હોસ્ટેલમાં ચોરી થઇ છે. અજાણી મહિલાએ મોંઘા મોબાઇલની ચોરી કરી. ચોરી કરવા આવેલ મહિલા આરોપી સીસીટીવીમાં કેદ થયા છે. વસ્રાપુર પોલીસે સીસીટીવીના આધારે ચોરીની તપાસ શરુ કરી છે.

વડોદરા: MS યુનિવર્સિટી ફરી વિવાદમાં આવી

વડોદરા: MS યુનિવર્સિટી ફરી વિવાદમાં આવી છે. એસોસિએટ પ્રોફેસર વિરુદ્ધ જાતીય સતામણીનો આરોપ લાગ્યો છે.  આર્ટસ ફેકલ્ટીની વિદ્યાર્થિનીએ પ્રોફેસર પર  બીજો ધર્મ અંગીકાર કરવાની અને લગ્નની લાલચ આપ્યાનો આક્ષેપ કર્યો છે.  વિદ્યાર્થિનીએ યુનિ.ની મહિલા ફરિયાદ નિવારણ સમિતિને ફરિયાદ કરી હતી. ફરિયાદ બાદ પ્રોફેસર ડૉ. મોહમ્મદ અઝહર ઢેરીવાલા સસ્પેન્ડ કરાયા છે.

વડોદરા: HMP વાયરસની દહેશત વચ્ચે દવાઓની અછત !

વડોદરા: HMP વાયરસની દહેશત વચ્ચે દવાઓની અછત ! શહેરના આરોગ્ય કેન્દ્રોમાં બાળકોને અપાતા સીરપની ઘટ હોવાનું સામે આવ્યુ છે. તાવમાં અપાતી દવાઓ ખૂટી પડ્યાનું સામે આવ્યું છે. પેરાસીટામોલ સીરપ, શરદીમાં અપાતા સિટ્રીઝીન સીરપ ખૂટી પડી. સેન્ટ્રલ સ્ટોરમાંથી સીરપ ન મગાવતા અછત સર્જાઈ છે.

સુરત: અડાજણમાં લિફ્ટનું કેબલ તૂટતા લિફ્ટ ઓપરેટરનું મોત

સુરત: અડાજણમાં લિફ્ટનું કેબલ તૂટતા લિફ્ટ ઓપરેટરનું મોત થયુ છે. અચાનક કેબલ તૂટી જતા લિફ્ટ નીચે પડી હતી. ગંભીર ઈજાને કારણે સારવાર મળે તે પહેલા જ ઓપરેટરનું મોત કોન્ટ્રાક્ટરની બેદરકારીને કારણે મોત થયાનો પરિવારજનોનો આક્ષેપ છે.

કચ્છ: મોબાઈલ ગેમની લતે લીધો વધુ એકનો ભોગ

કચ્છ: મોબાઈલ ગેમની લતે વધુ એકનો ભોગ લીધો છે. મોબાઈલ ગેમમાં હારી જતાં 17 વર્ષીય કિશોરે જીવન ટૂંકાવ્યું છે. ભુજના મોખાણા ગામમાં કિશોરે ઝેરી દવા પી લીધી છે. હોસ્પિટલમાં ચાર દિવસની સારવાર બાદ કિશોરનું મોત થયુ છે. કિશોરના મોબાઈલમાંથી ઘણી બધી ગેમ મળી આવી છે. કઈ ગેમમાં કિશોર હાર્યો તે દિશામાં તપાસ શરૂ કરાઈ છે. કિશોરે આપઘાત કરતાં નાનકડા ગામમાં શોકનો માહોલ છે.

દેવભૂમિ દ્વારકામાં ગેરકાયદે દબાણો પર ફર્યું દાદાનું બુલડોઝર

દેવભૂમિ દ્વારકા: ગેરકાયદે દબાણો પર દાદાનું બુલડોઝર ફરી વળ્યું છે. બેટ દ્વારકામાં મેગા ડિમોલિશન હાથ ધરાયું છે. ચુસ્ત પોલીસ બંદોબસ્ત વચ્ચે દબાણ હટાવવાની કામગીરી હાથ ધરાઇ છે. DySP સહિતના ઉચ્ચ અધિકારીઓ અને ટીમો હાજર છે. બેટ દ્વારકા જતા પ્રવાસીઓના વાહનોને પણ અટકાવી દેવાયા છે. સુરક્ષાના કારણોસર બેટ દ્વારકા મંદિરમાં જવાની દર્શનાર્થીઓને મનાઈ ફરમાવવામાં આવી છે. સરકારી જમીન પરના ગેરકાયદે દબાણોને પાલિકા દ્વારા નોટિસ ફટકારાઈ હતી.

