11 ઓક્ટોબરના મહત્વના સમાચાર : ગાંધીનગર મહાનગરપાલિકાની ચૂંટણીનું  શાંતિપૂર્ણ માહોલમાં મતદાન સંપન્ન, સરેરાશ 54 ટકા નોંધાયુ મતદાન,  44 બેઠકો પર 130 ઉમેદવારોનું ભાવિ EVMમાં સીલ

છોટા ઉદેપુર: દર ચોમાસાએ કોઝવે ધોવાઈ જતા કાયમી ઉકેલની માગ

છોટાઉદેપુરના અંતરિયાળ ગામડાઓમાં બિસ્માર રસ્તાઓને કારણે લોકો હાલાકી ભોગવી રહ્યા છે. ક્વાંટ તાલુકાના મોટી સાંકળ ગામ પાસેથી પસાર થતો અને રામી ડેમને જોડતો કોઝવે દર વર્ષે ચોમાસામાં ધોવાઈ જાય છે. જેના કારણે વિદ્યાર્થીઓ, ખેડૂતો અને પશુપાલકોને અવરજવરમાં મુશ્કેલી પડે છે. ઇમરજન્સીના સમયે એમ્બ્યુલન્સ પણ ગામ સુધી પહોંચી શકતી નથી અને બીમાર લોકોને ઝોળીમાં નાખીને રસ્તો પાર કરાવવાની ફરજ પડે છે. તંત્ર દ્વારા દર વર્ષે કામચલાઉ રિપેરિંગ કરવામાં આવે છે, પરંતુ સમસ્યાનો કાયમી ઉકેલ આવતો નથી. ગ્રામજનોએ કોઝવેને બદલે પુલ બનાવવાની માગ સાથે કલેક્ટર સહિતના અધિકારીઓને આવેદન આપ્યું છે. જોકે, ફરી રિપેરિંગ શરૂ થતાં લોકોએ કામગીરી અટકાવી વિરોધ નોંધાવ્યો છે. અધિકારીઓના જણાવ્યા મુજબ, 2.71 કરોડના ખર્ચે પુલ બનાવવા માટે મંજૂરી માગવામાં આવી છે. હવે સરકારી મંજૂરી ક્યારે મળે અને પુલનું કામ ક્યારે શરૂ થાય છે તે જોવાનું રહ્યું.

નવસારીઃ રખડતાં ઢોરને કારણે 2નાં મોત

નવસારીમાં રખડતાં ઢોરનો આતંક યથાવત્ જોવા મળી રહ્યો છે. રખડતાં પશુઓના કારણે બે વ્યક્તિઓનાં મોત થતાં શહેરીજનોમાં ભારે આક્રોશ ફેલાયો છે. સાઈબાબા ડેરી પાસે આખલાઓની લડાઈ દરમિયાન વચ્ચે આવી જતાં યોગેશ પટેલનું મોત થયું હતું. જ્યારે બીજા બનાવમાં એરુ ગામે ગાય સાથે ટક્કર થતાં પ્રણવ પરમાર નામના યુવાનનું સારવાર દરમિયાન મોત નીપજ્યું છે. આ બંને ઘટનાઓ બાદ નવસારી મહાનગરપાલિકાની રખડતાં ઢોર મામલે કાર્યવાહી કરવાના દાવાઓની પોલ ખૂલી છે. સ્થાનિકોના આક્ષેપ મુજબ, નવસારીને ઢોરમુક્ત બનાવવા માટે કરોડો રૂપિયાનો ખર્ચ કરવામાં આવ્યો હોવા છતાં સ્થિતિમાં કોઈ સુધારો થયો નથી. તંત્રની નિષ્ફળતા સામે લોકોએ આક્રોશ વ્યક્ત કર્યો છે.

નવસારી: આયોજનના અભાવે વિકાસકાર્યો અટક્યા હોવાના આક્ષેપો

નવસારી મહાનગરપાલિકામાં આયોજનના અભાવે વિકાસકાર્યો અટક્યા હોવાના આક્ષેપો થઈ રહ્યા છે. નગરપાલિકામાંથી મહાનગરપાલિકા બન્યા બાદ પણ શહેરના વિકાસને વેગ મળ્યો નથી. અનેક સ્ત્રોતો હોવા છતાં તંત્ર સ્વભંડોળ ઊભું કરવામાં નિષ્ફળ રહ્યું હોવાના આક્ષેપો છે. બાજપાઇ શોપિંગ સેન્ટરમાં 15થી વધુ દુકાનો અને કોમ્યુનિટી હોલ બનાવવામાં આવ્યાં છે, પરંતુ હજુ સુધી દુકાનોની હરાજી થઈ નથી કે હોલ ભાડે આપવામાં આવતો નથી. બીજી તરફ, સ્ટેશન વિસ્તારના પશ્ચિમ વિભાગમાં બનેલી 20 દુકાનો પણ બિનઉપયોગી પડી છે. જાળવણીના અભાવે કરોડોના ખર્ચે બનેલી મિલકતો જર્જરિત બની રહી છે. ત્યારે પ્રોપર્ટી ટેક્સ વસૂલતા તંત્રની કામગીરી સામે સવાલો ઊભા થયા છે.

