71st Miss World Winner: ચેક રિપબ્લિકની ક્રિસ્ટીના પિજકોવાએ જીત્યો મિસ વર્લ્ડનો ખિતાબ, ભારતની સિની શેટ્ટી ટોપ-4માંથી બહાર
71મી મિસ વર્લ્ડના વિજેતાની જાહેરાત કરવામાં આવી છે. ચેક રિપબ્લિકની ક્રિસ્ટીના પીજકોવાએ આ વર્ષે સ્પર્ધા જીતી છે. આ સ્પર્ધામાં 120 દેશોના પ્રતિભાગીઓએ ભાગ લીધો હતો, જેમાંથી ક્રિસ્ટિના પીજકોવાને તાજ પહેરાવવામાં આવ્યો હતો. સિની શેટ્ટી આ સ્પર્ધામાં ભારતનું પ્રતિનિધિત્વ કરી રહી હતી, પરંતુ તે ટાઈટલ જીતી શકી ન હતી.
આખરે, આખી દુનિયા જેની રાહ જોઈ રહી હતી તે ક્ષણ આવી ગઈ. 71મી મિસ વર્લ્ડના નામનું અનાવરણ કરવામાં આવ્યું છે. ચેક રિપબ્લિકની ક્રિસ્ટીના પીજકોવાએ આ સૌંદર્ય સ્પર્ધા જીતી છે અને લેબનોનની યાસ્મિના પ્રથમ રનર અપ રહી છે. 9 માર્ચે મુંબઈમાં જિયો વર્લ્ડ કન્વેન્શન સેન્ટર ખાતે મિસ વર્લ્ડની ફિનાલે યોજાઈ હતી, જ્યાં ક્રિસ્ટીનાના નામની વિજેતા તરીકે જાહેરાત કરવામાં આવી હતી અને તેણીને તાજ પહેરાવવામાં આવ્યો હતો.
આ વર્ષે આ સૌંદર્ય સ્પર્ધામાં 120 સ્પર્ધકોએ ભાગ લીધો હતો. બધાને પાછળ છોડીને ક્રિસ્ટીના પિજકોવાએ પોતાના માટે આ મોટું ટાઇટલ જીત્યું. તમને જણાવી દઈએ કે, છેલ્લી વખત આ સ્પર્ધા પોલેન્ડની રહેવાસી કેરોલિના બિલાવસ્કાએ જીતી હતી. તેણે જ ક્રિસ્ટીના પીજકોવાનો તાજ પહેરાવ્યો છે.
ભારતના સિની શેટ્ટીનું સપનું તૂટી ગયું
સિની શેટ્ટીએ ભારત વતી આ સ્પર્ધામાં ભાગ લીધો હતો. પરંતુ તે આ ટાઇટલ જીતી શકી ન હતી. ખરેખર, તે ટોપ-8માં સ્થાન મેળવવામાં સફળ રહી હતી. પરંતુ જ્યારે ટોપ 4 સ્પર્ધકોની પસંદગી કરવામાં આવી ત્યારે તે તેમાં સ્થાન મેળવી શકી નહીં અને મિસ વર્લ્ડનો તાજ જીતવાની રેસમાંથી બહાર થઈ ગઈ. તમને જણાવી દઈએ કે, સિનીનો જન્મ કર્ણાટકમાં થયો હતો. જોકે તેમનું શિક્ષણ મુંબઈમાં થયું હતું. તેણે 2022માં ફેમિના મિસ ઈન્ડિયાનો ખિતાબ જીત્યો છે.
કરણ જોહરે હતો હોસ્ટ
બોલિવૂડના પ્રખ્યાત ફિલ્મ સર્જક કરણ જોહરે આ ઈવેન્ટને હોસ્ટ કરી હતી અને 2013માં મિસ વર્લ્ડનો ખિતાબ જીતનાર મેગન યંગે તેને સપોર્ટ કર્યો હતો. નેહા કક્કર, તેના ભાઈ ટોની કક્કર અને શાન જેવા પ્રખ્યાત ગાયકોએ પર્ફોર્મન્સ આપ્યું અને તેમના પરફોર્મન્સથી સૌંદર્ય સ્પર્ધામાં ઉમેરો કર્યો.
View this post on Instagram
મહત્વનું છે કે આવું 28 વર્ષ પછી બન્યું છે જ્યારે ભારતમાં મિસ વર્લ્ડનું આયોજન કરવામાં આવ્યું હતું. અગાઉ વર્ષ 1996માં ભારતમાં 46મી આવૃત્તિનું આયોજન કરવામાં આવ્યું હતું. જ્યારે આ વખતે ઈવેન્ટ મુંબઈ શહેરમાં યોજાઈ હતી, જ્યારે 28 વર્ષ પહેલા ઈવેન્ટ બેંગલુરુમાં યોજાઈ હતી.
