Agni 4 Missile: ભારતે કર્યુ અગ્નિ-4 બેલેસ્ટિક મિસાઈલનું સફળ પરીક્ષણ, 4 હજાર કિલોમીટર અંતર સુધી મારવામાં સક્ષમ
અગાઉ 31 મેના રોજ સંરક્ષણ મંત્રાલયે ભારત ડાયનેમિક્સ લિમિટેડ (BDL) સાથે એર-ટુ-એર એસ્ટ્રા Mk-I મિસાઈલો અને સંબંધિત સાધનોની ખરીદી માટે રૂ. 2,971 કરોડના કરાર પર હસ્તાક્ષર કર્યા હતા.
ભારત સતત તેની સૈન્ય શક્તિ (India Defence Sector) વધારી રહ્યું છે. આજે એટલે કે સોમવારે ભારતની શક્તિશાળી મધ્યવર્તી રેન્જની બેલેસ્ટિક મિસાઈલ અગ્નિ-4નું ઓડિશાના (Odisha) એપીજે અબ્દુલ કલામ દ્વીપ પર પરીક્ષણ કરવામાં આવ્યું છે. અગ્નિ 4 મિસાઈલનું (Agni-4 Missile) પરીક્ષણ પ્રક્ષેપણ તરીકે કરવામાં આવ્યું છે. સંરક્ષણ મંત્રાલયે (Defence Ministry) માહિતી આપી છે કે અગ્નિ-4 મિસાઈલનું આ પરીક્ષણ સોમવારે સાંજે 7.30 કલાકે કરવામાં આવ્યું છે.
સંરક્ષણ મંત્રાલય તરફથી કહેવામાં આવ્યું છે કે આ દરમિયાન તેના તમામ માપદંડોનું પરીક્ષણ કરવામાં આવ્યું હતું અને સાથે જ સિસ્ટમનું પણ પરીક્ષણ કરવામાં આવ્યું હતું. પ્રક્ષેપણ સ્ટ્રેટેજિક ફોર્સીસ કમાન્ડ હેઠળ નિયમિત વપરાશકર્તા તાલીમનો એક ભાગ હતો. આ સફળ પરીક્ષણ ભારતની વિશ્વસનીય લઘુત્તમ અવરોધની નીતિને વધુ મજબૂત બનાવે છે. ભારતની આ શક્તિશાળી મિસાઈલની ડિઝાઈન ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) દ્વારા તૈયાર કરવામાં આવી છે. તે જ સમયે તે ભારત ડાયનામિક્સ લિમિટેડ દ્વારા બનાવવામાં આવ્યું છે.
આધુનિક સાધનોથી સજ્જ આ મિસાઈલ
અગ્નિ 4 મિસાઈલનું કુલ વજન 17,000 કિલોગ્રામ છે. તેની લંબાઈ 20 મીટર છે. તેની પાસે વિસ્ફોટકોના રૂપમાં વ્યૂહાત્મક પરમાણુ હથિયારો લઈ જવાની ક્ષમતા પણ છે. તે 900 કિમીની ઉંચાઈ સુધી પણ ઉડી શકે છે. તેમજ તેમાં અનેક આધુનિક ઉપકરણો લગાવવામાં આવ્યા છે. તેમાં રિંગ લેસર ગાયરો ઈનર્શિયલ નેવિગેશન સિસ્ટમ પણ છે. તેની ફાયરપાવર સચોટ છે.
મંત્રાલયે એસ્ટ્રા મિસાઈલને લઈને ડીલ કરી
અગાઉ 31 મેના રોજ સંરક્ષણ મંત્રાલયે ભારત ડાયનેમિક્સ લિમિટેડ (BDL) સાથે એર-ટુ-એર એસ્ટ્રા Mk-I મિસાઈલો અને સંબંધિત સાધનોની ખરીદી માટે રૂ. 2,971 કરોડના કરાર પર હસ્તાક્ષર કર્યા હતા. મંત્રાલયે કહ્યું હતું કે ભારતીય વાયુસેના અને ભારતીય નૌકાદળ માટે મિસાઈલોની ખરીદી કરવામાં આવી રહી છે. સંરક્ષણ મંત્રાલયે કહ્યું હતું કે આ મિસાઈલોને વડાપ્રધાન નરેન્દ્ર મોદીના આત્મનિર્ભર ભારતના વિઝનને પ્રોત્સાહન આપવા માટે ખરીદવામાં આવી રહી છે.
ફાઈટર પ્લેનને મજબૂત બનાવવામાં આવશે
‘Astra Mk-I BVR AAM’ને ભારતીય વાયુસેનાની જરૂરિયાતો અનુસાર ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) દ્વારા સ્વદેશી રીતે ડિઝાઈન અને વિકસાવવામાં આવી છે. મંત્રાલયના જણાવ્યા અનુસાર વિઝ્યુઅલ રેન્જ (BVR) એર-ટુ-એર સ્ટ્રાઈક ક્ષમતા સાથેની આ મિસાઈલો વાયુસેનાના ફાઈટર જેટને તાકાત પૂરી પાડે છે. Astra Mk-I મિસાઈલ અને તેના પ્રક્ષેપણ અને પરીક્ષણ માટેની તમામ સંલગ્ન પ્રણાલીઓને DRDO દ્વારા ભારતીય વાયુસેનાના સંકલનમાં વિકસાવવામાં આવી છે.
