USA Visa : અમેરિકા જવા માટે થઈ જાઓ તૈયાર ! 1 લાખ છે વેકેન્સી, યુએસએના વિઝા મેળવવાનો સમય પણ ઘટશે

વિદેશ પ્રધાન એસ જયશંકરે (S. Jaishankar) તાજેતરમાં યુએસ વિદેશ પ્રધાન એન્ટની બ્લિંકન (Antony Blinken) સાથે વિઝા માટે લાંબી રાહ જોવાનો મુદ્દો ઉઠાવ્યો હતો. સાથે જ હવે તેની અસર પણ જોવા મળી રહી છે. નવી દિલ્લીમાં યુએસ એમ્બેસીએ હવે યુએસ વિઝા (USA Visa) મેળવવા માટે લાગતો સમય ઘટાડવાની દિશામાં કામ કરવાનું શરૂ કર્યું છે. વાસ્તવમાં, તાજેતરમાં સમાચાર આવ્યા હતા કે ભારતીયોને યુએસ વિઝા માટે બે વર્ષ રાહ જોવી પડશે, જ્યારે ચીન માટે આ વિઝા અરજી માત્ર બે દિવસમાં સેટલ થઈ રહી છે. જેના કારણે ભારત ખૂબ નારાજ હતું.

યુએસ એમ્બેસીના કોન્સ્યુલર અફેર્સ મિનિસ્ટર ડોન હેફલિને ગુરુવારે જણાવ્યું હતું કે ભારતમાં કોન્સ્યુલેટ્સના સ્ટાફ એક વર્ષથી ઓછા સમયમાં કોવિડ પહેલાના સ્તર પર પાછા ફરે તેવી અપેક્ષા છે. તેમણે જણાવ્યું હતું કે અસ્થાયી સ્ટાફની નિમણૂક અને ડ્રોપ બોક્સને મંજૂરી આપવા જેવા પગલાં, જેમા લોકો પાસે પહેલાથી જ યુએસ વિઝા હતા, પરંતુ તે ચોક્કસ સમયમર્યાદામાં સમાપ્ત થઈ ગયા છે તેવા લોકોને એપોઇન્ટમેન્ટની જરૂર રહેશે નહીં, વચગાળાની રાહ જોવાની અવધિમાં પણ ઘટાડો કરવામાં મદદ કરશે.

એક લાખ લોકોને અપાશે નિમણૂક

ડોન હેફલિને વધુમાં જણાવ્યું હતું કે આગામી થોડા અઠવાડિયામાં H અને L વર્કર વિઝા શ્રેણીની એક લાખ એપોઇન્ટમેન્ટ શરૂ કરવામાં આવશે. લાંબા સમયથી વિઝાની રાહ જોવાનું કારણ કોવિડને જણાવવામાં આવ્યું હતું. યુએસ એમ્બેસીએ કહ્યું કે એક વર્ષથી ઓછા સમયમાં સ્ટાફ પ્રી-કોવિડ લેવલ એટલે કે 100 ટકા નીચે આવી જશે.

Web Stories View more

ગરમીમાં નસકોરી ફુટે તો ઘબરાશો નહીં, આ ઘરેલુ ઉપચારથી મળશે તરત રાહત

એપ્રિલમાં 77 ટકા... 4 વર્ષમાં 400%, ટાટાનો આ શેર બન્યો રોકેટ

ફૂટબોલ ગ્રાઉન્ડ કરતાં પણ મોટું છે જાહન્વી કપૂરનું ઘર, હવે આપશે ભાડે

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

પરશુરામના એ ત્રણ શિષ્યો જેમણે લડ્યુ હતુ મહાભારતનું યુદ્ધ, જાણો કોણ હતા એ!

શું મધ ક્યારેય એક્સપાયર થાય છે ? કેવી રીતે નક્કી કરશો મધ અસલી છે કે નકલી ?

આ અઠવાડિયાની શરૂઆતમાં, વિદેશ પ્રધાન એસ જયશંકરે, તેમના યુએસ સમકક્ષ બ્લિંકન સાથે આ મામલો ઉઠાવ્યો, ભારતમાં બેકલોગ ઘટાડવા માટે યુએસ અધિકારીઓને સહયોગની ઓફર કરી.

70 ટકા સ્ટાફ હવે કામ કરી રહ્યો છે

કોન્સ્યુલર અફેર્સ મિનિસ્ટર હેફલિને કહ્યું, ‘સારા સમાચાર એ છે કે અમે કોવિડમાંથી સાજા થયા છીએ અને કોવિડ પછીના સ્ટાફની સમસ્યાઓનું નિરાકરણ કરવામાં આવી રહ્યું છે. કોવિડના સમયગાળા પર અને તે પછી અમારી પાસે લગભગ 50 ટકા વિઝા સ્ટાફ હતો. હવે કોવિડના સમયગાળો સુધરતા અમારી પાસે 70 ટકા જેટલો સ્ટાફ છે. અમે આવતા વર્ષે આ સમય પહેલા લગભગ 100% સ્ટાફિંગ કરવા જઈ રહ્યા છીએ.

તેમણે કહ્યું, ‘એક સમયે અમે કોવિડ પહેલાની જેમ 100 ટકા સુધી વિઝા અરજીઓને હેન્ડલ કરવાના છીએ.’ કારણ કે યુએસ એમ્બેસીમાં સ્ટાફ વધશે. જો કે, આનાથી વિઝા માટે લાગતો સમય પણ ઓછો થશે.