જય શાહ બન્યા ICC અધ્યક્ષ, હવે ટીમ ઈન્ડિયા જશે પાકિસ્તાન, પૂર્વ ક્રિકેટરનો મોટો દાવો

ભારતીય ક્રિકેટ કંટ્રોલ બોર્ડના સેક્રેટરી જય શાહ તાજેતરમાં ICCના અધ્યક્ષ તરીકે ચૂંટાયા છે. તેઓ 1 ડિસેમ્બરથી તેમનો કાર્યકાળ શરૂ કરશે. તેમના કાર્યકાળની પ્રથમ મોટી ઈવેન્ટ ચેમ્પિયન્સ ટ્રોફી હશે, જેનું આયોજન આવતા વર્ષે પાકિસ્તાન દ્વારા કરવામાં આવનાર છે. આ ટુર્નામેન્ટ 19 ફેબ્રુઆરીથી 9 માર્ચ સુધી રમાશે. આ ટુર્નામેન્ટ માટે ભારતીય ટીમ પાકિસ્તાનનો પ્રવાસ કરશે કે નહીં તે હજુ સ્પષ્ટ નથી. આ દરમિયાન ટીમ ઈન્ડિયાના પ્રવાસને લઈને પાકિસ્તાન તરફથી મોટો દાવો કરવામાં આવ્યો છે.

પૂર્વ પાકિસ્તાની ક્રિકેટર રાશિદ લતીફે દાવો કર્યો

પાકિસ્તાનના પૂર્વ વિકેટકીપર બેટ્સમેન રાશિદ લતીફે દાવો કર્યો છે કે ટીમ ઈન્ડિયા ચેમ્પિયન્સ ટ્રોફી માટે પાકિસ્તાન આવશે. લતીફે તેની પાછળનું કારણ પણ જણાવ્યું છે. રાશિદ લતીફનું માનવું છે કે તે 50 ટકા નિશ્ચિત છે કે ભારત ચેમ્પિયન્સ ટ્રોફી માટે પાકિસ્તાન આવશે. એક યુટ્યુબ ચેનલ પર બોલતા લતીફે ટીમ ઈન્ડિયાના પાકિસ્તાન પ્રવાસ પર કહ્યું, ‘જો જય શાહ ICC અધ્યક્ષ તરીકે બિનહરીફ ચૂંટાયા છે, તો તેનો અર્થ એ છે કે પાકિસ્તાન ક્રિકેટ બોર્ડે પણ તેમને સમર્થન આપ્યું છે.’

Web Stories View more

બોલીવુડની સ્ટાર કિડ કચ્છની મુલાકાતે, જુઓ ફોટો

23 વર્ષની ઉંમરે ગ્લેમર છોડીને સંન્યાસી બની હતી આ અભિનેત્રી, જુઓ ફોટો

Health Tips : શિયાળામાં પિસ્તા ખાવા જોઈએ ? જાણો

Gold : ભારતમાં ક્યા રાજ્ય પાસે વધુ સોનું અને દૂનિયામાં કોણ આગળ?

WhatsApp સ્ટોરી પર પણ કરો ઇન્સ્ટાગ્રામ અને ફેસબુકની જેમ મેન્શન

Skin Care : ઓઈલી સ્કિન પર એલોવેરા લગાવવું જોઈએ કે નહીં?

Rashid Latif expressed confidence that Jay Shah could play a pivotal role in facilitating India’s participation in the Champions Trophy scheduled to be held in Pakistan.#Champions #ChampionsTrophy2025 #CT2025 #indvspaklive #IndvsPak #PakvsInd #BCCI #JayShah #ICCChairman pic.twitter.com/1dB8WC9oyz

— The wide Yorker (@TheWideYorker) August 29, 2024

રાશિદ લતીફે જય શાહના કર્યા વખાણ

રાશિદ લતીફે વધુમાં કહ્યું, ‘મને લાગે છે કે તે ભારત પાકિસ્તાન નહીં જવાના ઘોષણાપત્ર પર હસ્તાક્ષર કરે તેવી શક્યતા નથી. મને લાગે છે કે અમને 50 ટકા પુષ્ટિ મળી છે કે ભારતીય ટીમ પાકિસ્તાન આવી રહી છે. જય શાહનું અત્યાર સુધીનું કામ ક્રિકેટ માટે ફાયદાકારક રહ્યું છે, પછી તે BCCI હોય કે ICC.

વર્ષો પછી પાકિસ્તાનમાં ICC ઈવેન્ટ

ભારતીય ટીમે છેલ્લે 2008માં પાકિસ્તાનનો પ્રવાસ કર્યો હતો. ત્યારે ભારતીય ક્રિકેટ ટીમ પાકિસ્તાનમાં આયોજિત એશિયા કપ રમવા ગઈ હતી. 1996 ક્રિકેટ વર્લ્ડ કપની સહ-આયોજન બાદ, આ પ્રથમ વખત હતું જ્યારે પાકિસ્તાનને કોઈ મોટી ICC ઈવેન્ટની યજમાની મળી હોય. ગયા વર્ષે પાકિસ્તાનને એશિયા કપની યજમાની પણ મળી હતી. પરંતુ ટીમ ઈન્ડિયાએ પાકિસ્તાનનો પ્રવાસ કર્યો ન હતો. આવી સ્થિતિમાં ટુર્નામેન્ટ હાઈબ્રિડ મોડલ પર રમાડવામાં આવી હતી. હવે આ વખતે પણ આશા છે કે આ ટૂર્નામેન્ટ હાઈબ્રિડ મોડલ પર રમાઈ શકે છે અને ટીમ ઈન્ડિયા તેમની મેચ પાકિસ્તાનની બહાર રમી શકે છે.

આ પણ વાંચો: મોહમ્મદ શમીની ટીમમાં એન્ટ્રી, જાણો કઈ મેચથી મેદાનમાં પરત ફરશે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો