હોટલ-રેસ્ટોરન્ટ જ નહીં સરકારી શાળાના મધ્યાહન ભોજનમાં પણ જીવાત જ જીવાત, વાલીઓમાં રોષ, જુઓ વીડિયો
બનાસકાંઠા જિલ્લાના દાંતા તાલુકામાં મધ્યાહન ભોજનમાં દાળમાંથી જીવાત નિકળવાનો મામલો સામે આવ્યો છે. દાંતા તાલુકાની મંડાલી શાળાના વિદ્યાર્થીઓને આપવામાં આવતા મધ્યાહન ભોજનની દાળમાંથી જીવાત મોટી સંખ્યામાં નિકળવાને લઈ વાલીઓ પણ ચોંકી ઉઠ્યા હતા.
વીડિયોમાં જોઈ શકાય છે કે, ચણાની દાળમાંથી મોટી સંખ્યામાં જીવાત નીકળી છે. મધ્યાહન ભોજનના સંચાલકને આ અંગે જૂની દાળનો જથ્થો પધરાવી દેવાને લઈ બાળકોના આરોગ્ય સાથે ચેડા કરવામાં આવતા હોવાના આક્ષેપો ઉઠ્યા છે. ઘટના અંગે સ્થાનિક મામલતદારને ફરિયાદ કરવામાં આવતા તેઓએ નવી દાળનો જથ્થો જ સપ્લાય કરવા માટે પરીપત્ર કર્યો હતો.
જોકે સવાલ એ છે કે, બાળકોના આરોગ્યને કેવી રીતે જોખમમાં મૂકી શકાય એમ આવા પૂરવઠાને ફાળવવામાં આવી શકે. જો ખાનગી હોટલ-રેસ્ટોરન્ટ સામે પગલા ભરવામાં આવતા હોય તો, આ વા કિસ્સામાં પણ સેમ્પલ લઈને યોગ્ય કાર્યવાહી કરવાની માંગ ઉઠી છે.
આ પણ વાંચો: સાબરડેરીએ પશુપાલકો માટે આપ્યા ખુશખબર, 258 કરોડ ભાવફેર રકમ ચૂકવણી કરાશે, જાણો
Published on: Jul 10, 2024 05:54 PM
Latest Videos
