Kartik Aaryan એ વિખરેલા વાળ અને નેઇલ પેઇન્ટ લગાવેલી તસ્વીર શેર કરી તો ફેન્સ બોલ્યા, કિલર ફોટો ભાઈ
સોશિયલ મીડિયા પર લાખો લોકો કાર્તિક આર્યનને ફોલો કરી રહ્યા છે. તેમની દરેક તસ્વીર પોસ્ટ થતાંની સાથે જ વાયરલ થઈ જાય છે. આજે કાર્તિકે અલગ અવતારમાં એક તસ્વીર શેર કરી છે.
બોલિવૂડ (Bollywood) અભિનેતા કાર્તિક આર્યન (kartik Aaryan) આ દિવસોમાં હેડલાઇન્સનો એક ભાગ બની રહ્યા છે. તે હાલમાં તેમની પ્રોફેશનલ લાઈફ માટે હેડલાઇન્સ બનાવી રહ્યા છે. કાર્તિક આ દિવસોમાં ઘણા પ્રોજેક્ટ્સ વિશે ચર્ચામાં છે. સોશિયલ મીડિયા(Social Media) પર એક્ટિવ રહેતા કાર્તિક પોતાના ફેન્સ માટે તેમની તસ્વીરો શેર કરતા રહે છે. ચાહકોને તેમની તસ્વીરો ખૂબ ગમે છે. આજે કાર્તિકે સોશિયલ મીડિયા પર અલગ અવતારમાં એક તસ્વીર શેર કરી છે જે વાયરલ થઈ છે.
કાર્તિક આર્યનને ડબ્બૂ રત્નાની (Dabboo Ratnani) નાં કેલેન્ડર માટે ફોટોશૂટ કરાવ્યું છે. આ બ્લેક એન્ડ વ્હાઇટ તસ્વીરમાં કાર્તિક આર્યનની શૈલી સંપૂર્ણ અનોખી લાગે છે. ફોટામાં કાર્તિકે નેઇલ પેઇન્ટ લગાવ્યો છે અને વિખરેલા વાળમાં જોવા મળી રહ્યા છે અને તેમણે ગળામાં ઘણી ચેન પહેરી છે.
View this post on Instagram
ફોટો શેર કરતાં કાર્તિક આર્યને લખ્યું – ધ નંબર 1 શોટ. ડબ્બૂ રત્નાની કેલેન્ડર 2021. કાર્તિકની આ તસ્વીરને 2 લાખથી વધુ લોકો પસંદ કરી ચુક્યા છે. તેમના ચાહકો અને ઘણા સેલેબ્સ કાર્તિકની તસ્વીર પર કમેન્ટ કરી રહ્યા છે. એક ચાહકે લખ્યું – કિલર પિક્ચર ભાઈ. તે જ સમયે, ડબ્બુ રત્નાનીએ લખ્યું – સેક્સી મુન્ડા. કોરિયોગ્રાફર ફરાહ ખાને લખ્યું – કંઈ લેતા કેમ નથી.
ચાહકોને આપી હતી એક ઝલક
કાર્તિક આર્યને મંગળવારે તેમના આ ફોટોશૂટની તસ્વીર શેર કરી હતી જેમાં તેમણે પોતાનો ચહેરો સંતાડ્યો હતો. આ ફોટો શેર કરતી વખતે કાર્તિકે લખ્યું – ડબ્બુ સર હવે શોટને રિવીલ પણ કરી દો. કાર્તિકની આ પોસ્ટ પર ડબ્બૂ રત્નાનીએ કમેન્ટ કરી – રાહ નથી જોવાતી.
ચાલો તમને જણાવી દઈએ કે ઘણા સેલેબ્સ ડબ્બૂ રત્નાનીનાં કેલેન્ડર 2021 નો ભાગ બની ગયા છે. થોડા સમય પહેલા તેમણે સની લિયોની, આલિયા ભટ્ટ, કિયારા અડવાની, વિક્કી કૌશલ, અભિષેક બચ્ચન અને વિદ્યા બાલનની તસ્વીરો શેર કરી હતી, જેને ચાહકો દ્વારા ખૂબ પસંદ કરવામાં આવી હતી.
વર્કફ્રન્ટ પર, કાર્તિક છેલ્લે સારા અલી ખાનની સાથે ફિલ્મ લવ આજ કલમાં જોવા મળ્યા હતા. હવે તેમની ફિલ્મ ધમાકા (Dhamaka) ની ચાહકો રાહ જોઇ રહ્યા છે. ધમાકા ટૂંક સમયમાં ઓટીટી પ્લેટફોર્મ પર રિલીઝ થવા જઈ રહી છે. ફિલ્મનું ટીઝર રિલીઝ થઈ ગયું છે, હવે બધા ટ્રેલર અને ફિલ્મની રિલીઝ ડેટની રાહ જોઇ રહ્યા છે. કાર્તિકે તાજેતરમાં તેમની ફિલ્મ સત્યનારાયણકી કથાની જાહેરાત કરી હતી. હવે આ ફિલ્મનું ટાઈટલ બદલાવાનું છે.
