Breaking News : મહેસાણામાં ST બસના ડ્રાઇવરે નશાની હાલતમાં ચલાવી બસ, કાબૂ ગુમાવતા રોડની નીચે ઉતરી બસ ! જુઓ Video

મહેસાણામાં ST બસના ડ્રાઇવરની ગંભીર બેદરકારી સામે આવી છે. નશાની હાલતમાં બસ ચલાવી રહેલા ચાલકે સ્ટિયરિંગ પરથી કાબૂ ગુમાવતા બસ રસ્તાની બાજુમાં નીચે ઉતરી ગઈ હતી. આ ઘટના આદીવાડા ગામ નજીક બની હોવાનું જાણવા મળ્યું છે. સદનસીબે આ ઘટનામાં કોઈ મોટી દુર્ઘટના સર્જાઈ હોવાની માહિતી સામે આવી નથી. મહેસાણા વિસ્તારમાંથી પસાર થતી ST બસનો ડ્રાઇવર નશાની હાલતમાં હોવાનું સામે આવ્યું હતું. આદીવાડા ગામ નજીક પહોંચતા જ ડ્રાઇવરે બસ પરથી કાબૂ ગુમાવ્યો હતો. પરિણામે બસ રોડની સાઇડમાં નીચે ઉતરી ગઈ હતી. ઘટનાને પગલે આસપાસના લોકો એકઠા થઈ ગયા હતા.

પોલીસ ઘટનાસ્થળે પહોંચે તે પહેલાં બસચાલક ફરાર

ઘટના બાદ ડ્રાઇવરની સ્થિતિ અંગે તપાસ કરવામાં આવતાં તે નશાયુક્ત હાલતમાં હોવાનું જાણવા મળ્યું હતું. જોકે, પોલીસ ઘટનાસ્થળે પહોંચે તે પહેલાં જ બસચાલક ત્યાંથી ફરાર થઈ ગયો હતો. આ મામલે ST વિભાગે કાર્યવાહી કરતાં ડ્રાઇવર ભરતદાન ગઢવીને સસ્પેન્ડ કર્યો છે. જાહેર પરિવહનની જવાબદારી સંભાળતા ડ્રાઇવર દ્વારા નશાની હાલતમાં બસ ચલાવવાની ઘટના સામે આવતાં અનેક સવાલો ઊભા થયા છે. મુસાફરોની સુરક્ષાને ધ્યાનમાં રાખીને આવા કિસ્સાઓમાં કડક કાર્યવાહી કરવાની માંગ પણ ઊઠી શકે છે.

આ પણ વાંચો, Breaking News : વડોદરાના ₹84 લાખના દારૂકાંડમાં પોલીસ બેડામાં ખળભળાટ, બાપોદ પોલીસ સ્ટેશનના PI અને PSI સસ્પેન્ડ! જુઓ Video