Household Jugaad: સાબુના નાના ટુકડાને નકામા સમજીને ફેંકવાની ભૂલ ના કરતા, આ રીતે બચાવી શકે છે તમારા હજારો રૂપિયા
કપડાં ધોવાના કે નહાવાના સાબુ જ્યારે નાના થઈ જાય ત્યારે આપણે તેને ફેંકી દેતા હોઈએ છીએ. પરંતુ આ નાનકડા ટુકડાઓ મોંઘા ક્લીનર્સની રજા કરી શકે છે. જાણો કેવી રીતે સાબુની આ 'કતરણ' તમારી સફાઈને સરળ બનાવવાની સાથે પૈસાની પણ બચત કરશે.

સાબુના વધેલા ટુકડાઓનો સાચો ઉપયોગ કરવા માટે નીચે મુજબની સરળ રીતો અપનાવી શકાય છે

બનાવો પાવરફુલ મલ્ટિપર્પઝ ક્લીનર: સાબુના ટુકડાને ફેંકવાને બદલે તેને ભેગા કરીને છીણી લો. ગરમ પાણીમાં આ છીણેલો સાબુ ઓગાળી તેમાં બે ચમચી બેકિંગ સોડા ઉમેરો. આ મિશ્રણને સ્પ્રે બોટલમાં ભરીને કિચન સ્લેબ, સિંક અને ટાઇલ્સ પર જામેલી ચીકાશ સાફ કરવા માટે વાપરો.

વોશ બેસિનની ચમક વધારવા માટે: જો સાબુના ટુકડા પકડી ન શકાય તેટલા નાના હોય, તો તેને એક જૂના મોજામાં ભરીને ગાંઠ મારી દો. બેસિન સાફ કરતી વખતે આ મોજાને ભીનું કરીને ઘસવાથી પુષ્કળ ફીણ વળશે અને સફાઈ પણ એકદમ ચોખ્ખી થશે.

કબાટની દુર્ગંધ દૂર કરવા માટે: કબાટમાં ભેજ અથવા લાંબો સમય બંધ રહેવાને કારણે આવતી વિચિત્ર ગંધને દૂર કરવા સાબુના સૂકા ટુકડા કામ લાગશે. આ ટુકડાને પાતળા સુતરાઉ કપડા કે નેટની પોટલીમાં બાંધી કબાટના ખૂણામાં અથવા કપડાંની વચ્ચે રાખી દો. તેનાથી કપડાંમાં તાજી સુગંધ જળવાઈ રહેશે.

ઘરે બનાવો લિક્વિડ હેન્ડ વોશ: મોંઘા હેન્ડ વોશ ખરીદવાને બદલે સાબુના ટુકડાને પાણીમાં ઉકાળી તેમાં અડધી ચમચી ગ્લિસરીન ઉમેરો. ઠંડુ થયા પછી તેને ખાલી બોટલમાં ભરી લો. આનાથી હાથ સાફ થશે અને મુલાયમ પણ રહેશે.

જિદ્દી ડાઘ દૂર કરવા માટે: શર્ટના કોલર કે કફ પર જામેલા મેલને દૂર કરવા સાબુના નાના ટુકડાને સીધા ડાઘવાળી જગ્યા પર ઘસો. 10 મિનિટ સુધી રહેવા દીધા બાદ બ્રશ મારવાથી ડાઘ સંપૂર્ણપણે ગાયબ થઈ જશે.
નોંધ: આ સમાચાર સામાન્ય માહિતી પર આધારિત છે. TV9Gujarati તેનું સમર્થન કરતું નથી કે તેની જવાબદારી સ્વીકારતું નથી.
ગેસ અને બ્લોટિંગથી પરેશાન છો? આ મેજિકલ ડ્રિંક પીવાથી મળશે અકસીર ઈલાજ, વાંચવા માટે અહીં ક્લિક કરો