ગાંધીનગર મનપા ચૂંટણી: છેલ્લી ઘડીS મતદાન મથકો પર મતદારોનો જમાવડો

ગાંધીનગર મહાનગરપાલિકાની ચૂંટણીમાં મતદાન પૂર્ણ થવામાં હવે માત્ર એક કલાક બાકી છે, ત્યારે અંતિમ ઘડીએ મતદાન મથકો પર મતદારોની લાઈનો જોવા મળી રહી છે. જોકે, બપોરે 3 વાગ્યા સુધીમાં માત્ર 44.13 ટકા મતદાન નોંધાતાં ઓછા મતદાનની સ્થિતિ સામે આવી છે. અત્યાર સુધીમાં વોર્ડ નંબર 4માં સૌથી વધુ 57.27 ટકા મતદાન નોંધાયું છે, જ્યારે વોર્ડ નંબર 5માં સૌથી ઓછું 35.55 ટકા મતદાન થયું છે. ગાંધીનગર મનપાની ચૂંટણીમાં કુલ 2,59,985 મતદારોમાંથી 1,14,733 મતદારોએ પોતાના મતાધિકારનો ઉપયોગ કર્યો છે. હવે મતદાનના અંતિમ કલાકમાં કેટલું મતદાન વધે છે તેના પર સૌની નજર છે.

સુરત: દિવાળીનાં તહેવારને લઇ ST વિભાગનો મહત્વનો નિર્ણય

સુરત: દિવાળીના તહેવારને લઈને ST વિભાગ દ્વારા મહત્વનો નિર્ણય લેવામાં આવ્યો છે. નાયબ મુખ્યમંત્રી હર્ષ સંઘવીએ જણાવ્યું કે વતન જવા માટે 1,600થી વધુ ST બસો દોડાવવામાં આવશે. જરૂરિયાત ઊભી થશે તો 1,600ને બદલે 2,500 બસો પણ દોડાવાશે. સૌરાષ્ટ્ર અને પંચમહાલ માટે વધુ બસોની માંગ છે. મુસાફરોની સુવિધા માટે ST વિભાગ દ્વારા ‘આપણા દ્વાર’ સેવા પણ શરૂ કરાશે. છેલ્લી ઘડીએ બુકિંગ કરાવવાથી આયોજનમાં મુશ્કેલી પડી શકે છે, તેથી હર્ષ સંઘવીએ મુસાફરોને વહેલું બુકિંગ કરાવવા અપીલ કરી છે. આ સાથે કોમર્શિયલ ગરબા આયોજકોને ફાયર સેફ્ટીમાં કોઈ બાંધછોડ ન કરવા અને સુરક્ષાનું વિશેષ ધ્યાન રાખવા પણ અપીલ કરી છે.

ગટરના ખૂલ્લા ઢાંકણ અંગે TV9ના અહેવાલ બાદ સફાળુ જાગ્યુ તંત્ર

અમદાવાદમાં ખુલ્લી ગટરના ઢાંકણા અંગે TV9ના અહેવાલની મોટી અસર જોવા મળી છે. TV9એ પીપળજ રોડ પર ઠેર ઠેર ખુલ્લી ગટર લાઇનોને લઈને રિયાલિટી ચેક કરી અહેવાલ પ્રસારીત કર્યો હતો. દીકરી ખુલ્લી ગટર લાઇનમાં પડી જવાની ઘટના બાદ TV9એ આ ગંભીર મુદ્દો ઉઠાવ્યો હતો. અહેવાલ પ્રસારીત થતાં જ અમદાવાદ મહાનગરપાલિકાનું તંત્ર દોડતું થયું છે. પીપળજ રોડ પર યુદ્ધના ધોરણે ગટરના ઢાંકણા લગાવવાની કામગીરી શરૂ કરવામાં આવી છે. TV9ના અહેવાલ બાદ તંત્ર દ્વારા તાત્કાલિક કામગીરી હાથ ધરાતાં ખુલ્લી ગટરના જોખમનો મુદ્દો ફરી ચર્ચામાં આવ્યો છે.

સુરત: ખુલ્લી ગટરમાં પડી જવાથી 8 મહિનાની બાળકીનું મોત

સુરતના પાંડેસરા GIDC વિસ્તારમાં ખુલ્લી ગટરમાં પડી જવાથી 8 મહિનાની બાળકીનું કરુણ મોત થયું છે. રાધિકા પ્રિન્ટ મિલમાં રમતાં-રમતાં બાળકી ગટરમાં પડી ગઈ હતી. ઉત્તર પ્રદેશના શ્રમિક પરિવારની દીકરી ગૌરીના મોતથી પરિવારમાં શોકની લાગણી ફેલાઈ છે. ઘટનાને લઈને મિલતંત્રની બેદરકારીના આક્ષેપો સાથે પરિવારજનોએ આક્રોશ વ્યક્ત કર્યો છે. ઘટનાની જાણ થતાં પોલીસ દોડી આવી હતી. બાળકીના મૃતદેહનું પોસ્ટમોર્ટમ કરવામાં આવ્યું છે. પાંડેસરા પોલીસે અકસ્માતે મોતનો ગુનો નોંધી સમગ્ર મામલે તપાસ શરૂ કરી છે. ખુલ્લી ગટરના કારણે બાળકીનું મોત થતાં સુરક્ષાની વ્યવસ્થા સામે પણ સવાલો ઊભા થયા છે.

