Dang Rain : ડાંગમાં મેઘરાજાનું રૌદ્ર સ્વરૂપ: ભારે વરસાદથી જનજીવન પ્રભાવિત, નદીઓ બે કાંઠે

ડાંગ જિલ્લામાં ચોમાસા પૂર્વે જ વરસાદની ધમાકેદાર શરૂઆત થઈ ગઈ છે. જેને પ્રી-મોન્સૂન એક્ટિવિટી તરીકે ઓળખવામાં આવે છે. ડુંગરાળ ડાંગ જિલ્લાને આ વરસાદની ખરેખર જરૂરિયાત હતી, અને હવે મેઘરાજાના આગમનથી સમગ્ર જિલ્લો જળબંબાકાર થયો છે. વરસાદી માહોલ જામતા પ્રકૃતિ સોળે કળાએ ખીલી ઉઠી છે.

ડાંગ જિલ્લાના સાપુતારા, આહવા, વઘઈ અને સુબીર જેવા તાલુકાઓમાં અતિ ભારે વરસાદ નોંધાયો છે. આ ભારે વરસાદને કારણે પૂર્ણા અને અંબિકા જેવી સ્થાનિક નદીઓમાં નવા નીર આવ્યા છે, અને તેઓ બે કાંઠે વહેવા લાગી છે. પહાડી વિસ્તારોમાં વરસાદના જોરને લીધે કોતરોમાં પૂર જેવી સ્થિતિ સર્જાઈ છે, જેના દ્રશ્યો સામે આવ્યા છે.

અતિ ભારે વરસાદને કારણે ગામડાના વિસ્તારોમાં સામાન્ય જનજીવન થોડું પ્રભાવિત થયું છે. નીચાણવાળા વિસ્તારોમાં પાણી ભરાવાના બનાવો પણ સામે આવ્યા છે. જોકે, આ વરસાદે ધરતીને તૃપ્ત કરી છે અને ખેડૂતોમાં પણ આનંદ છવાયો છે. ડાંગ જિલ્લાના અલગ અલગ વિસ્તારોમાંથી વરસાદના અનેક દ્રશ્યો જોવા મળી રહ્યા છે, જે મેઘરાજાના રૌદ્ર સ્વરૂપ અને સાથે જ પ્રકૃતિના સૌંદર્યને પ્રદર્શિત કરે છે.

ચૈતર વસાવાને 7 વર્ષની સજા થવાની સાથે જ ધારાસભ્ય પદ ગુમાવ્યુ