Surat : કોર્પોરેશનની 11 સાઇટ્સ ગ્રીન એનર્જીની દિશામાં સૌથી આગળ, જેમાં રિન્યુએબલ એનર્જીનો હિસ્સો 50 ટકાથી વધુ
શહેરમાં (Surat) 11 મ્યુનિસિપલ સાઇટ્સ છે, જેમાં રિન્યુએબલ એનર્જીનો હિસ્સો 50 ટકાથી વધુ ઊર્જાનો છે. મ્યુનિસિપલ કોર્પોરેશને દાયકાના અંત સુધીમાંઆ વપરાશને વધારીને 50% કરવાનો લક્ષ્યાંક રાખ્યો છે.
પરંપરાગત ઉર્જાનો(Energy ) વપરાશ ઘટાડવામાં સુરત(Surat ) દેશના અન્ય શહેરોમાં સૌથી આગળ છે. સુરત મ્યુનિસિપલ કોર્પોરેશન (SMC) પાસે શહેરમાં આવી 11 સાઇટ્સ છે, જે ગ્રીન એનર્જી તરફ પગલાં ભરવામાં મોખરે છે. આ સ્થળો પરના કુલ ઉર્જા વપરાશમાં રિન્યુએબલ એનર્જીનો હિસ્સો 50 ટકાથી વધુ છે. આમાં પણ ઉમરા ઉત્તર ઝોનમાં આવેલું સુએજ પમ્પીંગ સ્ટેશન મોખરે છે. અહીં કુલવિદ્યુત વપરાશના 82.68 ટકા રિન્યુએબલ એનર્જીમાંથી લેવામાં આવે છે. સ્વચ્છ અને ગ્રીન એનર્જીને પ્રોત્સાહન આપવા માટે સમગ્ર વિશ્વમાં પ્રયાસો કરવામાં આવી રહ્યા છે.
યુનાઈટેડ નેશન્સ પણ તમામ દેશોને આબોહવા પરિવર્તન અને પર્યાવરણીય ફેરફારોની અસરને ધ્યાનમાં રાખીને ઊર્જા માટે પરંપરાગત સ્ત્રોતો પર નિર્ભરતા ઘટાડીને નવીનીકરણીય ઉર્જા પર ધ્યાન કેન્દ્રિત કરવાની સલાહ આપી રહ્યું છે. આ માટે સમયાંતરે માર્ગદર્શિકા પણ તૈયાર કરવામાં આવે છે. વિશ્વની આ ચિંતાને ધ્યાને લઈ સુરત મહાનગરપાલિકા ક્લીન એન્ડ ગ્રીન એનર્જી તરફ વળ્યું છે.
આ માટે પાલિકાએ પવન ઉર્જા પ્લાન્ટ સ્થાપવાની સાથે સોલાર પેનલ અંગે યુદ્ધના ધોરણે કામ કર્યું હતું. આના પરિણામે, સુરત મહાનગરપાલિકા હાલમાં તેના કુલ વપરાશના લગભગ 36% રિન્યુએબલમાંથી લઈ રહી છે. મ્યુનિસિપલ કોર્પોરેશને દાયકાના અંત સુધીમાંઆ વપરાશને વધારીને 50% કરવાનો લક્ષ્યાંક રાખ્યો છે.
નોર્થ ઝોનના સુએજ પમ્પિંગ સ્ટેશન પર રિન્યુએબલમાંથી 82.68 ભાગ
પુનઃપ્રાપ્ય ઉર્જામાંથી ઉર્જા સંરક્ષણમાં સૌથી વધુ ભાગીદારી ઉમરા નોર્થ ઝોન ખાતે આવેલ સુએજ પમ્પિંગ સ્ટેશન છે. અહીં કુલ ઊર્જા વપરાશનો 82.68 ભાગ રિન્યુએબલમાંથી આવે છે. તેના સહિત શહેરમાં 11 મ્યુનિસિપલ સાઇટ્સ છે, જેમાં રિન્યુએબલ એનર્જીનો હિસ્સો 50 ટકાથી વધુ ઊર્જાનો છે.
સાઇટ રિન્યુએબલ એનર્જીની ભાગીદારી (ટકામાં)
- ઉમરા નોર્થ સુએજ પમ્પિંગ સ્ટેશન 82.68 %
- હેડ વોટર વર્કસ 69.93 %
- અડાજણ સુએજ પમ્પિંગ સ્ટેશન 69.37 %
- પાંડેસરા પાણી વિતરણ કેન્દ્ર 67.81 %
- કોસાડ રેલ્વે સુએજ પમ્પીંગ સ્ટેશન 60.05 %
- રાંદેર વોટર વર્કસ બૂસ્ટર હાઉસ 56.63 %
- પીપલોદ સુએજ પમ્પિંગ સ્ટેશન 53.67 %
- પાલ-પાલનપોર સુએજ પમ્પિંગ સ્ટેશન 52.54 %
- ઉમરા દક્ષિણ સુએજ પમ્પિંગ સ્ટેશન 50.91 %
- ઉમરવાડા પાણી વિતરણ કેન્દ્ર 50.89 %
- કતારગામ પાણી વિતરણ કેન્દ્ર 50.34 %