અમદાવાદ: ડુપ્લિકેટ સિગારેટનો જથ્થો ઝડપાયો

અમદાવાદમાં ડુપ્લિકેટ સિગારેટના જથ્થાને લઈને SOG પોલીસે મોટી કાર્યવાહી કરી છે. પોલીસ દ્વારા જાણીતી બ્રાન્ડની સિગારેટનાં 6,900 પેકેટ જપ્ત કરવામાં આવ્યાં છે. જપ્ત કરાયેલા સિગારેટના જથ્થાની કિંમત અંદાજે 8.62 લાખ રૂપિયા હોવાનું જાણવા મળ્યું છે. SOG પોલીસે મણિનગર અને કાલુપુર વિસ્તારમાં આવેલી દુકાનોમાં તપાસ હાથ ધરી હતી. આ દરમિયાન મહેશ સેલ્સ એજન્સી અને દેવ ટ્રેડર્સમાં દરોડા પાડવામાં આવ્યા હતા. આ કાર્યવાહી દરમિયાન પોલીસે સોભરાજ કેવલાનીની ધરપકડ કરી છે. સમગ્ર મામલે કોપીરાઇટ એક્ટ હેઠળ ગુનો નોંધવામાં આવ્યો છે. પોલીસે આ પ્રકરણમાં વધુ તપાસ હાથ ધરી છે.

ગાંધીનગર મનપા ચૂંટણીમાં સાંજે 5 વાગ્યા સુધીમાં 54.01% મતદાન

ગાંધીનગરઃ મનપા ચૂંટણીમાં કોંગ્રેસનો બૂથ કેપ્ચરિંગનો ગંભીર આક્ષેપ

ગાંધીનગર મહાનગરપાલિકાની ચૂંટણી દરમિયાન વોર્ડ નંબર-2માં બૂથ કેપ્ચરિંગના ગંભીર આક્ષેપો થયા છે. કોંગ્રેસના ઉમેદવાર સૂર્યસિંહ ડાભીએ આરાધના સ્કૂલ ખાતે બૂથ કેપ્ચરિંગ થયું હોવાનો દાવો કર્યો છે. કોંગ્રેસે કલોલના ભાજપના ધારાસભ્ય અને તેમના સમર્થકો પર આક્ષેપ લગાવ્યા છે. કોંગ્રેસના ઉમેદવારના દાવા મુજબ, રૂમાલથી CCTV કેમેરા ઢાંકીને બૂથ કેપ્ચરિંગ કરવામાં આવ્યું હતું. આ ઘટનાને પગલે રાજકીય માહોલ ગરમાયો છે. સમગ્ર મામલાની જાણ થતાં SP સહિતનો પોલીસ કાફલો ઘટનાસ્થળે પહોંચ્યો હતો. જોકે, બૂથ કેપ્ચરિંગના આક્ષેપોને લઈને તંત્ર દ્વારા શું કાર્યવાહી કરવામાં આવે છે તે જોવું રહ્યું.

ખેડા: કઠલાલના કઠાણા ગામમાં વીજ કરંટ લાગતાં બે લોકોનાં મોત

ડ્રેનેજ લાઈનમાં પડેલી 10 વર્ષની મનીષાની હજુ કોઈ ભાળ મળી નથી

અમદાવાદમાં કોર્પોરેશનની બેદરકારીના કારણે ડ્રેનેજ લાઇનમાં 10 વર્ષની બાળકી મનીષા પડવાની ઘટના સામે આવી છે. જોકે, બાળકીની હજુ સુધી કોઈ ભાળ મળી નથી. આ દરમિયાન TV9ના રિયાલિટી ચેકમાં શહેરના અનેક વિસ્તારોમાં ગટરના ઢાંકણા તૂટેલી હાલતમાં જોવા મળ્યા છે. જીવરાજ પાર્ક, વેજલપુર, જોધપુર, વટવા અને મણિનગર સહિતના વિસ્તારોમાં ડ્રેનેજ લાઇનનાં ઢાંકણા તૂટેલા હોવાનું સામે આવ્યું છે. ઢાંકણાં બદલવા કે સમારકામ કરવાની કામગીરીમાં અમદાવાદ મ્યુનિસિપલ કોર્પોરેશનની નિષ્ક્રિયતા જોવા મળી રહી છે. વારંવાર બનતા અકસ્માતો અને મોતની ઘટનાઓ વચ્ચે ગટરના ઢાંકણાંની સુરક્ષાને લઈને તંત્રની કામગીરી સામે ગંભીર સવાલો ઊભા થયા છે.

