પાકિસ્તાનની મદદ માટે આગળ આવ્યું સંયુક્ત રાષ્ટ્ર, પૂરથી પીડિત લોકોને મળશે રાહત
ઠરાવમાં સંયુક્ત રાષ્ટ્રને પાકિસ્તાનની (Pakistan) જરૂરિયાતો પ્રત્યે "આંતરરાષ્ટ્રીય સમુદાયને સંવેદનશીલ બનાવવા" અને "અસરકારક, તાત્કાલિક અને પર્યાપ્ત આંતરરાષ્ટ્રીય સમર્થન અને સહાય એકત્ર કરવા" માટેના પ્રયત્નોને વધુ તીવ્ર બનાવવા વિનંતી કરવામાં આવી હતી.
સંયુક્ત રાષ્ટ્ર મહાસભાએ (UN) પૂરગ્રસ્ત પાકિસ્તાનમાં (pakistan) સ્થિતિ સુધારવા માટે સમગ્ર વિશ્વને એકતા દર્શાવવા કહ્યું છે. જનરલ એસેમ્બલીએ આંતરરાષ્ટ્રીય સમુદાયને દેશને પરિસ્થિતિમાંથી બહાર કાઢવામાં મદદ (Help) કરવા રાજકીય ઇચ્છાશક્તિ બતાવવા હાકલ કરી હતી. સામાન્ય સભામાં પસાર કરાયેલા ઠરાવમાં સંબંધિત મુદ્દાઓનો સમાવેશ કરવામાં આવ્યો છે. તમને જણાવી દઈએ કે આ વર્ષે જૂનમાં પાકિસ્તાનમાં ભીષણ પૂર આવ્યું હતું, જેના પછી પાકિસ્તાનને ઘણું નુકસાન થયું હતું. લાખો લોકો બેઘર બન્યા હતા, જેમાંથી ઘણા હજુ પણ બચાવ શિબિરોમાં રહે છે. આંતરરાષ્ટ્રીય સમાચાર અહીં વાંચો.
ઠરાવમાં સંયુક્ત રાષ્ટ્રને પાકિસ્તાનની જરૂરિયાતો પ્રત્યે “આંતરરાષ્ટ્રીય સમુદાયને સંવેદનશીલ બનાવવા” અને “અસરકારક, તાત્કાલિક અને પર્યાપ્ત આંતરરાષ્ટ્રીય સમર્થન અને સહાય એકત્ર કરવા” માટેના પ્રયત્નોને વધુ તીવ્ર બનાવવા વિનંતી કરવામાં આવી હતી. ઉલ્લેખનીય છે કે પાકિસ્તાનમાં પૂરના કારણે લગભગ 33 મિલિયન લોકો પ્રભાવિત થયા છે. જૂનના મધ્યમાં આવેલા પૂરમાં 1,700 થી વધુ લોકોના મોત થયા હતા. લગભગ 8 મિલિયન લોકો વિસ્થાપિત થયા હતા અને સેંકડો હજુ પણ શરણાર્થી શિબિરોમાં રહે છે.
20 લાખથી વધુ ઘર બરબાદ
યુએનના મહાસચિવ એન્ટોનિયો ગુટેરેસે જણાવ્યું હતું કે પૂરને કારણે પાકિસ્તાનમાં 20 લાખથી વધુ ઘરોને નુકસાન થયું છે અથવા નાશ પામ્યા છે અને ખેડૂતોનો પાક નાશ પામ્યો છે. તેમણે કહ્યું કે આ આપત્તિ 1.5 કરોડથી વધુ લોકોને ગરીબીમાં ધકેલી શકે છે. દરમિયાન કેમ્પમાં રહેતા લોકોમાં મચ્છરજન્ય રોગચાળો ફેલાવાની પણ આશંકા છે. દરમિયાન, સંયુક્ત રાષ્ટ્રએ પૂર પછી પાકિસ્તાનમાં પાણીજન્ય અને અન્ય રોગોની બીજી કટોકટી થવાની સંભાવના અંગે ચેતવણી આપી છે.
ગુટેરેસે જનરલ એસેમ્બલીને કહ્યું, ‘સ્થિતિ ખરાબથી ખરાબ થઈ રહી છે. પાકિસ્તાન જાહેર આરોગ્ય આપત્તિની આરે છે. સંયુક્ત રાષ્ટ્રએ આંતરરાષ્ટ્રીય સમુદાયને પાકિસ્તાનની સહાય માટે લગભગ રૂ. 816 કરોડની અપીલ કરી છે, જોકે ગુટેરેસે કહ્યું હતું કે આ રકમ “દરેક મોરચે જેટલી જરૂરી છે તેના કરતા ઓછી છે.”
