Viral Video : વાપીમાં CPR આપી બચાવ્યો સાપનો જીવ, જુઓ

વાપી GIDC વિસ્તારમાં એક અનોખી અને હૃદયસ્પર્શી ઘટના સામે આવી છે, જ્યાં સ્નેક કેચર સંજય પવારે પોતાના જીવના જોખમે એક બેહોશ સાપનો જીવ બચાવ્યો. કેમિકલ રિએક્શનના કારણે બેહોશ થયેલા આ સાપના પેટમાં પાણી ભરાઈ ગયું હતું, જેને કારણે તેની હાલત ગંભીર બની હતી.

સંજય પવારે અદભુત હિંમત દાખવીને બેહોશ સાપને કાર્ડિયોપલ્મોનરી રિસુસિટેશન (CPR) આપ્યું. આ પ્રક્રિયા દરમિયાન ઇન્ફેક્શન લાગવાનું મોટું જોખમ હોવા છતાં, સંજય પવારે સાપનો જીવ બચાવવા માટે પૂરા પ્રયાસો કર્યા. India Gelatine કંપનીના કર્મચારીઓએ પણ તેમને આ કાર્યમાં મદદ કરી હતી.

CPR આપ્યા બાદ સાપ ધીમે ધીમે ભાનમાં આવ્યો. તેની સ્થિતિ સુધરતા જ તેને સુરક્ષિત રીતે જંગલ વિસ્તારમાં છોડી દેવામાં આવ્યો. જોકે, સાપના સંપર્કમાં આવવાથી ઇન્ફેક્શનનો ભય હોવાથી સંજય પવારને સાવચેતીના ભાગરૂપે હોસ્પિટલ ખસેડવામાં આવ્યા હતા. આ સમગ્ર ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જે સંજય પવારની માનવતા અને પ્રાણી પ્રેમની પ્રશંસા કરી રહ્યો છે.

સામાન્ય વરસાદમાં અમદાવાદ પાણી-પાણી, પ્રી-મોન્સૂન કામગીરી પર સવાલ