વડોદરામાં પોલીસ જાપ્તામાંથી ફરાર થયેલો આરોપી 11 કલાક બાદ ઝડપાયો

વડોદરામાં પોલીસે ગુજસીટોકના આરોપી મોહસીન મીંડીની ધરપકડ કરી હતી..જેને લઇને પોલીસ કર્મચારીઓ સયાજી હોસ્પિટલ ગયા હતા.. જો કે હોસ્પિટલમાં રીઢા ગુનેગાર મોહસીને બાથરૂમ જવાના બહાનું કર્યુ હતું..અને પોલીસને ચકમો આપીને ફરાર થઇ ગયો હતો…જેને પગલે પોલીસ બેડામાં દોડધામ મચી ગઇ હતી. ફરાર આરોપીને પકડી પાડવા પોલીસે તપાસ શરૂ કરી હતી તો આરોપી ફરાર થતાં સુરક્ષામાં રહેલા ચારેય પોલીસ કર્મચારીઓને સસ્પેન્ડ કરીને તેમના વિરૂદ્ધ ખાતાકીય તપાસ હાથ ધરી છે.

આખરે 11 કલાકની જહેમત પછી જાપ્તામાંથી ફરાર આરોપીને પકડવામાં પોલીસને સફળતા મળી. રેલવે પોલીસ, ક્રાઇમ બ્રાન્ચ અન ગોધરા પોલીસે સંયુક્ત ઓપરેશન કરીને આરોપીને ગોધરાથી પકડી પાડ્યો છે. પોતાના મિત્ર સાથે નશો કરવા જતા સમયે સિગ્નલ ફળિયા વિસ્તારમાંથી મોહસની મીંડીની ધરપકડ કરાઇ છે. મહત્વનું છે તપાસ કરતા આરોપી સામે રાયોટિંગ, હત્યાના પ્રયાસ સહિતના 10 ગુના દાખલ હોવાનું પણ સામે આવ્યું છે.

રાજકોટ: યુનિવર્સિટી રોડ પર જીવલેણ અકસ્માતમાં મહિલાનું મોત

મોરારી બાપુએ શંકરાચાર્યના સનાતન ધર્મના યોગદાન અંગે આપ્યો પ્રેરક સંદેશ

મોરારીબાપુની ભારત સ્વસ્તિક રામયાત્રા કેરળના કાલડીમાં પહોંચી, કથાનો બીજો દિવસ સંપન્ન

કેરળના કાલડીમાં રામકથાનો એવો રંગ જામ્યો કે શ્રોતાઓ ભક્તિમાં ઝૂમી ઊઠ્યા ! મોરારિ બાપુએ આદિ શંકરાચાર્યના સનાતન ધર્મમાં યોગદાન અને તેમના આધ્યાત્મિક દર્શનને રામકથા સાથે સાંકળીને પ્રેરક સંદેશ આપ્યો. આ એ જ પવિત્ર ભૂમિ છે, જેને આદિ શંકરાચાર્યની જન્મભૂમિ તરીકે ઓળખવામાં આવે છે. અહીં સ્થાનિક લોકોએ પણ બાપુનાં દર્શન કર્યા અને રામકથાનો લ્હાવો લીધો. કથામાં ,ભજન, ભાવ અને ઉત્સાહનો અનોખો સંગમ જોવા મળ્યો. શ્રોતાઓએ મન ભરીને કથાનું રસપાન કર્યું.

કેરળના કાલડીની કથામાં ભક્તિનો એવો માહોલ જામ્યો કે શ્રોતાઓ ઝૂમી ઊઠ્યા. ભક્તોએ મન ભરીને કથાનો આનંદ માણ્યો અને બાપુની વાણી સાથે ભાવનાત્મક જોડાણ અનુભવ્યું. અનેક ભક્તો ભજનમાં ભાવસભર થઈને જોશભેર નાચતા જોવા મળ્યા. આસામ, બંગાળ, કેરળ અને રાજસ્થાન સહિત વિવિધ રાજ્યોમાંથી આવેલા શ્રદ્ધાળુઓએ કથામાં હાજરી આપી. પ્રદેશ અલગ, ભાષા અલગ, પરંતુ રામકથા પ્રત્યેની આસ્થા સૌને એકસાથે જોડતી જોવા મળી

કચ્છ:મોટા કાંડાગરામાં SOGના દરોડા

કચ્છના મોટા કાંડાગરામાં SOGએ દરોડો પાડી 31 કિલો ગાંજો ઝડપી પાડ્યો છે. વેસ્ટ કચ્છમાં ‘નો ડ્રગ્સ’ અભિયાન અંતર્ગત આ કાર્યવાહી કરવામાં આવી હતી. લેબર કોલોનીની એક ઓરડીમાંથી ગાંજાનો જથ્થો મળી આવ્યો હતો. પોલીસે ગાંજાના જથ્થા સાથે બિહારના બે શખ્સોને ઝડપી પાડ્યા છે. આરોપીઓ પાસેથી ગાંજો અને મોબાઈલ સહિત કુલ રૂ. 15.59 લાખનો મુદ્દામાલ જપ્ત કરવામાં આવ્યો છે. પોલીસે બંને આરોપીઓ સામે કાયદેસરની કાર્યવાહી હાથ ધરી છે. હવે પોલીસ તપાસમાં ગાંજાનો જથ્થો ક્યાંથી લાવવામાં આવ્યો હતો અને કોને સપ્લાય કરવાનો હતો તે સહિતની વિગતો સામે આવી શકે છે.

