24 જૂનના મહત્વના સમાચાર : રાજ્યમાં અનેક જિલ્લામાં વરસાદની આગાહી, સૌરાષ્ટ્ર અને દક્ષિણ ગુજરાતમાં યલો એલર્ટ જાહેર
આજે 24 જૂનને બુધવારના રોજ ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
રાજ્યના 29 તાલુકામાં વરસ્યો નોંધપાત્ર વરસાદ
ગુજરાતમાં વરસાદી માહોલ જામી રહ્યો છે. રાજ્યના 29 તાલુકામાં નોંધપાત્ર વરસાદ નોંધાયો છે, જ્યારે 6 તાલુકામાં એક ઇંચથી વધુ વરસાદ વરસ્યો છે. સૌથી વધુ વરસાદ વલસાડ જિલ્લાના ઉમરગામમાં 4.33 ઇંચ નોંધાયો છે. ઉપરાંત ડાંગમાં 3.07 ઇંચ અને રાજકોટ જિલ્લાના ગોંડલમાં 2.13 ઇંચ વરસાદ ખાબક્યો છે. કપરાડામાં 1.46 ઇંચ, વાપીમાં 1.42 ઇંચ અને ઉકાઈમાં 1.10 ઇંચ વરસાદ નોંધાતા અનેક વિસ્તારોમાં વાતાવરણ ઠંડું બન્યું છે અને ખેડૂતોમાં ખુશીનો માહોલ જોવા મળી રહ્યો છે.
-
હૈદરાબાદઃ ATM કેશ વાનમાંથી 17 લાખની ધોળા દિવસે ચોરી
હૈદરાબાદના IS સદન વિસ્તારમાં ધોળા દિવસે 17 લાખ રૂપિયાની ચોંકાવનારી ચોરીની ઘટના સામે આવી છે. ATMમાં કેશ લોડ કરવા પહોંચેલી વાનમાંથી તસ્કરો રોકડા 17 લાખ ભરેલી બેગ લઈને ફરાર થઈ ગયા હતા. સમગ્ર ઘટનાએ વિસ્તારમાં સુરક્ષા વ્યવસ્થાને લઈને સવાલો ઊભા કર્યા છે. ચોરીની આ ઘટના નજીકમાં લાગેલા CCTV કેમેરામાં કેદ થઈ ગઈ છે, જેના આધારે પોલીસે આરોપીઓની શોધખોળ શરૂ કરી છે.
-
-
અમદાવાદઃ એલન ઇન્સ્ટિટ્યૂટમાં ફાયર સેફ્ટીની ગંભીર ખામી
અમદાવાદના સિંધુ ભવન રોડ સ્થિત એલન ઇન્સ્ટિટ્યૂટમાં ફાયર વિભાગના ચેકિંગ દરમિયાન ગંભીર બેદરકારી સામે આવી છે. તપાસ દરમિયાન બેઝમેન્ટ-1 અને બેઝમેન્ટ-2માં અત્યંત જ્વલંતશીલ પદાર્થો મળી આવતા ફાયર સેફ્ટીના નિયમોના ભંગનો આરોપ લાગ્યો છે. હજારો વિદ્યાર્થીઓ અભ્યાસ કરતા આ સંકુલમાં પૂરતી આગ સલામતી વ્યવસ્થાનો અભાવ હોવાનું પણ સામે આવ્યું છે. ફાયર વિભાગે તાત્કાલિક બેઝમેન્ટ ખાલી કરવા નોટિસ ફટકારી છે તેમજ ફાયર NOC રદ કેમ ન કરવી તે અંગે પણ સંસ્થાને કારણદર્શક નોટિસ પાઠવી છે.
-
સૌરાષ્ટ્ર અને દક્ષિણ ગુજરાતમાં યલો એલર્ટ જાહેર
રાજ્યમાં વરસાદી માહોલ જામી રહ્યો છે. હવામાન વિભાગે દક્ષિણ ગુજરાતમાં ભારે વરસાદની આગાહી સાથે સૌરાષ્ટ્ર અને દક્ષિણ ગુજરાતના કેટલાક વિસ્તારો માટે યલો એલર્ટ જાહેર કર્યું છે. સુરત, નવસારી, વલસાડ અને ડાંગમાં ભારે વરસાદની શક્યતા છે, જ્યારે અમરેલી અને ભાવનગરમાં પણ મેઘરાજા મહેર વરસાવી શકે છે. ગાજવીજ સાથે 40થી 50 કિમી પ્રતિ કલાકની ઝડપે પવન ફૂંકાવાની શક્યતા હોવાથી માછીમારોને દરિયો ન ખેડવાની સલાહ આપવામાં આવી છે. સાયક્લોનિક સર્ક્યુલેશન અને ટ્રફ સક્રિય થતાં રાજ્યમાં વરસાદી સિસ્ટમ મજબૂત બની છે અને 26 જૂન આસપાસ ચોમાસું બેસે તેવી શક્યતા વ્યક્ત કરવામાં આવી છે.
આજે 24 જૂનને બુધવારના રોજ ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 24,2026 7:43 AM
