Trending Video: દુનિયાનું સૌથી ‘મોટું કેળું’ ! ઈંચમાં નહીં, ફૂટમાં મપાય છે… સાઈઝ જોઈને આંખો ખુલ્લી રહી જશે

તમે બધાએ કેળું ખાધું હશે અને જોયું પણ હશે. સામાન્ય રીતે એક કેળાની સાઈઝ 6-9 ઇંચ સુધીની હોય છે. એવામાં શું તમે ક્યારેય એટલું મોટું કેળું જોયું છે કે, જેને ઇંચમાં નહીં પણ ફૂટમાં માપવામાં આવતું હોય? કદાચ જ તમે ક્યારેય આ પ્રકારનું કેળું જોયું હશે.

જો કે, સોશિયલ મીડિયાના આ જમાનામાં અવારનવાર આશ્ચર્યજનક વસ્તુઓ જોવા મળતી હોય છે. તાજેતરમાં જ સોશિયલ મીડિયા પર એક આવા જ કેળાનો વીડિયો ખૂબ વાયરલ થઈ રહ્યો છે, જેનો આકાર ખૂબ જ મોટો છે.

વિશાળકાય કેળાનો વીડિયો સોશિયલ મીડિયા પર Viral

આ વાયરલ વીડિયોને સોશિયલ સાઇટ X (ટ્વિટર) પર @Rainmaker1973 નામના એકાઉન્ટ પરથી શેર કરવામાં આવ્યો છે. આ વીડિયોને અત્યાર સુધીમાં લાખો લોકોએ જોયો છે અને હજારો લોકોએ લાઈક કર્યો છે.

વીડિયોમાં જોઈ શકાય છે કે, એક છોકરો પોતાના હાથમાં એક વિશાળકાય કેળું લઈને ઊભો છે અને તેને ખાતો દેખાઈ રહ્યો છે. વીડિયોમાં દેખાતું કેળું એટલું મોટું છે કે, તેને જોનારાઓની આંખો ખુલ્લી ને ખુલ્લી રહી જશે.

The world’s largest wild banana species is called Musa ingens. It is also known as the Giant Highland Banana. This massive plant grows natively in the tropical mountain forests of New Guinea. pic.twitter.com/2cZjXtpRS1

— Massimo (@Rainmaker1973) August 2, 2026

આ કયું ‘કેળું’ છે અને ક્યાં ઊગે છે?

વીડિયોના કેપ્શનમાં આ કેળા વિશે કેટલીક માહિતી પણ આપવામાં આવી છે. માહિતી અનુસાર, આ એક જંગલી કેળું છે. દાવો કરવામાં આવી રહ્યો છે કે, આ દુનિયાના સૌથી મોટા કેળાની પ્રજાતિ છે. કેળાની આ પ્રજાતિનું નામ મૂસા ઇન્જેન્સ (Musa Ingens) છે. તેને જાયન્ટ હાઇલેન્ડ બનાના (Giant Highland Banana) પણ કહેવામાં આવે છે.

કેળાની આ પ્રજાતિનો છોડ ન્યૂ ગિની (New Guinea) ના ઊંચા અને ઘાટા પહાડી જંગલોમાં કુદરતી રીતે ઊગે છે. આ દુનિયાના બીજા ભાગોમાં ખૂબ ઓછું જોવા મળે છે.

અન્ય મોટા વૃક્ષો જેવી હોય છે કેળાના આ છોડની ‘ઊંચાઈ’

આ છોડની સાઈઝ 20 થી 25 મીટર (65 થી 82 ફૂટ) સુધીની હોઈ શકે છે. ટૂંકમાં, આ ઘણા વૃક્ષો જેટલો ઊંચો દેખાય છે. આ છોડનું થડ પણ ખૂબ જ જાડું હોય છે. દૂરથી જોતાં આ કોઈ મોટા વૃક્ષ જેવું જ લાગે છે પરંતુ વાસ્તવમાં આ કેળાની જ એક પ્રજાતિ છે.

આ છોડના ફળ સામાન્ય કેળા જેવા જ હોય છે પરંતુ તેના બીજ ખૂબ મોટા અને કઠણ હોય છે. આ જ કારણ છે કે, તેને સામાન્ય કેળાની જેમ સહેલાઈથી ખાઈ શકાતા નથી.

Trending Video: છોકરી સામે જોતાં પણ ડરશે! દીકરીઓની છેડતી કરવી પડી ‘ભારે’, ગ્રામજનોએ આ રીતે રસ્તા વચ્ચે ઉતાર્યો પારો