રાજકોટ: 14 વર્ષીય સગીરા પર પાડોશી નેપાળીએ દુષ્કર્મ આચર્યાની ફરિયાદ

રાજકોટના ભોમેશ્વરમાં રહેતી મૂળ નેપાળી પરિવારની 14 વર્ષીય સગીરા પર પાડોશી મહેશસિંગ નેપાળીએ દુષ્કર્મ આચર્યાની ફરિયાદ નોંધાઈ છે. ગાંધીગ્રામ પોલીસે તપાસ હાથ ધરતાં ચોંકાવનારી વિગતો સામે આવી છે. 5થી 24 જુલાઈ દરમિયાન સગીરાના માતા-પિતા વતન ગયા હતા. આ સમયે આરોપીની પત્ની મંજુ સગીરાને પોતાના ઘરે લઈ આવી હતી. આ દરમિયાન મહેશસિંગે સગીરા પર વારંવાર દુષ્કર્મ આચર્યાનો આરોપ છે. પરિવારની પૂછપરછમાં સગીરાએ સમગ્ર હકીકત જણાવી હતી. આરોપીએ સગીરાની મોટી બહેનને પણ પ્રેમજાળમાં ફસાવવાનો પ્રયાસ કર્યો હોવાની વિગતો સામે આવી છે. પોલીસે મહેશસિંગની ધરપકડ કરી છે અને મંજુને પકડવા કાર્યવાહી હાથ ધરી છે.

ચોટીલામાં પ્રથમ નોરતે ઉમટ્યુ ભક્તોનું ઘોડાપૂર

સુરેન્દ્રનગરના ચોટીલા યાત્રાધામમાં નવરાત્રિના પ્રથમ નોરતે ભક્તોનું ઘોડાપૂર ઉમટ્યું છે. આસો માસના પ્રારંભે રવિવારની રજા હોવાથી વહેલી સવારથી જ મા ચામુંડાનાં દર્શન માટે મોટી સંખ્યામાં માઈભક્તો પહોંચ્યા હતા. ડુંગર પર માતાજીનાં દર્શન માટે ભક્તોની લાંબી કતારો જોવા મળી હતી. દૂર-દૂરથી આવેલા શ્રદ્ધાળુઓએ મા ચામુંડાનાં દર્શન કરી ધન્યતા અનુભવી હતી. માતાજીના જયઘોષથી સમગ્ર ચોટીલા ધામ ભક્તિમય બન્યું હતું….અને નવરાત્રિના પ્રથમ દિવસે જ યાત્રાધામમાં ભક્તિનો માહોલ જામ્યો હતો.

પંજાબના ગુનેગારો માટે ગુજરાત સ્વર્ગ સમાન ! અમૃતસરમાં હત્યા કેસના 3 આરોપી દક્ષિણ ગુજરાતના વાપીથી ઝડપાયા

પંજાબના અમૃતસરમાં મેડ સંધુની હત્યા કેસમાં વધુ ત્રણ આરોપીની દક્ષિણ ગુજરાતના વાપીથી ધરપકડ કરવામાં આવી છે. ગુજરાત ATS અને વલસાડ SOGનું સંયુક્ત ઓપરેશન પાર પાડવામાં આવ્યું. 3 ઓક્ટોબરે કાર વોશિંગ સેન્ટર નજીક હત્યાની ઘટના બની હતી. અગાઉ મુખ્ય આરોપી શૂટરની ક્રાઈમ બ્રાંચે કરી હતી ધરપકડ. ગુજરાત ATSએ ત્રણેય આરોપીઓને કસ્ટડીમાં લઈને પંજાબ પોલીસને સોંપાયા. વધુ તપાસ માટે ત્રણેય આરોપીઓને પંજાબ લઈ જવાયા.