CM ભૂપેન્દ્ર પટેલના હસ્તે પતંગોત્સવનો પ્રારંભ કરાવ્યો

અમદાવાદમાં CM ભૂપેન્દ્ર પટેલના હસ્તે  આંતરરાષ્ટ્રીય પતંગ મહોત્સવનો પ્રારંભ થયો છે. 11 થી 14 જાન્યુઆરી સુધી પતંગોત્સવનું આયોજન કરવામાં આવ્યુ છે. ભુતાન, બ્રાઝિલ, કેનેડા, ડેનમાર્ક સહિત 47 દેશના પતંગબાજો ઉપસ્થિત છે. ઇન્ટરનેશનલ કાઇટ ફેસ્ટિવલમાં મુખ્યમંત્રી ભૂપેન્દ્ર પટેલે નિવેદન આપ્યુ છે કે ઉતરાયણને આંતરરાષ્ટ્રીય સ્તરે લઈ જવાનું કામ નરેન્દ્ર મોદીના વિઝને કર્યું છે. ગુજરાતનો પતંગ ઉદ્યોગ 500 કરોડને આંબી ગયો છે. ગુજરાતના પતંગ વિદેશમાં એક્સપોર્ટ થાય છે.

કેલિફોર્નિયાના લોસ એન્જલસમાં લાગેલી આગ હજુ બેકાબૂ

કેલિફોર્નિયાના લોસ એન્જલસમાં લાગેલી આગ હજુ બેકાબૂ થઇ છે. ભીષણ આગમાં કુલ 11ના મોત થયા છે, અનેક ઘાયલ થયા છે. 1 લાખથી વધુ લોકોને સ્થળાંતરના આદેશ અપાયા છે. કુલ 40 હજાર એકર વિસ્તારમાં આગ ફેલાઈ છે. આગને લીધે 29 હજાર એકર વિસ્તાર સંપૂર્ણ રાખ થયો. 12 હજારથી વધુ મિલકતો નષ્ટ થઈ.

અયોધ્યા: રામલલાની પ્રાણ પ્રતિષ્ઠાને એક વર્ષ પૂર્ણ

અયોધ્યા: રામલલાની પ્રાણ પ્રતિષ્ઠાને એક વર્ષ પૂર્ણ થયુ છે. ફૂલો અને રોશનીથી  સંપૂર્ણ અયોધ્યા નગરી સજાવવામાં આવી છે. 11 થી 13 જાન્યુઆરી સુધી અયોધ્યામાં મહોત્સવનું આયોજન કરવામાં આવ્યુ છે. ગત વર્ષે પોષ સુદ બારસે જ મંદિરમાં રામલલા બિરાજ્યા હતા. આજે રામલલાનો મહાભિષેક અને મહાઆરતી થશે. CM યોગી આદિત્યનાથ રામલલાનો મહાભિષેક કરશે.

સુરત: ઓલપાડના માસમા ગામે ફરી ઝડપાઈ ડુપ્લીકેટ ઘીની ફેકટરી

સુરત: ઓલપાડના માસમા ગામે ફરી ઝડપાઈ ડુપ્લીકેટ ઘીની ફેકટરી પકડાઇ છે. ઈન્ડસ્ટ્રીયલ વિસ્તારમાં ધમધમતી નકલી ઘીની ફેક્ટરીમાં દરોડા પાડવામાં આવ્યો છે. પોલીસે ગોડાઉનમાંથી નકલી ઘીના જથ્થા સહિતનો મુદ્દામાલ જપ્ત કર્યો છે. અગાઉ પણ વિસ્તારમાંથી ડુપ્લીકેટ ઘી બનાવતી ફેક્ટરી ઝડપાઇ હતી.

પાંચ મહિનાની બાળકી પર જેસીબી ફરી વળતા મોત

સુરત: કામરેજના પરબ ગામે  પાંચ મહિનાની બાળકી પર જેસીબી ફરી વળતા મોત થયુ છે. શ્રમજીવી પરિવાર કન્સ્ટ્રક્શન સાઈટ પર કામ કરતો હતો. પરિવારે રોડની સાઈડમાં બાળકીને સુવડાવી હતી. જેસીબી ચાલકે બાળકી પર જેસીબી ચઢાવી દેતા હોસ્પિટલમાં ટૂંકી સારવાર બાદ બાળકીનું મોત થયુ છે.

