Sign In

By signing in or creating an account, you agree with Associated Broadcasting Company's Terms & Conditions and Privacy Policy.

પાકિસ્તાનમાં ચેમ્પિયન્સ ટ્રોફીની ટિકિટ પનીર કરતા પણ સસ્તી, કિંમત જાણીને થશે આશ્ચર્ય

ચેમ્પિયન્સ ટ્રોફી 2025 19 ફેબ્રુઆરીથી કરાચીમાં શરૂ થવા જઈ રહી છે. સાથે જ ટીમ ઈન્ડિયા તેની તમામ મેચ દુબઈમાં રમશે. આ ટૂર્નામેન્ટમાં પાકિસ્તાન ક્રિકેટ બોર્ડે તેની ઘરઆંગણાની મેચોની ટિકિટની કિંમત નક્કી કરી છે. ભારતીય ટીમની મેચોની ટિકિટની કિંમત હજુ સુધી જાહેર કરવામાં આવી નથી. ખાસ વાત એ છે કે પાકિસ્તાનમાં ચેમ્પિયન્સ ટ્રોફીની ટિકિટ પનીર કરતા પણ સસ્તી છે.

પાકિસ્તાનમાં ચેમ્પિયન્સ ટ્રોફીની ટિકિટ પનીર કરતા પણ સસ્તી, કિંમત જાણીને થશે આશ્ચર્ય
Champions Trophy 2025Image Credit source: X
Follow Us:
| Updated on: Jan 15, 2025 | 10:57 PM

ચેમ્પિયન્સ ટ્રોફી 2025 પાકિસ્તાન દ્વારા આયોજિત હાઈબ્રિડ મોડલ પર રમાશે. 8 ટીમો માટે રમાનારી આ ટુર્નામેન્ટમાં ટીમ ઈન્ડિયા તેની તમામ મેચ દુબઈમાં રમશે. આ સિવાય બાકીની મેચો પાકિસ્તાનમાં રમાશે. ચેમ્પિયન્સ ટ્રોફીની 8 વર્ષ પછી વાપસી થઈ રહી છે. અગાઉ ચેમ્પિયન્સ ટ્રોફી વર્ષ 2017માં રમાઈ હતી. આ ટૂર્નામેન્ટ દરમિયાન પાકિસ્તાનમાં રમાનારી મેચોની ટિકિટની કિંમત શું હશે તે અંગે એક મોટું અપડેટ સામે આવ્યું છે. પાકિસ્તાન દ્વારા રાખવામાં આવેલી ટિકિટની કિંમત ભારતમાં 1 કિલો પનીરની કિંમત કરતાં ઓછી છે. ભારતમાં 1 કિલો પનીર લગભગ 400 રૂપિયામાં મળે છે.

ચેમ્પિયન્સ ટ્રોફી માટે પાકિસ્તાનમાં ટિકિટની કિંમત

પાકિસ્તાન ક્રિકેટ બોર્ડે ચેમ્પિયન્સ ટ્રોફીની સૌથી સસ્તી ટિકિટ 1000 પાકિસ્તાની રૂપિયા રાખી છે, જે ભારતમાં 310 રૂપિયાની બરાબર હશે. PTIના અહેવાલ મુજબ, PCBએ કરાચી, લાહોર અને રાવલપિંડીમાં યોજાનારી મેચોની સૌથી સસ્તી ટિકિટ 1000 પાકિસ્તાની રૂપિયામાં રાખી છે. બીજી તરફ, પાકિસ્તાન ક્રિકેટ બોર્ડે પાકિસ્તાન અને બાંગ્લાદેશ વચ્ચે રાવલપિંડીમાં યોજાનારી મેચની ટિકિટની કિંમત 2000 પાકિસ્તાની રૂપિયા નક્કી કરી છે, જે ભારતીય રૂપિયામાં 620 રૂપિયા છે. આ સિવાય પાકિસ્તાનમાં સેમીફાઈનલ મેચની ટિકિટની કિંમત 2500 પાકિસ્તાની રૂપિયા (776 ભારતીય રૂપિયા) થી શરૂ થશે.

VVIP ટિકિટ માટે આટલા પૈસા ખર્ચવા પડશે

પાકિસ્તાન ક્રિકેટ બોર્ડે પોતાના ઘરે યોજાનારી તમામ મેચોની VVIP ટિકિટની કિંમત 12000 પાકિસ્તાની રૂપિયા (3726 ભારતીય રૂપિયા) રાખી છે. પરંતુ સેમીફાઈનલમાં VVIP ટિકિટ માટે ચાહકોએ 25000 પાકિસ્તાની રૂપિયા (7764 ભારતીય રૂપિયા) ખર્ચવા પડશે. આ સિવાય પ્રીમિયર ગેલેરી માટે ટિકિટની કિંમત અલગ હશે. કરાચીમાં પ્રીમિયર ગેલેરીની ટિકિટ 3500 પાકિસ્તાની રૂપિયા (1086 ભારતીય રૂપિયા), લાહોરમાં 5000 રૂપિયા (1550 ભારતીય રૂપિયા) અને રાવલપિંડીમાં પાકિસ્તાન વિરુદ્ધ બાંગ્લાદેશ મેચની ટિકિટ 7000 રૂપિયા (2170 ભારતીય રૂપિયા) હશે. જોકે, દુબઈમાં યોજાનારી ભારતની મેચોની ટિકિટની કિંમત હજુ જાહેર કરવામાં આવી નથી.

હરમનપ્રીત T20માં આ સિદ્ધિ મેળવનાર બીજી ભારતીય બની
ઇતિહાસના સૌથી અમીર ક્રિમિનલ Pablo Escobar નું આવું હતું અજેય સામ્રાજ્ય
મરઘી કેટલા દિવસમાં ઈંડા મૂકે છે?
સુનિતા વિલિયમ્સને લઈ મોટા સમાચાર ! પૃથ્વી પર પાછા ફરવાને લઈ આવી માહિતી
Elaichi water Benefits : ડાયાબિટીસ માટે મળી ગયો રામબાણ ઈલાજ, આ રીતે બનાવો એલચીનું પાણી
Alum and Turmeric Benefits : ફટકડી અને હળદરના મિશ્રણથી દુર થશે શરીરની આ 7 સમસ્યા

દુબઈમાં કેટલી મેચો રમાશે?

તમને જણાવી દઈએ કે, ચેમ્પિયન્સ ટ્રોફી 2025 માટે 8 ટીમોને 2 ગ્રુપમાં વહેંચવામાં આવી છે. ટીમ ઈન્ડિયા ગ્રુપ Aમાં પાકિસ્તાન, ન્યુઝીલેન્ડ અને બાંગ્લાદેશ સાથે છે. આવી સ્થિતિમાં ટીમ ઈન્ડિયા ગ્રુપ સ્ટેજમાં આ ત્રણ ટીમો સામે એક-એક મેચ રમશે. આ પછી જો ભારતીય ટીમ સેમીફાઈનલમાં પહોંચશે તો આ મેચ પણ દુબઈમાં રમાશે. જો ટીમ ઈન્ડિયા ફાઈનલમાં પહોંચે છે, તો પણ ટૂર્નામેન્ટની ફાઈનલ મેચ દુબઈમાં જ યોજાશે.

આ પણ વાંચો: જસપ્રીત બુમરાહની ઈજા પર જુઠ્ઠાણું ફેલાવવામાં આવ્યું, ભારતીય બોલરે ખુલ્લેઆમ લગાવી ક્લાસ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો

g clip-path="url(#clip0_868_265)">