મહીસાગરમાં નળ સે જળ કૌભાંડમાં વધુ બે કૌભાંડી કોન્ટ્રાકટરની ધરપકડ

મહીસાગરમાં ચકચાર જગાવનાર નળ સે જળ કૌભાંડમાં વધુ બે કૌભાંડી કોન્ટ્રાકટરની ધરપકડ કરવામાં આવી છે. રૂપિયા  123 કરોડના નળ સે જળ કૌભાંડમાં સીઆઈડી ક્રાઇમની કાર્યવાહી. આની સાથે નળ સે જળ કૌભાંડમાં ધરપકડ કરાયેલ વ્યક્તિઓનો આંક પહોંચ્યો 69 પર. કૌભાંડી કોન્ટ્રાકટર પર્વતભાઇ નર્વતભાઈ માલીવાડે ખાનપુર તાલુકાના મોટા ખાનપુર ગામે આચરી હતી ગેરરીતિ. કૌભાંડી કોન્ટ્રાકટર પર્વતભાઇ નર્વતભાઈ માલીવાડ પાસે સરકારને કુલ 42,92,255.46 રૂપિયાની રિકવરી બાકી. કૌભાંડી કોન્ટ્રાકટર જયંતિભાઈ ધનાભાઇ પટેલીયાએ કડાણા તાલુકાના ઘાસવાડા ગામમાં આચરી હતી ગેરરીતિ. કૌભાંડી કોન્ટ્રાકટર જયંતિભાઈ ધનાભાઇ પટેલીયા પાસે સરકારને 62,653.21 રૂપિયાની રિકવરી બાકી. તત્કાલીન વાસ્મો અધિકારીઓએ, કોન્ટ્રાક્ટરોએ અને સરપંચોએ વડાપ્રધાનના ડ્રીમ પ્રોજેક્ટ પર ફેરવ્યું પાણી.

દિલ્હીમાં લગાવેલા બેરિકેડ્સ હટાવો, ઇન્ટરનેટ સેવાઓ અને મેટ્રો સ્ટેશનો ચાલુ રાખો… કોર્ટના તિરસ્કારના કેસમાં કારણદર્શક નોટિસ ઈસ્યુ કરતી સુપ્રીમ કોર્ટ

સુપ્રીમ કોર્ટે, દિલ્હીમાં ચાલી રહેલા વિરોધ પ્રદર્શનો સાથે જોડાયેલા કોર્ટના તિરસ્કારના કેસમાં સરકારને કારણદર્શક નોટિસ ઈસ્યુ કરી છે. કોર્ટે સરકાર પાસે મંગળવાર, 13 ઓક્ટોબર સુધીમાં જવાબ માંગ્યો છે. કોર્ટે કહ્યું, “અમે સંબંધિત સત્તાવાળાઓને 9ઓક્ટોબરના અમારા આદેશની યાદ અપાવીએ છીએ,” જેમાં નિર્દેશ આપવામાં આવ્યો હતો કે મેટ્રો ટ્રેન સેવાઓ અચાનક બંધ ન કરવી જોઈએ અને લોકોની અવરજવરમાં અવરોધ ઊભો ન કરવો જોઈએ. સત્તાવાળાઓને પૂછવામાં આવ્યું છે કે તેમની સામે કોર્ટના તિરસ્કારની કાર્યવાહી શા માટે શરૂ ન કરવી જોઈએ.

અમદાવાદમાં જૂના કપડામાં લપેટીને પોર્ટરની આડમાં દારુની હેરાફેરી કરનારા નિશિત, જય, કિશન ઝડપાયા

અમદાવાદમાંથી જુના કપડાંની આડમાં દારૂની હેરાફેરી ઝડપાઈ. પોર્ટરમાં કપડા સાથે મોકલવામાં આવતો હતો દારૂ. કૃષ્ણનગર ગુજરાત હાઉસિંગ બોર્ડ ખાતે પોલીસના દરોડા. રૂપિયા 6.33 લાખની કિંમતનો દારૂ અને 3 ટુ વ્હીલર અને કપડા કબ્જે કર્યા. પોલીસે નિશિત શાહ, જય પવાર, કિશન શાહની ધરપકડ કરી છે. દારૂ મોકલનાર સહીતના આરોપી ફરાર. કૃષ્ણનગર પોલીસે ગુનો દાખલ કરી તપાસ શરૂ કરી.

નરોડા પોલીસે સ્કોર્પિયોનો પીછો કરીને દારૂની હેરાફેરી ઝડપી પાડી પરંતુ આરોપીઓ હજુ પણ છે ફરાર

અમદાવાદમાંથી સ્કોર્પિયો ગાડીની નંબર પ્લેટ બદલી દારૂની હેરાફેરી ઝડપાઈ છે જો કે આરોપી ફરાર છે. પોલીસે ફિલ્મી ઢબે પીછો કરી દારૂ ભરેલી ગાડી પકડી. નરોડા પોલીસને મળેલી બાતમીનાં આધારે કાર્યવાહી. નાના ચિલોડા ખાતેથી ગાડીમાંથી 3.45 લાખનો દારૂ પકડાયો. ગાડી સહિત 13.45 લાખનો મુદ્દામાલ કબજે. દારૂની હેરાફેરીમાં સામેલ આરોપીઓ ફરાર.

