સ્પાઈસ જેટ કેવી રીતે અને શા માટે મુશ્કેલીમાં ફસાઈ, કંપની પાસે કર્મચારીઓના પીએફના પૈસા પણ નથી બચ્યા

દેવામાં ડૂબેલી સ્પાઈસ જેટ (SpiceJet) પર સંકટના વાદળો મંડરાઈ રહ્યા છે. સ્પાઈસ જેટના ઓડિટની દેખરેખ રાખતા ઓડિટર્સે જૂથની ક્ષમતા પર શંકા દર્શાવતા હિતધારકોને ચેતવણી આપી છે.  સ્પાઇસજેટે નાણાકીય વર્ષ 2021માં ટેક્સ, જીએસટી પેમેન્ટ (GST payments) અને કર્મચારીઓના PF માં કુલ 90 કરોડ રૂપિયા ડિફોલ્ટ કર્યા છે. સ્પાઇસજેટની નેટવર્થમાં (net worth) ઘટાડો થયો છે.

સ્પાઈસજેટ ગ્રુપને 31 માર્ચ 2021ના રોજ 1,028.18 કરોડ રૂપિયાનું નુકસાન થયું. અગાઉની ખોટ સહિત કુલ નુકસાન 4,223.38 કરોડ રૂપિયા પર પહોંચી ગયું છે. એરલાઇન પરની જવાબદારી વર્તમાન સંપત્તિ કરતાં  5,18,424.9 કરોડ રૂપિયા વધુ છે. સ્પાઇસજેટે નાણાકીય વર્ષ 2021માં ટેક્સ, જીએસટી પેમેન્ટ અને કર્મચારીઓના PF માં કુલ 90 કરોડ રૂપિયા ડિફોલ્ટ કર્યા છે.

મુશ્કેલીમાં એવિએશન ઈન્ડસ્ટ્રી

નિષ્ણાતોનું કહેવું છે કે મોંઘા ક્રૂડ ઓઈલ અને કોરોનાના કારણે ઉડ્ડયન ઉદ્યોગને ઘણું નુકસાન થયું છે. સરકાર દ્વારા લેવામાં આવેલા પગલાનો થોડો ફાયદો થયો છે. આગામી દિવસોમાં ઉડ્ડયન ક્ષેત્રની મુશ્કેલીઓ વધી શકે છે. કારણ કે ક્રૂડ ઓઈલ સતત મોંઘુ થઈ રહ્યું છે. તેથી જ સરકારી કંપનીઓએ એર ફ્યુઅલના ભાવમાં વધારો કર્યો છે.

આંતરરાષ્ટ્રીય ક્રૂડ ઓઈલના ભાવમાં વધારા વચ્ચે એરક્રાફ્ટ ફ્યુઅલ (ATF)ના ભાવમાં 2.75 ટકાનો વધારો કરવામાં આવ્યો છે. રાષ્ટ્રીય રાજધાનીમાં, ATFની કિંમત 2,039.63 રૂપિયા પ્રતિ કિલોલીટર વધીને 76,062.04 રૂપિયા પ્રતિ કિલોલીટર થઈ ગઈ છે. એરક્રાફ્ટ ઇંધણની કિંમતો દર મહિનાની 1લી અને 16મી તારીખે સંશોધિત કરવામાં આવે છે.

कर्ज में डूबी स्‍पाइसजेट पर संकट के बादल मंडरा रहे हैं. स्‍पाइसजेट का लेखा-जोखा देख रहे ऑडिटर्स ने समूह की क्षमता पर संदेह जताते हुए स्‍टेकहोल्‍डर्स को चेताया है. जानिए क्या है पूरा मामला-@anshuman1tiwari @sandeepgrover09#Spicejet #Money9 pic.twitter.com/ic2sFlec6H

— Money9 (@Money9Live) January 3, 2022

હવે સ્પાઈસ જેટનું શું થશે ?

ઓડિટર્સે હિતધારકોને જાણ કરી હતી કે સ્પાઈસ જેટ પાસે પીએફ, ઈએસઆઈ, ઈન્કમ ટેક્સ, સેલ્સ ટેક્સ, સર્વિસ ટેક્સ, કસ્ટમ્સ ડ્યુટી, એક્સાઈઝ ડ્યુટી, વેટ, જીએસટી અને અન્ય ટેક્સ બાકી છે.

આવકવેરા અધિનિયમ, 1961 હેઠળ, કંપની પાસે એપ્રિલ અને સપ્ટેમ્બર 2020 વચ્ચે 28.11 કરોડથી વધુ TDS બાકી છે. સેન્ટ્રલ ગુડ્સ એન્ડ સર્વિસ ટેક્સ ડિપાર્ટમેન્ટને પણ આના પર 30.81 કરોડનું દેવું છે.

ઓડિટર્સે કહ્યું કે કંપનીએ દોઢ વર્ષથી વધુ સમયથી કર્મચારીઓનો પીએફ પણ જમા કરાવ્યો નથી. માર્ચ 2019 થી સપ્ટેમ્બર 2020 ની વચ્ચે સ્પાઈસજેટે 32 કરોડનો PF જમા કરાવવાનો બાકી છે.

કર્મચારીઓનું કહેવું છે કે તેમના પગારમાં કાપ મૂકવામાં આવ્યો હતો અને કેટલાક કિસ્સાઓમાં ચૂકવણી કરવામાં આવી નથી. માર્ચ 2021 સુધીમાં, કંપનીમાં 14,810 કર્મચારીઓ હતા, જે ગયા વર્ષે 16,280 હતા.

શેરે રોકાણકારોને નિરાશ કર્યા હતા

કંપનીના નબળા પ્રદર્શનની અસર શેર પર દેખાઈ રહી છે. એક મહિનામાં શેરમાં 6 ટકાનો ઘટાડો થયો છે. તે જ સમયે, 3 મહિનામાં 11 ટકા અને એક વર્ષમાં 30 ટકાનો ઘટાડો થયો છે.

આ પણ વાંચો :  શું ઓમિક્રોનની સારવારનો ખર્ચ કોવિડ હેલ્થ ઈન્સ્યોરન્સ પોલિસીમાં કવર થશે? સરકારે આપ્યો આ જવાબ