મેઘાલય

મેઘાલય એ ભારતનું પૂર્વ પ્રદેશમાં આવેલ રાજ્ય છે. મેઘાલય એ દેશના ઉત્તર પૂર્વીય ભાગમાં આવેલું છે. ઉત્તર અને ઉત્તરપૂર્વમાં ભારતના આસામ રાજ્ય અને દક્ષિણ અને દક્ષિણ પશ્ચિમમાં બાંગ્લાદેશની સાથે જોડાયેલ છે. મેઘાલય રાજ્યની રાજધાની શિલોંગ છે. જે પર્વતીય શહેર છે, શિલોંગ પૂર્વ-મધ્ય મેઘાલયમાં સ્થિત છે.

મેઘાલય એ બે જોડાયેલા શબ્દથી બનેલ એક શબ્દ છે. મેઘ એટલે વાદળો અને આલય એટલે નિવાસ સ્થાન, વાદળનુ નિવાસસ્થાન એટલે મેઘાલય એવુ સ્થાનિક ભાષામાં પ્રચલિત છે. સુંદર, મન મોહી લેતા પર્વતીય પ્રદેશ એટલે મેઘાલય.

1972માં મેઘાલય એક રાજ્ય બન્યું. તે 8,660 ચોરસ માઇલ વિસ્તારમાં ફેલાયલ છે. જેની વસ્તી 2011ની ગણતરી અનુસાર 29,64,007 છે.

મેઘાલયમાં આવેલ પર્વતમાળાઓને ખાસી ટેકરીઓ અને જયંતિયા ટેકરીઓ તરીકે ઓળખવામાં આવે છે. અહીં જગલ, પર્વત, નદી અને ખીણ પ્રદેશ આવેલ છે.