Breaking News: BCCIના સેન્ટ્રલ કોન્ટ્રાક્ટમાંથી ઈશાન કિશન-શ્રેયસ અય્યર બહાર, જયસ્વાલને મળ્યું ઈનામ

દર વર્ષે બોર્ડ ઓફ કંટ્રોલ ફોર ક્રિકેટ ઈન ઈન્ડિયા ખેલાડીઓ માટે કેન્દ્રીય કરારની જાહેરાત કરે છે, જેને 4 વિવિધ શ્રેણીઓમાં વિભાજિત કરવામાં આવે છે. આમાં ટોચ પર A પ્લસ કેટેગરી છે, જેમાં ફક્ત તે ખેલાડીઓ જ સ્થાન મેળવે છે જેઓ સૌથી મહત્વપૂર્ણ છે અને ત્રણેય ફોર્મેટમાં સતત રમે છે.

શ્રેયસ અય્યર અને ઈશાન કિશન બહાર

BCCIએ 28 ફેબ્રુઆરી, બુધવારે વાર્ષિક કરારની જાહેરાત કરવામાં આવી હતી, જેમાં સૌથી મોટા સમાચાર શ્રેયસ અય્યર અને ઈશાન કિશનને લઈને આવ્યા હતા. BCCIની અનેક વિનંતીઓ છતાં રણજી ટ્રોફી ન રમવા બદલ બંને ખેલાડીઓને સજા કરવામાં આવી છે. બંનેને સેન્ટ્રલ કોન્ટ્રાક્ટમાંથી બહાર કારવામાં આવ્યા છે. જ્યારે સતત પ્રદર્શન કરી રહેલા યુવા બેટ્સમેન યશસ્વી જયસ્વાલને પ્રથમ વખત કોન્ટ્રાક્ટ મળ્યો છે.

Web Stories View more

દેશી સફેદ જુવાર ખાવાના ફાયદા, જાણીને ચોંકી જશો

Cannesમાં કિયારા અડવાણીનો ચાલ્યો જાદું, પિંક અને બ્લેક ગાઉનમાં લૂટી મહેફિલ

જાહ્નવી કપૂરની ફિટનેસ ટ્રેનર પણ છે ખૂબ ગ્લેમરસ, જુઓ તસવીર

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

BCCIએ ખેલાડીઓને 4 ગ્રેડમાં વિભાજિત કર્યા

આંતરરાષ્ટ્રીય ક્રિકેટમાં ટીમ ભારતનું પ્રતિનિધિત્વ કરતા ખેલાડીઓને દર વર્ષે 12 મહિનાનો કોન્ટ્રાક્ટ આપે છે, જેના હેઠળ તેમને એક નિશ્ચિત રકમ મળે છે, પછી ભલે તેઓ તે વર્ષમાં આંતરરાષ્ટ્રીય ક્રિકેટ રમે કે ન રમે. BCCIએ તેમને 4 ગ્રેડમાં વિભાજિત કર્યા છે – A+, A, B અને C. ટોચ પર A+ છે, જેમાં એકને દર વર્ષે રૂ. 7 કરોડ મળે છે, જ્યારે Aમાં ખેલાડીઓને રૂ. 5 કરોડનો પગાર મળે છે. જ્યારે B ગ્રેડના ખેલાડીઓને 3 કરોડ અને C ગ્રેડના ખેલાડીઓને 1 કરોડ રૂપિયા મળે છે.

Additionally, athletes who meet the criteria of playing a minimum of 3 Tests or 8 ODIs or 10 T20Is within the specified period will automatically be included in Grade C on a pro-rata basis.

For more details, click the link below https://t.co/IzRjzUUdel #TeamIndia

— BCCI (@BCCI) February 28, 2024

A+ ગ્રેડ

આ ગ્રેડમાં 4 સૌથી મહત્વપૂર્ણ ખેલાડીઓ છે, જેઓ ત્રણેય ફોર્મેટમાં રમે છે અને સતત ટીમનો ભાગ છે. આ ગ્રેડમાં કોઈ ફેરફાર કરવામાં આવ્યો નથી અને હજુ પણ માત્ર 4 ખેલાડીઓ છે – રોહિત શર્મા, વિરાટ કોહલી, જસપ્રીત બુમરાહ અને રવીન્દ્ર જાડેજા.