મહિસાગરમાં વિદ્યાસહાયક અને પોસ્ટ વિભાગમા નોકરીના બહાને 31 લાખની છેતરપિંડી, છેતરાયેલા નોકરીવાંચ્છુએ નોંધાવી પોલીસ ફરિયાદ

મહિસાગરમાં વિદ્યાસહાયક અને પોસ્ટ વિભાગનાં નોકરીની લાલચે છેતરપિંડી આચરવાનો કિસ્સો સામે આવ્યો છે. સરકારી નોકરીની લાલચે રુ. 31 લાખની છેતરપિંડી કરવામાં આવી છે. મનરેગા જૂનિયર ક્લાર્ક રાકેશ ચૌહાણે લૂણાવાડા પોલીસ મથકે નોંધાવી ફરિયાદ. કડાણા તાલૂકાનાં પઢારા ગામનાં રહેવાસી મુકેશ તાભીયાર સામે નોંધાવી ફરિયાદ. આરોપી મુકેશે ફરિયાદી અને તેમનાં સગાઓ પાસેથી ચેક અને રોકડા રુપિયા માંગ્યા. TET પાસ કરાવવા અને નોકરી માટે ખોટા આઇડી-પાસવર્ડ આપી છેતરપિંડી. નાણાં પરત આપવા માટે આરોપીએ આપેલા ચેક બેંકમાં બાઉન્સ થયા. લૂણાવાડા પોલીસ મથક ખાતે ફરિયાદ દાખલ થયા બાદ તપાસ શરુ.

રાજકોટમાં ખાનગી ધોરણે યોજાતા મોટા ગરબાના સ્થળે લાગ્યા ‘લવ જેહાદથી સાવધાન’ ના પોસ્ટર્સ

રાજકોટમાં મોટા ગરબા આયોજનની બહાર લવ જેદાદનાં લાગ્યા બેનર. રાતોરાત લવ જેહાદથી સાવધાનનાં પોસ્ટર્સ લગાવાયા. પોસ્ટર્સ કોણે લગાવ્યા એ બાબતનો પોસ્ટર્સમાં કોઇ ઉલ્લેખ નહિં. નવરાત્રિનાં પ્રથમ દિવસે શહેરભરમાં લાગ્યા પોસ્ટર્સ. રાજકોટ શહેરમાં ઠેર ઠેર લવ જેહાદથી બચવાનાં લાગ્યા પોસ્ટર્સ. હિન્દુ દીકરીઓ લવ જેહાદથી બચે નાં મેસેજ સાથેનાં પોસ્ટર્સ.

અમદાવાદમાં Gen-Z આંદોલન થાય તે પૂર્વે એલિસબ્રિજ ચાર રસ્તા તરફ આવતા તમામ રસ્તા પર ડગલે ને પગલે પોલીસ ખડકાઈ

અમદાવાદમાં Gen-Z આંદોલનમાં યુવાઓ એકત્રિત થાય એ પૂર્વે પોલીસ સજ્જ થઈ ઉઠી છે. એલિસબ્રિજ ચાર રસ્તા પાસે, અમદાવાદ પોલીસે સખ્ત બંદોબસ્ત ગોઠવી દીધો છે. સાંજે 6:30 કલાકે Gen-Z એકત્રિત થાય એ પૂર્વે જ કિલ્લેબંધી કરી દેવાઈ છે. એલિસબ્રિજ ચાર રસ્તા તરફ આવતા તમામ રસ્તા પર ડગલે ને પગલે પોલીસ ખડકાઈ ગઈ છે.  1 JCP, 5 DCP, 15 થી વધુ PI સહિત 600 પોલીસનો બંદોબસ્ત ગોઠવાયો છે. Gen-Z એકત્રિત થાય એ પૂર્વે જ પોલીસ એક્શન મોડમાં.

હિંમતનગર કાંકણોલ નજીક નેશનલ હાઇવે પરથી બે ટુકડા થઈ ગયેલો આધેડનો અર્ધનગ્ન મૃતદેહ મળ્યો

સાબરકાંઠાના હિંમતનગર કાંકણોલ નજીક નેશનલ હાઇવે પરથી આધેડનો મૃતદેહ મળ્યો છે. બે ટુકડા થઈ ગયેલો મૃતદેહ અર્ધનગ્ન હાલતમાં મળી આવતા ચકચાર મચી જવા પામી છે. હત્યા કે અકસ્માતથી મોત અંગે હિંમતનગર પોલીસે તપાસ હાથ ધરી છે.

નવસારીમા રખડતા ઢોરને કારણે 2 ના મોત

નવસારીના સિંઘી કેમ્પ વિસ્તારમાં રખડતાં ઢોરને કારણે 2 નાં મોત થયા છે. સાઇબાબા ડેરી પાસે આખલાઓની લડાઇમાં યોગેશ પટેલનું મોત થયું. આખલાઓની લડાઇમાં વચ્ચે આવી જતાં યોગેશ પટેલ મોતને ભેટ્યો. આધેડને સારવાર માટે સુરત ખસેડાયો જ્યાં ડોક્ટરો દ્વારા મૃત ઘોષિત કરાયો. બીજા કિસ્સામાં એરુ ગામે ગાયની સાથે ટક્કરમાં મોત થયુ. પ્રણવ પરમાર નામનાં યુવાનનું સારવાર દરમિયાન મોત નીપજ્યુ. નવસારી મનપામાં રખડતાં ઢોર મામલે કાર્યવાહીનાં દાવાઓની પોલ ખૂલી. રખડતાં પશુઓનાં કારણે મોત બાદ શહેરીજનોમાં આક્રોશની લાગણી.

