Viral Video: 3 કરોડની ઓડી લઈ ચા વેચવા આવે છે શખ્સ, લોકોએ કહ્યુ ‘ચા વેચીને ઓડી લીધી કે ઓડી ખરીદ્યા પછી ચા વેચવાનું શરૂ કર્યુ’
નવાઈની વાત એ છે કે આ વ્યક્તિ 3 કરોડની ઓડી લઈને ચા વેચવા આવ્યો છે. જેના કારણે આ યુવક 'ઓડી ચાયવાલા'ના નામથી લોકપ્રિય થઈ રહ્યો છે. આ વીડિયો સામે આવ્યા બાદ લોકો માની શકતા નથી કે ચાવાળા પાસે ત્રણ કરોડની ઓડી કાર હશે.
સોશિયલ મીડિયા પર એક વીડિયો સામે આવ્યો છે. આ વીડિયો જોઈને તમને નવાઈ લાગશે. વીડિયોમાં એક વ્યક્તિ રસ્તાના કિનારે ચા વેચતો જોવા મળી રહ્યો છે. નવાઈની વાત એ છે કે આ વ્યક્તિ 3 કરોડની ઓડી લઈને ચા વેચવા આવ્યો છે. જેના કારણે આ યુવક ‘ઓડી ચાયવાલા’ના નામથી લોકપ્રિય થઈ રહ્યો છે. આ વીડિયો સામે આવ્યા બાદ લોકો માની શકતા નથી કે ચાવાળા પાસે ત્રણ કરોડની ઓડી કાર હશે.
ઓડી ચાયવાલાનો વીડિયો વાયરલ
તમે જોઈ શકો છો કે વ્યક્તિએ તેની ઓડી કાર રોડની બાજુમાં પાર્ક કરી છે. ચા વેચવા માટેની તમામ વસ્તુઓ તેની કારની બુટમાં રાખવામાં આવી છે અને તે રસ્તાની બાજુમાં ચા બનાવતો અને વેચતો જોવા મળે છે. આ દરમિયાન જે પણ ત્યાંથી પસાર થાય છે, તે આ ચાવાળાને જોઈને આશ્ચર્યચકિત થઈ જાય છે. ઈન્સ્ટાગ્રામ પર વીડિયો શેયર કરતી વખતે યુઝરે આશ્ચર્યચકિત થઈને લખ્યું કે એ સમજાતું નથી કે ઓડી ખરીદ્યા પછી તેણે ચા વેચવાનું શરૂ કર્યુ કે ચા વેચીને ઓડી ખરીદી છે. જુઓ વીડિયો.
View this post on Instagram
આ સમયે, આ ચા વેચનાર ઈન્ટરનેટ પર ચર્ચામાં છે. આ વીડિયો આશિષ ત્રિવેદી24 નામના યુઝરે તેના ઈન્સ્ટાગ્રામ એકાઉન્ટ પર શેયર કર્યો છે. તમે જોઈ શકો છો કે જ્યારે ઓડી સાથે યુવક ચા વેચી રહ્યો હતો ત્યારે ત્યાંથી પસાર થઈ રહેલા એક વ્યક્તિએ તેનો વીડિયો બનાવીને ઈન્ટરનેટ પર શેર કર્યો હતો. વીડિયોમાં જોઈ શકાય છે કે સફેદ ઓડી પાછળ બે-ત્રણ લોકો ઉભા છે. યુવકે આ લક્ઝરી વાહનને ટી સ્ટેશનમાં ફેરવી દીધું છે. તે ટેબલ પર ચા બનાવી રહ્યો છે. આ સાથે લોકો તેમની બનાવેલી ચા પીતા જોવા મળે છે.
ટ્રેડિંગ સમાચાર ગુજરાતીમાં વાંચો tv9gujarati.com પર
વાયરલ અને ટ્રેડિંગ વીડિયો સાથે જોડાયેલા તમામ ન્યૂઝ માટે જોડાયેલા રહો…
