Asad Ahmed Encounter: જાણો કોણ છે STFના ચીફ અમિતાભ યશ, જેમને અતિકનો પુત્રનો કર્યો અંત
ઉત્તર પ્રદેશમાં માયાવતીની સરકાર આવી ત્યારે અમિતાભ યશને STFના SSP બનાવવામાં આવ્યા હતા. તેની પાસે દાયકાઓથી ચંબલમાં આતંક ફેલાવતા ડાકુઓને પકડવાની જવાબદારી હતી.
ઉમેશ પાલ હત્યા કેસના આરોપી અને માફિયા અતીક અહેમદનો પુત્ર અસદ, અન્ય સાથી ગુલામ સાથે યુપી એસટીએફ દ્વારા એન્કાઉન્ટરમાં માર્યો ગયો, બંનેનું એન્કાઉન્ટર ઝાંસીમાં થયું હતું. બંને પર પાંચ-પાંચ લાખ રૂપિયાનું ઈનામ જાહેર કરવામાં આવ્યું હતું. અસદ અને ગુલામને મારનાર યુપી એસટીએફ ચર્ચામાં આવી ગયું છે.
સૌથી વધુ ચર્ચા યુપી એસટીએફના વડા અમિતાભ યશની છે, જેઓ એન્કાઉન્ટર સ્પેશિયાલિસ્ટ તરીકે પણ જાણીતા છે. ADG અમિતાભ યશે તેમની કારકિર્દીમાં અત્યાર સુધીમાં 150થી વધુ એન્કાઉન્ટર કર્યા છે અને એકથી વધુ ખતરનાક ગુનેગારોને ઠાર કર્યા છે. ચંબલ વિસ્તારમાં દાયકાઓથી આતંક ફેલાવતા ડાકુ દદુઆ અને ઠોકિયાને મારવાનો શ્રેય અમિતાભ યશને જાય છે.
કોણ છે UP STF ચીફ અમિતાભ યશ?
બિહારના ભોજપુર જિલ્લાના વતની અમિતાભ યશ 1996 બેચના આઈપીએસ અધિકારી છે. તેમનો જન્મ 11 એપ્રિલ 1971ના રોજ ભોજપુરમાં થયો હતો. 1 જાન્યુઆરી, 2021 ના રોજ, તેમને યુપી એસટીએફમાં એડિશનલ ડાયરેક્ટર જનરલના પદ પર બઢતી આપવામાં આવી હતી. તેમણે અત્યાર સુધીમાં યુપી, મધ્યપ્રદેશના વિવિધ જિલ્લાઓમાં અનેક એન્કાઉન્ટર ઓપરેશનો કર્યા છે. આ સિવાય થોડાં વર્ષો પહેલા બાઇકરુ ઘટનાના મુખ્ય આરોપી વિકાસ દુબેની એન્કાઉન્ટરમાં પણ UP STFની ટીમ સામેલ હતી.
જ્યારે ભયાનક ડાકુ દદુઆનું મોત થયું હતું
મે 2007માં જ્યારે ઉત્તર પ્રદેશમાં માયાવતીની સરકાર સત્તામાં આવી ત્યારે અમિતાભ યશને STFના SSP બનાવવામાં આવ્યા હતા. તેની પાસે દાયકાઓથી ચંબલની કોતરો પર આતંક ફેલાવતા ડાકુઓને પકડવાની જવાબદારી હતી. STFએ શિવકુમાર પટેલ ઉર્ફે દદુઆને પકડવા માટે ઝુંબેશ પણ શરૂ કરી હતી.
ઘણા મહિનાઓની મહેનત બાદ આખરે અમિતાભ યશ દદુઆને મારવામાં સફળ થયા. 22 જુલાઈ, 2007ના રોજ, અમિતાભ યશ અને તત્કાલીન એડિશનલ એસપી અનંત દેવ તિવારીના નેતૃત્વમાં 22 UP STF જવાનોની ટીમે દદુઆને ઠાર કર્યો હતો. દદુઆએ ચિત્રકૂટ, બુંદેલખંડ વગેરે વિસ્તારોમાં ત્રણ દાયકા કરતાં વધુ સમયથી આતંક મચાવ્યો હતો. આ દરમિયાન તેની સામે લૂંટ, હત્યા, અપહરણ જેવા 250થી વધુ કેસ નોંધાયા હતા.
પિતાના મોતનો બદલો લેવા માટે દદુઆ ડાકુ બન્યો હતો
યુપીના ચિત્રકૂટના દેવકાલી ગામનો રહેવાસી દદુઆ પોતાના પિતાના મોતનો બદલો લેવા માટે ડાકુ બની ગયો. કહેવાય છે કે ગામમાં કેટલાક લોકોએ તેના પિતાને નગ્ન કરી આખા ગામમાં ફેરવ્યા હતા. આ પછી તેની હત્યા કરવામાં આવી હતી. આ બધું જોયા પછી દદુઆએ તેના પિતાના મોતનો બદલો લેવાનું નક્કી કર્યું.
એકવાર ગામને આગ લગાડી હતી
80ના દાયકાના મધ્ય સુધીમાં, દદુઆએ પોતાની ગેંગ બનાવી. તેણે અનેક નિર્દોષ લોકોની હત્યા કરી. એક વાર ગામને આગ લગાડી હતી. દદુઆના પરિવારની વાત કરીએ તો તેના લોકો રાજકારણ સાથે પણ જોડાયેલા છે. તેના મૃત્યુ પછી, તેમના પુત્ર વીર સિંહ પટેલ કારવી પંચાયતનો અધ્યક્ષ બન્યા અને પછીથી 2012 અને 2017ની વચ્ચે ચિત્રકૂટથી ધારાસભ્ય બન્યા.
દેશ અને દુનિયાના તાજા સમાચાર ગુજરાતીમાં વાંચો tv9gujarati.com પર
ક્રાઈમ સાથે જોડાયેલા તમામ ન્યૂઝ માટે જોડાયેલા રહો…
