23 જુલાઈના મહત્વના સમાચાર : 24 કલાકમાં રાજ્યના 213 તાલુકામાં વરસાદ, સૌથી વધુ વલસાડના ઉમરગામમાં ખાબક્યો 35.67 ઇંચ વરસાદ
આજે 23 જુલાઈને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
દક્ષિણ ગુજરાતમાં ભારે વરસાદથી રેલ વ્યવહાર ખોરવાયો
દક્ષિણ ગુજરાતમાં સતત વરસી રહેલા ભારે વરસાદની અસર હવે રેલવે વ્યવહાર પર પણ જોવા મળી રહી છે. જળભરાવને કારણે પશ્ચિમ રેલવેના ઘોલવડ–ઉમરગામ વચ્ચે રેલવે ટ્રાફિક અસ્થાયી રીતે સ્થગિત કરવામાં આવ્યો છે. જેના પગલે આજે (23 જુલાઈ) મુંબઈ સેન્ટ્રલ–અમદાવાદ ગુજરાત સુપરફાસ્ટ એક્સપ્રેસ રદ કરવામાં આવી છે. ઉપરાંત મુંબઈ સેન્ટ્રલ–ગાંધીનગર કેપિટલ વંદે ભારત એક્સપ્રેસ અને મુંબઈ–અમદાવાદ શતાબ્દી એક્સપ્રેસ પણ રદ કરાઈ છે. ભારે વરસાદ અને ટ્રેક પર પાણી ભરાવાની સ્થિતિને ધ્યાનમાં રાખીને મુસાફરોને મુસાફરી પહેલાં ટ્રેનની સ્થિતિ ચકાસવાની અપીલ કરવામાં આવી છે.
-
પૂર્ણા, અંબિકા અને કાવેરી નદીઓમાં ઘોડાપૂર, અનેક વિસ્તારોમાં હાઈ એલર્ટ
નવસારી જિલ્લામાં સતત બીજા દિવસે પણ ભયાનક પૂર જેવી સ્થિતિ યથાવત રહી છે. નવસારી શહેર તેમજ બીલીમોરા સહિતના વિસ્તારોમાં એક લાખથી વધુ લોકો સીધી રીતે પૂરથી પ્રભાવિત થયા છે. જિલ્લામાં તેમજ ઉપરવાસના સુરત, તાપી અને ડાંગ જિલ્લામાં ધોધમાર વરસાદને કારણે પૂર્ણા, અંબિકા અને કાવેરી નદીઓમાં ઘોડાપૂરની સ્થિતિ સર્જાઈ છે. પૂર્ણા નદીનું જળસ્તર 22 ફૂટ સુધી પહોંચ્યું છે, જ્યારે તેની ભયજનક સપાટી 23 ફૂટ છે. અંબિકા નદી 29 ફૂટની ભયજનક સપાટીને અડી ગઈ છે, જ્યારે કાવેરી નદી 22 ફૂટે વહેતી હોવાથી તે ભયજનક સપાટી 19 ફૂટથી ઉપર વહી રહી છે. નદીઓના વધતા જળસ્તરને પગલે નીચાણવાળા વિસ્તારોમાં એલર્ટ જાહેર કરવામાં આવ્યું છે અને સ્થાનિક તંત્ર દ્વારા સતત સ્થિતિ પર નજર રાખવામાં આવી રહી છે.
-
-
વલસાડમાં આભ ફાટ્યું, 24 કલાકમાં 35 ઇંચથી વધુ વરસાદથી જનજીવન ઠપ
વલસાડ જિલ્લામાં સતત વરસી રહેલા ભારે વરસાદના કારણે અનેક શહેર અને ગ્રામ્ય વિસ્તારોમાં પાણી ભરાઈ જતાં જનજીવન પ્રભાવિત બન્યું છે. વાપીના પોશ વિસ્તાર અવધ ટુંકવાડા, પટેલવાડી અને ગુંજન વિસ્તારમાં વરસાદી પાણી ફરી વળતાં રસ્તાઓ નદીમાં ફેરવાઈ ગયા છે. પટેલવાડી વિસ્તારમાં પાર્ક કરેલી અનેક કાર વરસાદી પાણીમાં અડધીથી વધુ ડૂબી જતાં વાહનમાલિકોને ભારે નુકસાન વેઠવાનો વારો આવ્યો છે. સતત વરસાદને કારણે નીચાણવાળા વિસ્તારોમાં જળબંબાકારની સ્થિતિ સર્જાઈ છે, જ્યારે સ્થાનિક તંત્ર દ્વારા સ્થિતિ પર નજર રાખીને જરૂરી કાર્યવાહી હાથ ધરવામાં આવી રહી છે.
-
રાજ્યમાં 213 તાલુકામાં મેઘમહેર, દક્ષિણ ગુજરાતમાં વરસાદનો કહેર
રાજ્યમાં છેલ્લા 24 કલાક દરમિયાન મેઘરાજાએ જોરદાર બેટિંગ કરતાં 213 તાલુકામાં વરસાદ નોંધાયો છે. દક્ષિણ ગુજરાતમાં સૌથી વધુ વરસાદ વરસતા અનેક વિસ્તારોમાં જળબંબાકાર જેવી સ્થિતિ સર્જાઈ છે. સૌથી વધુ વરસાદ વલસાડ જિલ્લાના ઉમરગામમાં 35.67 ઇંચ નોંધાયો છે, જ્યારે કપરાડામાં 28.78 ઇંચ વરસાદ ખાબક્યો છે. ઉપરાંત નાનાપોંઢામાં 25.31 ઇંચ અને ધરમપુરમાં 19.65 ઇંચ વરસાદ નોંધાતા નદી-નાળા છલકાયા છે અને નીચાણવાળા વિસ્તારોમાં પાણી ભરાઈ ગયા છે. રાજ્યભરમાં 61 તાલુકામાં એક ઇંચથી વધુ, 44 તાલુકામાં બે ઇંચથી વધુ અને 26 તાલુકામાં પાંચ ઇંચથી વધુ વરસાદ નોંધાતા અનેક જિલ્લાઓમાં જનજીવન અને વાહનવ્યવહાર પર અસર જોવા મળી રહી છે.
આજે 23 જુલાઈને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jul 23,2026 7:43 AM
