નાયબ સિંહ સૈની

નાયબ સિંહ સૈની હરિયાણાના મુખ્યમંત્રી તરીકે ચૂંટાયા છે. 2024માં સંપન્ન થયેલ હરિયાણા વિધાનસભાની ચૂંટણીમાં તેમના નેતૃત્વમાં ભાજપનો વિજય થયો છે. તેઓ 2019માં લોકસભા સાંસદ તરીકે ચૂંટાઈને સંસદમાં પહોંચ્યા હતા. જો તેમની અગાઉની રાજકીય સફરની વાત કરીએ તો તેઓ ભારતીય જનતા પાર્ટીના પ્રદેશ મહામંત્રી, જિલ્લા મહામંત્રી અને જિલ્લા પ્રમુખ તરીકે પણ કામ કરી ચૂક્યા છે.

નાયબ સિંહ સૈનીની રાજકીય સફર 2002માં શરૂ થઈ છે. આ વર્ષે તેમને હરિયાણામાં ભાજપના યુવા મોરચાની કામગીરી સંભાળવાની જવાબદારી મળી હતી. આ પછી તેમણે જિલ્લા અધ્યક્ષ તરીકે કામ કર્યું અને 2009માં ભાજપ કિસાન મોરચા હરિયાણાના પ્રદેશ મહાસચિવ બન્યા. 2014 માં, તેઓ નારાયણગઢ સીટથી ધારાસભ્ય બન્યા અને પછી 2016 માં, તેઓ હરિયાણા સરકારમાં રાજ્ય મંત્રી હતા. નાયબ સિંહ સૈની અંબાલા લોકસભાના નારાયણગઢ ગામના રહેવાસી છે.