નવીન ઉલ હકે શુભમન ગિલની ભૂલનું કર્યું પુનરાવર્તન, સાથી ખેલાડીઓને કરાવ્યા રન આઉટ

ભારત અને અફઘાનિસ્તાન વચ્ચે ચાલી રહેલી T20 શ્રેણી જો આગામી થોડા દિવસોમાં એક વસ્તુ માટે યાદ રાખવામાં આવશે, તો તે વિચિત્ર રન આઉટ હશે. મોહાલીમાં રમાયેલી પ્રથમ T20 મેચમાં ભારતીય કેપ્ટન રોહિત શર્માએ પોતાના સાથી ખેલાડીની ભૂલને કારણે રન આઉટ થતાં પરત ફરવું પડ્યું હતું અને પોતાનો ગુસ્સો ઠાલવ્યો હતો. હવે પછીની મેચમાં અફઘાનિસ્તાનના ખેલાડીઓએ પણ આ જ ભૂલનું પુનરાવર્તન કર્યું અને દર્શકોને સતત બીજી મેચમાં ડ્રામા જોવા મળ્યો.

પહેલી મેચમાં રોહિત-ગિલ વચ્ચે થઈ ગડબડ

મોહાલીમાં રમાયેલી પ્રથમ T20 મેચમાં જ્યારે ભારતીય ટીમ રનનો પીછો કરવા ઉતરી ત્યારે બધાની નજર કેપ્ટન રોહિત શર્મા પર હતી. રોહિત 14 મહિના પછી T20 ટીમમાં પરત ફર્યો હતો અને ચાહકો તેની પાસેથી મજબૂત ઈનિંગની આશા રાખતા હતા. રોહિતે લાંબો શોટ રમવાનો પ્રયાસ કર્યો પરંતુ સફળ ન થયો અને એક રન માટે દોડ્યો. પરંતુ શુભમન ગિલે તેની અવગણના કરી. રોહિત નોન-સ્ટ્રાઈકર છેડે પહોંચી ગયો હતો પરંતુ ગિલ ખસ્યો નહીં અને રોહિત રનઆઉટ થયો હતો.

Web Stories View more

અજાણતાં થયેલા પાપોથી કેવી રીતે મુક્તિ મેળવવી ? પ્રેમાનંદ મહારાજે કહી મોટી વાત

Relationship : પ્રેમ કરતા યુગલો અપનાવી રહ્યા છે નવો ચોંકાવનારો ટ્રેન્ડ, જાણો

પ્રેમાનંદ મહારાજે સમજાવ્યું કે વિરાટ કોહલી કેમ નિષ્ફળ જઈ રહ્યો છે

TMKOC : તારક મહેતા કા ઉલ્ટા ચશ્મા" ના વિવાદ પર અસિત મોદીની પ્રતિક્રિયા

મકરસંક્રાંતિ બાળકોનો સૌથી પ્રિય તહેવાર છે, જુઓ ફોટો

યામી ગૌતમે તેના દીકરાનું રાખ્યુ સંસ્કૃત નામ, જાણો 'વેદાવિદ'નો અર્થ

નવીને સાથી ખેલાડીને કરાવ્યો રન આઉટ

શુભમન ગિલની ભૂલને કારણે રોહિતની વિકેટ પડી અને ત્યારથી તેની સતત ચર્ચા થતી રહી. ભાગ્યે જ કોઈએ વિચાર્યું હશે કે આગામી મેચમાં ફરીથી આવું કંઈક જોવા મળશે. જોકે આ વખતે અફઘાન ટીમ તેનો શિકાર બની હતી. નવીન ઉલ હક 20મી ઓવરના છેલ્લા બોલ પર સ્ટ્રાઈક પર હતો પરંતુ બોલ વાઈડ રહ્યો હતો. નોન-સ્ટ્રાઈક પર રહેલા મુજીબ ઉર રહેમાન એ આશામાં રન માટે દોડ્યા કે નવીન પણ તેને ટેકો આપશે પરંતુ એવું બન્યું નહીં.

A tale of two run-outs in the last over of the Afghanistan innings.

Watch here #INDvAFG @IDFCFIRSTBank pic.twitter.com/fMo89lIpmJ

— BCCI (@BCCI) January 14, 2024

ટીમને નુકસાન પહોંચાડ્યું

નવીન તેની ક્રિઝ પર રહ્યો અને મુજીબ બીજી બાજુ પહોંચી ગયો. અર્શદીપે તેને સરળતાથી રન આઉટ કર્યો. જે બાદ છેલી મેચમાં રોહિત અને શુભમન ગિલના રન આઉટની યાદ અપાવી. જો કે આ પછી માત્ર છેલ્લો બોલ બાકી રહ્યો હતો પરંતુ તેમ છતાં નવીને તેની ટીમને કેટલાક રનનું નુકસાન પહોંચાડ્યું હતું. રનઆઉટ થતા પહેલા મુજીબે માત્ર 9 બોલમાં 21 રન બનાવ્યા હતા અને તે છેલ્લા બોલ પર ટીમ માટે કેટલાક વધુ રન બનાવી શક્યો હોત. છેલ્લા બોલ પર પણ નવીનને કારણે અન્ય એક ખેલાડી રન આઉટ થયો અને અફઘાન ટીમ 172 રનમાં સમેટાઈ ગઈ.

આ પણ વાંચો : બીજી મેચમાં પણ રોહિત શર્માએ નિરાશ કર્યા, T20માં નિરાશાજનક વાપસી