19 જાન્યુઆરીના મહત્વના સમાચાર : ગીર ગઢડામાં દીપડાએ બે વ્યક્તિ પર કર્યો હુમલો, એકનું મોત
આજ 19 જાન્યુઆરીના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો.
LIVE NEWS & UPDATES
-
Gir Somnath News : ગીર ગઢડામાં દીપડાએ બે વ્યક્તિ પર કર્યો હુમલો, એકનું મોત
ગીર સોમનાથના ગીર ગઢડા વિસ્તારમાં દીપડાનો આતંક વકર્યો છે. છેલ્લા પાંચ દિવસમાં સાત વ્યક્તિ પર દીપડાએ હુમલો કર્યો છે. ગીર ગઢડાના કોદીયાં ગામે રાત્રે વાડી વિસ્તારમાં બે અલગ અલગ જગ્યા પર દીપડાએ હુમલો કર્યો છે. દીપડાના આ હુમલામાં 44 વર્ષીય આઘેડનું મોત થયું છે. જ્યારે અન્ય વ્યક્તિને સારવાર અર્થે હોસ્પિટલમાં દાખલ કરાયેલ છે. દીપડાએ વાડી વિસ્તારના ઘરમાં ઘૂસીને આઘેડ ને મોતને ઘાટ ઉતાર્યા છે. આદમખોર દીપડાને પકડવા વન વિભાગે જતવીજ હાથ ધરી છે.
-
સૈફ અલી ખાન પર હુમલો કરનાર બાંગ્લાદેશી ઘૂસણખોર, વિજય, બિજોય બનીને મુંબઈમાં રહેતો હતો મોહમ્મદ ઇલ્યાસ
સૈફ અલી ખાન પર હુમલો કરનાર આરોપી મૂળ બાંગ્લાદેશી ઘૂસણખોર હોવાની મુંબઈ પોલીસને પાક્કી શંકા છે. તેની પાસેથી કોઈ પણ ભારતીય દસ્તાવેજ મળી આવ્યા નથી. જો કે, મુંબઈ પોલીસે આજે સત્તાવાર જાહેરાત કરી છે કે, હુમલાખોર હાઉસ કિપિગ એજન્સીમાં કામ કરતો હતો. તે વિજય, બિજોય બનીને મુંબઈમા રહેતો હતો.
-
-
Sabarkantha News : તલોદના પાશીના મુવાડા નજીક હિટ એન્ડ રન, એકનુ મોત
સાબરકાંઠા તલોદના પાશીના મુવાડા નજીક હિટ એન્ડ રનની ઘટના ઘટી છે. આ અકસ્માતમાં એક બાઈક ચાલકનું મોત થયું છે. અજાણ્યા વાહનની અડફેટે આવતા બાઈક ચાલક યુવકનું મોત થયું હતું. ડેગમાર તળાવ પાસે સ્ટેટ હાઈવે પર અકસ્માત સર્જી અજાણ્યું વાહન અંધકારમાં પલાયન થયું હતું. તલોદ પોલીસે અજાણ્યા વાહનના ચાલકને ઝડપી લેવા તપાસ હાથ ધરી છે.
-
Surendranagar News : લીંબડી અમદાવાદ નેશનલ હાઇવે પર અજાણ્યા વાહનની અડફેટે યુવકનું મોત
લીંબડી અમદાવાદ નેશનલ હાઇવે પર દેવપરાના પાટીયા પાસે અજાણ્યા વાહનની અડફેટે યુવકનું મોત થયું છે. દેવપરા ગામના પાટિયા પાસે કોઇ વાહન ચાલકે યુવકને અડફેટે લેતા તેનુ મોત થયું છે. યુવકનું મોત નિપજાવી અજાણ્યો વાહન ચાલક ફરાર થયો છે. પોલીસે ઘટના સ્થળે પહોચી મૃતદેહને લીંબડી હોસ્પિટલમાં પોસ્ટમોર્ટમ માટે મોકલીને વધુ તપાસ હાથ ધરી છે.