સુરત: ઉત્તરાયણ નજીક આવતા પોલીસની કાર્યવાહી

સુરત: ઉત્તરાયણ નજીક આવતા પોલીસે પ્રતિબંધિત ચાઈનીઝ દોરી અને તુક્કલ ઝડપી કાર્યવાહી કરી છે. ચાઈનીઝ દોરીની 152 રીલ, કાંચનો ભૂક્કો કબજે કરાયો છે. 250 જેટલા ચાઈનીઝ તુક્કલ પણ જપ્ત કરાયા છે.

દાહોદઃ સુખસરમાંથી નકલી ઇન્કમટેક્સ અધિકારીઓ ઝડપાયા

દાહોદઃ સુખસરમાંથી નકલી ઇન્કમટેક્સ અધિકારીઓ ઝડપાયા છે. 6 શખ્સોએ નકલી ઇન્કમટેક્સ અધિકારી બની રેડ કરી હતી. સુખસરના વેપારીના ત્યાં દરોડા પાડ્યા. સેટલમન્ટ માટે નાણા પડાવતા હતા ત્યારે પકડાયા. કેસ ન કરવા માટે 25 લાખની માગ કરી હતી. પોલીસે 2 નકલી ઇન્કમટેક્સ અધિકારીઓની ધરપકડ કરી. 4 આરોપી પોલીસ પકડથી દૂર છે.

સાબરકાંઠાઃ ટ્રક અને ટેન્કર વચ્ચે અકસ્માતમાં ડ્રાઈવરનું મોત

સાબરકાંઠાઃ ટ્રક અને ટેન્કર વચ્ચે અકસ્માતમાં ડ્રાઈવરનું મોત થયુ છે. પ્રાંતિજના કાટવાડ પાટિયા નજીક નેશનલ હાઇવે પર અકસ્માત થયો છે. ધડાકાભેર ટ્રક અથડાતા ટ્રકચાલકના શરીરના બે ટુકડા થઈ ગયા. શામળાજી તરફથી આવતી ટ્રક આગળ જતી ટેન્કર સાથે અથડાઈ હતી. પ્રાંતિજ પોલીસ સહિતની ટીમો ઘટનાસ્થળે પહોંચી તપાસ હાથ ધરી.

AAPના MLA ગુરપ્રીત ગોગીનું ગોળી વાગતા થયું મોત

પંજાબઃ લુધિયાણા પશ્ચિમના આમ આદમી પાર્ટીના ધારાસભ્યનું શંકાસ્પદ સ્થિતિમાં મોત થયુ છે. AAPના MLA ગુરપ્રીત ગોગીનું ગોળી વાગતા મોત થયું છે. લાયસન્સવાળી બંદૂકની સફાઈ દરમ્યાન MLAને ગોળી વાગી. માથામાં ગોળી વાગતા તેમના જ રૂમમાં થયું મોત. પોલીસે MLAની લાશનું પોસ્ટમોર્ટમ કરી વધુ તપાસ શરૂ કરી.

રાજકોટઃ કાલાવડ રોડ પર બેફામ કારચાલકનો આતંક

રાજકોટઃ કાલાવડ રોડ પર બેફામ કારચાલકનો આતંક જોવા મળી રહ્યો છે. 1 કાર, 1 રિક્ષા અને બાઈકને અડફેટે લીધું. કારચાલક ડોક્ટર રાજ ગામી નશામાં હોવાનું બહાર આવ્યું છે. એક મહિલા સહિત ત્રણ લોકોને સામાન્ય ઈજા થઈ. પોલીસે કારચાલકનો પીછો કરીને પકડ્યો છે.

ગુજરાત હાઈકોર્ટે કાચ પાયેલી દોરી, ચાઈનીઝ તથા નાઈલોન દોરી પર પ્રતિબંધ ફરમાવ્યો

ઉત્તરાયણના 4 દિવસ પહેલા ગુજરાત હાઈકોર્ટે કાચ પાયેલી દોરી, ચાઈનીઝ તથા નાઈલોન દોરી પર પ્રતિબંધ ફરમાવ્યો છે. સાથે જ સરકારને યોગ્ય પગલા લેવા માટે પણ આદેશ કરવામાં આવ્યો છે. આ મામલે 13 જાન્યુઆરી સુધી કડક પગલા લેવા સરકારે ખાતરી આપી છે. કોર્ટનું સ્પષ્ટ માનવું છે કે આ પ્રકારની દોરીઓ લોકોના અને પક્ષીઓના જીવ લઈ રહી છે. તેનો ઉપયોગ અટકવો જ જોઈએ. તો આ નિર્ણયને રાજ્યના કેટલાક નાગરિકોએ પણ વધાવ્યો છે.