A ગ્રેડ

આ ગ્રેડમાં 6 ખેલાડીઓ સામેલ છે, જેમાં કેએલ, સિરાજ અને શુભમનને પ્રમોશન મળ્યું છે. આ 6 ખેલાડીઓ A ગ્રેડનો ભાગ છે – રવિચંદ્રન અશ્વિન, શુભમન ગિલ, મોહમ્મદ શમી, મોહમ્મદ સિરાજ, કેએલ રાહુલ અને હાર્દિક પંડ્યા.

B ગ્રેડ

B ગ્રેડમાં 5 કરોડ રૂપિયાના વાર્ષિક પગાર સાથે 5 ક્રિકેટર છે, જેમાં સૌથી નવી એન્ટ્રી યશસ્વી જયસ્વાલની છે. યશસ્વીને પહેલી વાર કોન્ટ્રાક્ટ મળ્યો અને સીધો B ગ્રેડમાં સ્થાન મળ્યું. જ્યારે રિષભ અને અક્ષર ડિમોટ થયા બાદ અહીં આવ્યા છે. B ગ્રેડમાં સામેલ 5 ખેલાડીઓ – સૂર્યકુમાર યાદવ, રિષભ પંત, અક્ષર પટેલ, કુલદીપ યાદવ અને યશસ્વી જયસ્વાલ.

C ગ્રેડ

આ સૌથી ઓછા પગારના ગ્રેડમાં કુલ 15 ખેલાડીઓને સ્થાન મળ્યું છે, જેમાંથી ઉમેશ યાદવ, ઈશાન કિશન અને શ્રેયસ અય્યર જેવા ગત વર્ષના ખેલાડીઓને બાકાત રાખવામાં આવ્યા છે. જ્યારે રજત પાટીદાર, રિંકુ સિંહ, તિલક વર્મા જેવા નવા ખેલાડીઓને તક મળી છે. C ગ્રેડના 15 ખેલાડીઓ – રિંકુ સિંહ, તિલક વર્મા, ઋતુરાજ ગાયકવાડ, શાર્દુલ ઠાકુર, શિવમ દુબે, રવિ બિશ્નોઈ, જીતેશ શર્મા, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, કેએસ ભરત, પ્રસિદ્ધ કૃષ્ણા, અવેશ ખાન અને રજત પાટીદાર.

The Selection Committee has also recommended Fast Bowling contracts for the following athletes – Akash Deep, Vijaykumar Vyshak, Umran Malik, Yash Dayal and Vidwath Kaverappa.#TeamIndia

— BCCI (@BCCI) February 28, 2024

ઝડપી બોલિંગ કરાર

આ સિવાય BCCIએ ફાસ્ટ બોલરોને સદ્ધર બનાવવા માટે 5 ખેલાડીઓને ખાસ કોન્ટ્રાક્ટ પણ આપ્યા છે. બોર્ડે તેની અખબારી યાદીમાં જણાવ્યું કે પસંદગી સમિતિની ભલામણના આધારે 5 ખેલાડીઓને ઝડપી બોલિંગનો કરાર આપવામાં આવ્યો છે, જેમાં ઉમરાન મલિક, આકાશ દીપ જેવા નામ સામેલ છે. આ ખેલાડીઓને ફિક્સ વાર્ષિક પગાર પણ મળશે પરંતુ BCCIએ હજુ સુધી આ રકમનો ખુલાસો કર્યો નથી. આ 5 બોલરોમાં સામેલ છે – ઉમરાન મલિક, આકાશ દીપ, વિજયકુમાર વૈશાક, વિદ્વપ કવેરપ્પા અને યશ દયાલ.

આ પણ વાંચો : એન્ડરસને ધોનીના બોલિંગ કેપ્ટનને પોતાનો ગુરુ બનાવ્યો, તેની પાસેથી શીખ્યો સ્વિંગ