દેશમાં Natural Gasના પરિવહન માટે બનશે કોમન પાઈપલાઈન, સરકાર ગેસ સેક્ટરમાં લાવી રહી છે નવા નિયમ
Natural Gas TSO : પેટ્રોલિયમ મંત્રાલયે નવી વ્યવસ્થા પર અન્ય મંત્રાલયો સાથે પરામર્શ પૂર્ણ કરી લીધો છે. અને આગામી વર્ષમાં TSO એટલે કે ટ્રાન્સપોર્ટ સિસ્ટમ ઓપરેટરની રચનાની પ્રક્રિયા શરૂ કરી શકાશે.
દેશમાં Natural Gas ના પરિવહન માટે એક કોમન ગેસ પાઈપલાઈન બનાવવા માટે વાતચીત ચાલી રહી છે. એક અહેવાલ મુજબ, આ માટે સ્વતંત્ર ઓપરેટર બનાવવાની પ્રક્રિયા આવતા વર્ષથી શરૂ થઈ શકે છે.રિપોર્ટમાં કહેવામાં આવ્યું છે કે પેટ્રોલિયમ મંત્રાલયે નવી વ્યવસ્થા પર અન્ય મંત્રાલયો સાથે પરામર્શ પૂર્ણ કરી લીધો છે. અને આગામી વર્ષમાં TSO એટલે કે ટ્રાન્સપોર્ટ સિસ્ટમ ઓપરેટરની રચનાની પ્રક્રિયા શરૂ કરી શકાશે.
નવી વ્યવસ્થા હેઠળ, એક સામાન્ય કેરિયર હશે, જેના દ્વારા દેશમાં હાજર તમામ કુદરતી ગેસનું પરિવહન કરવામાં આવશે. રિપોર્ટ અનુસાર પેટ્રોલિયમ મંત્રાલયને આશા છે કે આવતા વર્ષે જાન્યુઆરી સુધીમાં TSO પર કેબિનેટની મંજૂરી મળી જશે. ત્યારબાદ તેની રચનાની પ્રક્રિયા શરૂ કરવામાં આવશે.
ટેરિફમાં પારદર્શિતા લાવવામાં આવશે આ ઉપરાંત ONGC, IOCL, HPCL અને GAIL જેવી કંપનીઓનો આ TSOમાં સમાન હિસ્સો હશે. આ સાથે, એવી વ્યવસ્થા પણ કરવામાં આવશે કે GAIL પાસે ઉપલબ્ધ માનવ સંસાધનનો ઉપયોગ શરૂઆતમાં ઓછામાં ઓછા 5 વર્ષ સુધી TSOના સંચાલન માટે કરવામાં આવે.
આ સિવાય રિપોર્ટમાં કહેવામાં આવ્યું છે કે દેશમાં ચાલી રહેલા તમામ ગેસ બિઝનેસ માટે સરકાર નવા નિયમો લાવશે. નવા નિયમો હેઠળ એવી વ્યવસ્થા હશે કે ટેરિફમાં પારદર્શિતા અને એકરૂપતા હોવી જોઈએ. આ સાથે, ગેસની ઓપન એક્સેસ માટેની પ્રક્રિયા શું હોવી જોઈએ, તેમજ ગેસ પાઈપલાઈન બુક કરવા માટે ડીજીટલ સીસ્ટમના નિયમો શું હોવા જોઈએ આ અંગે સરકાર ટૂંક સમયમાં આ તમામ નિયમો જાહેર કરશે.
દેશમાં ગેસ સેક્ટરનો થશે વિકાસ સરકારે ગયા બજેટમાં TSOની રચનાની વાત કરી હતી. તેનો તેનો ધ્યેય એ છે કે ગેસ માર્કેટિંગ કંપનીઓને ભારતમાં ગેસ માર્કેટમાં લેવલ પ્લેઇંગ ફિલ્ડ પર બિઝનેસ કરવાની તક આપવાનો છે. આ કંપનીઓ પાસે એક સામાન્ય પ્લેટફોર્મ હોવું જોઈએ જેના દ્વારા તેઓ તેમના ગેસનું પરિવહન કરી શકે. અને કોઈપણ કંપની સાથે કોઈપણ પ્રકારનો ભેદભાવ ન હોવો જોઈએ, પછી તે સરકારી હોય કે ખાનગી. એકંદરે, દેશમાં ગેસ સેક્ટરનો વિકાસ કરવાના ઉદ્દેશ્ય સાથે, સરકારે TSOની રચના કરવાનો નિર્ણય કર્યો છે.
