Breaking News : 26 જૂનથી હવામાન બદલાશે, ગુજરાત સહિત આ 20 રાજ્યોમાં વરસાદની આગાહી
ભીષણ ગરમી વચ્ચે રાજધાની દિલ્લીમાં 26-27 જૂનના રોજ વરસાદ થવાની શક્યતા છે. હવામાન વિભાગ અનુસાર દક્ષિણ-પશ્ચિમ મોનસુન જલ્દી આગળ વધી રહ્યું છે. કેટલાક રાજ્યમાં ભારે વરસાદની આગાહી કરવામાં આવી છે. તો ચાલો જાણીએ ગુજરાતમાં ક્યારે વરસાદની એન્ટ્રી થશે.
ભારે ઉકળાટ બાદ વરસાદી માહોલ જામ્યો છે. મુંબઈમાં ચોમાસાની એન્ટ્રી થઈ ચૂકી છે. ગરમી અને ઉકળાટ વચ્ચે શહેરમાં ધોધમાર વરસાદની શરૂઆત થઈ ચૂકી છે. લોકોને ગરમીથી મોટી રાહત મળી છે. ગુજરાતમાં 26 જૂને ચોમાસુ બેસે તેવી શકયતા છે. 14 જિલ્લામાં વરસાદની હવામાન વિભાગની આગાહી,ગુજરાતના જિલ્લાઓમાં છૂટાછવાયા સ્થળોએ ભારે વરસાદની આગાહી છે.
4 જિલ્લામાં વરસાદને લઈ હવામાન વિભાગનું રેડ એલર્ટ છે. તોતાપી, નર્મદા, ડાંગ અને છોટા ઉદેપુરમાં રેડ એલર્ટ જાહેર કરવામાં આવ્યું છે.વલસાડ, સુરત નવસારી, દમણ અને દાદરાનગર હવેલીમાં ઓરેન્જ એલર્ટ ,વડોદરા, ભરૂચ, પંચમહાલ, દાહોદ, ગીરસોમનાથ, દીવ, ભાવનગર અને અમરેલીમાં યેલો એલર્ટ જાહેર કરવામાં આવ્યું છે.
દક્ષિણ-પશ્ચિમમાં ચોમાસું આગળ વધી રહ્યું છે. આગામી 2-3 દિવસમાં ચોમાસું ઉત્તર અરબ સાગર, ગુજરાતના કેટલાક ભાગો, મહારાષ્ટ્ર, છત્તીસગઢ અને મધ્યપ્રદેશના અનેક વિસ્તારોમાં આગળ વધવા માટે પરિસ્તિતિઓ અનુકુળ બની ગઈ છે. ત્યારબાદ 3-4 દિવસમાં ઝારખંડ, બિહારના વિસ્તારોમાં અને ઉત્તર પ્રદેશના કેટલાક વિસ્તારો સુધી પહોંચવાની શકયતા જણાવવામાં આવી છે.
પહાડી વિસ્તારમાં વરસાદ
જમ્મુ-કાશ્મીર,લદ્દાખ, હિમાચલ પ્રદેશ અને ઉત્તરાખંડમાં 24 થી 29 જુન સુધી વરસાદ થવાની શક્યતા છે. ઉત્તરાખંડમાં 24 અને 25 જૂનના રોજ વીજળી પડવાની શક્યતા સાથે ભારે પવનનું પણ અલર્ટ જાહેર કરવામાં આવ્યું છે. 29 જૂનના રોજ હિમાચલ પ્રદેશ અને ઉત્તરાખંડમાં ભારે વરસાદ થઈ શકે છે. મધ્યપ્રદેશ, છત્તીસગઢ અને વિદર્ભના કેટલાક ભાગોમાં 24 થી 29 જુન સુધી વરસાદ થવાની શક્યતા છે. પૂર્વ અને પશ્ચિમ મધ્યપ્રદેશમાં 24 થી 27 જૂન દરમિયાન ગાજવીજ સાથે વરસાદ પડી શકે છે.
આગામી થોડા દિવસોમાં ઝારખંડ, ઓડિશા અને પશ્ચિમ બંગાળના ઘણા વિસ્તારોમાં પણ વરસાદની આગાહી છે. ઓડિશામાં 24 જૂન અને 28-29 જૂને ભારે વરસાદ પડી શકે છે.
પૂર્વોત્તર અને પશ્ચિમી રાજ્યમાં વરસાદ
અરુણાચલ પ્રદેશ, આસામ, મેઘાલય,નાગાલેન્ડ,મણિપુર,મિઝોરમ અને ત્રિપુરામાં 24 થી 29 જુન સુધી વરસાદ પડવાની શક્યતા છે. આસામ અને મેઘાલયમાં કેટલાક સ્થળો પર ભારે વરસાદની આગાહી છે. તો પશ્ચિમ ભારતમાં ગોવામાં 24 થી 29 જુન સુધી ભારે વરસાદની આગાહી છે. મધ્ય મહારાષ્ટ્ર અને મરાઠવાડામાં પણ 25-26ના રોજ વરસાદ પડવાની શકયતા છે.
હવામાન વિભાગ અનુસાર આવનાર દિવસોમાં ચોમાસું આગળ વધવાથી દેશના અનેક ભાગમાં ગરમીથી રાહત મળવાની આશા છે. ભારે વરસાદ થનારા વિસ્તારોમાં ભારે પવનને લઈ સાવધાની રાખવાની સલાહ આપવામાં આવી છે.
સામાન્ય રીતે રોજબરોજના તાપમાનને હવામાન કહેવાય છે. જ્યારે આબોહવામાં થતા ફેરફારને પણ આપણે હવામાન તરીકે ઓળખીએ છે. અહી ક્લિક કરો