-
અમદાવાદમાં કોલ્ડપ્લે કોન્સર્ટની ટિકિટની કાળાબજારી કરનારો ઝડપાયો
કોલ્ડપ્લે કોન્સર્ટની ટિકિટની કાળાબજારી થઈ રહી છે. ચાંદખેડા પોલીસે અક્ષય પટેલ નામના એક વ્યક્તિની ધરપકડ કરી છે. આગામી 25 અને 26 જાન્યુઆરીના રોજ મોટેરા નરેન્દ્ર મોદી સ્ટેડિયમમાં યોજાઈ રહ્યો છે કોલ્ડપ્લે કોન્સર્ટ. અક્ષય પટેલ પાસેથી કોલ્ડપ્લેની છ ટિકિટો મળી આવી છે. 2500 રૂપિયાની 4 અને 4500 રૂપિયાની 2 ટિકિટ મળી આવી. 6 ટિકિટો ઊંચા ભાવે વેચી કાળા બજારી કરતો હતો. અક્ષય પટેલે અગાઉથી કોલ્ડપ્લેની ટિકિટો ખરીદી હતી. પોલીસે અક્ષય પટેલની ધરપકડ કરી વધુ તપાસ શરૂ કરી.
-
-
Donald Trump : ડોનાલ્ડ ટ્રમ્પના શપથ ગ્રહણ સમારોહ દરમિયાન પણ અમેરિકાનો રાષ્ટ્ર ધ્વજ અડધી કાઠીએ ફરકશે
ભૂતપૂર્વ USAના પૂર્વ રાષ્ટ્રપતિ જિમી કાર્ટરના 29 ડિસેમ્બર, 2024 ના રોજ થયેલા અવસાન પછી, અમેરિકાનો રાષ્ટ્રધ્વજ અડધી કાસ્ટ પર લહેરાતો રહ્યો છે. અમેરિકાના રાષ્ટ્રપતિપદ પરથી વિદાય લઈ રહેલા જો બાઈડને જાહેરાત કરી હતી કે, કાર્ટરના અવસાનને કારણે, 30 જાન્યુઆરી સુધીના 30 દિવસ સુધી અમેરિકાનો રાષ્ટ્રધ્વજ અડધી કાઠીએ લહેરાશે. આવતીકાલ 20 જાન્યુઆરીએ રાષ્ટ્રપતિ તરીકે ચૂંટાયેલા ડોનાલ્ડ ટ્રમ્પના શપથ ગ્રહણ દરમિયાન પણ વ્હાઈટ હાઉસ ખાતે અમેરિકાનો રાષ્ટ્ર ધ્વજ અડધી કાઠીએ લહેરાતો હશે.
-
સૈફ અલી ખાન પર હુમલો કરનારની થાણેથી ધરપકડ, આરોપીએ ગુનો કબૂલી લીધો
સૈફ અલી ખાન ઉપર હુમલો કરનાર આરોપીની મુંબઈ પોલીસે થાણાથી ધરપકડ કરી છે. પોલીસના હાથે ઝડપાયેલા આરોપીએ તેનો ગુનો કબુલી લીધો છે. મુંબઈ પોલીસ આરોપીને રિમાન્ડ પર લેશે અને તેની પૂછપરછ કરશે કે તે સૈફ અલી ખાનના ઘરમાં કેમ ઘુસ્યો, તેનો હેતુ શું હતો અને તેણે સૈફ અને તેના સ્ટાફ પર ઘાતક હુમલો કેમ કર્યો. અત્રે ઉલ્લેખનીય છે કે, સૈફના ઘરની સીડીઓ પરથી ઉતરતા સીસીટીવી ફૂટેજમાં કેદ થયેલા હુમલાખોરના પોસ્ટર મુંબઈ અને આસપાસના સ્થળોએ લગાવવામાં આવ્યા હતા.
-
-
પીએમ મોદી આજે ‘મન કી બાત’ કાર્યક્રમમાં સંબોધન કરશે, પોતાના વિચારો શેર કરશે
પ્રધાનમંત્રી નરેન્દ્ર મોદી આજે તેમના માસિક રેડિયો પ્રસારણ ‘મન કી બાત’ માં રાષ્ટ્રને સંબોધિત કરશે. આ વર્ષ 2025નો પહેલો ‘મન કી બાત’ કાર્યક્રમ હશે. આમાં તેઓ દેશમાં થયેલા સકારાત્મક સામૂહિક પ્રયાસોનો ઉલ્લેખ કરશે અને પોતાના વિચારો પણ શેર કરશે.
આજે 19 જાન્યુઆરીને રવિવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો…
Published On - Jan 19,2025 7:22 AM
