BZ Group scam : કરોડોનું ફુલેકુ ફેરવનાર ભૂપેન્દ્ર ઝાલાને આશરો આપનારા કિરણસિંહ પોલીસ સકંજામાં, જુઓ Video
ગુજરાતમાં ચકચારી મચાવનાર BZ ગ્રુપ કૌભાંડમાં દિવસે દિવસે ખુલાસા થઈ રહ્યાં છે. એક બાજુ ભૂપેન્દ્ર ઝાલા પર સકંજો કસાયો છે ત્યારે સીઆઈડીની ટીમે મહાકૌભાંડીને આશરો આપનાર કિરણસિંહની પણ ધરપકડ કરી છે.
ગુજરાતમાં ચકચારી મચાવનાર BZ ગ્રુપ કૌભાંડમાં દિવસે દિવસે ખુલાસા થઈ રહ્યાં છે. એક બાજુ ભૂપેન્દ્ર ઝાલા પર સકંજો કસાયો છે ત્યારે સીઆઈડીની ટીમે મહાકૌભાંડીને આશરો આપનાર કિરણસિંહની પણ ધરપકડ કરી છે. મળતી માહિતી અનુસાર કૌભાંડી ભૂપેન્દ્ર ઝાલા વિસનગરમાં કિરણસિંહના ફાર્મ હાઉસમાં સંતાઈને અત્યાર સુધી બેઠો હતો. CID ક્રાઈમે કિરણસિંહની પણ પુછપરછ હાથ ધરી છે.
ભિલોડામાં તપાસનો ધમધમાટ
6000 કરોડનું ફુલેકુ ફેરવનાર ભૂપેન્દ્ર ઝાલા વિસનગરના દવાડા ગામે આવેલા એક ફાર્મ હાઉસમાં રોકાયો હતો. જેનું આ ફાર્મ હાઉસ હતુ તેની પણ CID ક્રાઈમે ધરપકડ કરી છે. બીજી તરફ અરવલ્લીના ભિલોડા ખાતે BZની ઓફિસમાં CID દ્વારા તપાસ હાથ ધરવામાં આવી છે. ઓફિસનું તાળું તોડીને તપાસ હાથ ધરવામાં આવી જો કે કૌભાંડી ભૂપેન્દ્ર ઝાલા ઝડપાયા બાદ ભિલોડા ખાતે CIDનું સર્ચ હાથ ધરવામાં આવ્યું છે. જેમાં CCTV કેમરાનું DVR, બાયોમેટ્રિક એટેન્ડન્સ મશીન સહિતની વસ્તુઓ જપ્ત કરી છે.
