IND vs NZ: ટીમ ઈન્ડિયા સામે ગ્લેન ફિલિપ્સનો દબદબો, 2026માં આ ખાસ રેકોર્ડ પોતાના નામે કર્યો
ન ફિલિપ્સ માટે 2026નું વર્ષ ભારત સામે શાનદાર રહ્યું છે. ODI અને T20 બાદ હવે ટેસ્ટ ક્રિકેટમાં પણ તેણે ભારતીય બોલરો સામે પોતાની તાકાત બતાવી છે. ન્યુઝીલેન્ડના આ બેટ્સમેને ભારત સામે રન બનાવવાના મામલે ડેરિલ મિશેલને પાછળ છોડી દીધો છે. હવે તેની નજર એક એવા રેકોર્ડ પર છે, જે આજ સુધી કોઈ કિવી બેટ્સમેન બનાવી શક્યો નથી.

વેલિંગ્ટનમાં ન્યુઝીલેન્ડ સામેની પહેલી ટેસ્ટમાં ટીમ ઈન્ડિયાએ મજબૂત શરૂઆત કરી હતી જોકે દિવસની રમતના અંતે ન્યુઝીલેન્ડનો હાથ ઉપર રહ્યો હતો.

ગ્લેન ફિલિપ્સ અને હેનરી નિકોલ્સ વચ્ચેની સદીની ભાગીદારીએ ન્યુઝીલેન્ડને પહેલા દિવસે મજબૂત સ્થિતિમાં મૂક્યું છે.

નિકોલ્સે તેની મજબૂત સદી પૂર્ણ કરી છે, અને હવે બધાની નજર ગ્લેન ફિલિપ્સ પર છે, જે પહેલા દિવસે 94 રન બનાવીને અણનમ રહ્યો હતો.

આમ ફિલિપ્સ એક જ વર્ષમાં ભારત સામે સૌથી વધુ રન બનાવનાર કિવી બેટ્સમેન બન્યો હતો.

ગ્લેન ફિલિપ્સે 2026 માં 796 રન બનાવી ડેરિલ મિશેલ (754 રન) ને પાછળ છોડી દીધો હતો.

બીજા દિવસે, ફિલિપ્સ સદીનું લક્ષ્ય રાખશે, અને જો તે જરૂરી છ રન બનાવી લેશે, તો તે ત્રણેય ફોર્મેટમાં ભારત સામે સદી ફટકારનાર ન્યુઝીલેન્ડનો પ્રથમ બેટ્સમેન બનશે.

ફિલિપ્સે જાન્યુઆરી 2026 માં ભારત સામેની ODI માં સદી ફટકારી હતી અને ત્યારબાદ વર્તમાન પ્રવાસની T20 શ્રેણીમાં સદી ફટકારી હતી.

ઓસ્ટ્રેલિયાના શેન વોટસન અને વેસ્ટ ઈન્ડિઝના શાઈ હોપ ત્રણેય ફોર્મેટમાં ભારત સામે સદી ફટકારનારા એકમાત્ર બે બેટ્સમેન છે. (PC: PTI/Getty Images)
Video: રિષભ પંતે દેવદત્ત પડિકલ પાસે કેચ છોડાવ્યો, ગુસ્સામાં ચીસો પાડવા લાગ્યો કેપ્ટન શુભમન ગિલ