થરા નગરપાલિકા ચૂંટણીમાં પ્રથમ 2 કલાકમાં 15.39 % મતદાન

બનાસકાંઠાની થરા નગરપાલિકા ચૂંટણીને લઇ મતદાન ચાલી રહ્યું છે. વહેલી સવારે 7 થી 9 વાગ્યાં સુધીમાં 15.39%મતદાન નોંધાયું હતું.  2 કલાકમાં થરા પાલિકા માટે થયું 15.39 % મતદાન થયું છે. વહેલી સવારે મતદાન કેન્દ્રો પર જોવા મળ્યો છે ઘસારો

અમદાવાદના નારોલ બાદ, આજે સુરતના પાંડેસરાની ખુલ્લી ગટરમાં પડતા 9 મહિનાની બાળકીનુ મોત

પાંડેસરામાં ખુલ્લી ગટરમાં પડી જતાં 9 મહિનાની બાળકીનું મોત થયુ છે. પાંડેસરા GIDC ની ખૂલ્લી ગટરમાં પડી જતાં થયુ મોત. રાધિકા પ્રિન્ટ મિલમાં રમતાં-રમતાં બાળકી ગટરમાં પડી ગઇ. યુપીનાં શ્રમિક પરિવારની દિકરી ગૌરીનું ગટરમાં પડી જતાં મોત. બાળકીનાં મોતને પગલે પરિવારમાં શોક અને આક્રોશ. મિલતંત્રની ગંભીર બેદરકારીને લઇને પરિવારે દીકરી ગુમાવી. ઘટનાની જાણ બાદ પોલીસે સ્થળ પર પહોંચી શરુ કરી તપાસ.

સુરતમાં 10 દિવસમાં 720 હોટલ અને રેસ્ટોરન્ટમાં તપાસ કરી 294 ને ફટકારાઈ નોટિસ

સુરત મહાનગરપાલિકાના આરોગ્ય વિભાગ દ્વારા સતત તપાસનો દોર યથાવત રાખ્યો છે. છેલ્લાં 10 દિવસમાં 720 હોટલ અને રેસ્ટોરન્ટમાં તપાસ કરવામાં આવી છે. 294 હોટલ અને રેસ્ટોરન્ટને નોટિસ આપવામાં આવી છે. તપાસમાં 549.9 કિલો અખાદ્ય ખોરાકનો કરાયો નાશ. 232 હોટલ અને રેસ્ટોરન્ટમાંથી સેમ્પલ લેવાયા. સ્થળ પર જ રુપિયા 10, 30, 500 નો દંડ વસુલાયો. નવરાત્રિ કોમર્શિયલ ગરબામાં ફૂડ સ્ટોલ લગાવનારાઓ પણ રજીસ્ટ્રેશન કરાવે એવી સુચના.

અમદાવાદના નારોલ ડ્રેનેજ લાઈનમાં ગઈકાલે પડી ગયેલ બાળકીની હજી સુધી કોઈ ભાળ નહીં

નારોલ ડ્રેનેજ લાઈનમાં, ગઈકાલ શનિવારને 10 ઓક્ટોબરના સાંજે પડી ગયેલ  બાળકીની હજી સુધી કોઈ ભાળ મળી નથી. ગઈકાલ સાંજથી શરૂ થયેલ શોધખોળ હજી પણ ચાલી રહી છે. ફાયર અને ડ્રેનેજ વિભાગની ટીમ છેલ્લા 14 કલાકથી કરી રહી છે શોધખોળ. જ્યાં દીકરી પડી ત્યાંથી સાબરમતીના તટ સુધી ચાલી રહી છે શોધખોળ. મુખ્ય ડ્રેનેજ લાઇન હોવાથી ગટર સાથે કેમિકલયુક્ત પાણી પણ પસાર થતા હોય છે. AMC ની ઘોર બેદરકારીનો ભોગ પ્રજ્ઞાચક્ષુ દીકરી બની હતી.

દાહોદના દેવગઢ બારીયાના મેન્દ્રા ચોકડી પાસે મોડી રાત્રે ST બસમાં આગ લાગતા બળીને થઈ ખાક

દાહોદના દેવગઢ બારીયાના મેન્દ્રા ચોકડી પાસે મોડી રાત્રે ST બસમાં અચાનક આગ લાગતા અફરાતફરીનો માહોલ સર્જાયો હતો. વડોદરાથી દેવગઢ બારીઆ તરફ આવતી સરકારી ST બસમાં અચાનક લાગી આગ. એસટી બસમાં આગ લાગતા જ ડ્રાઇવર સહિત કંડકટર તેમજ અન્ય પેસેન્જર સમય સૂચકતા વાપરી બહાર નીકળી ગયા. જોત જોતા માં બસમાંથી આગના ગોટેગોટા નીકળતા ભયનો માહોલ સર્જાયો. આગની જાણ થતાં જ ગ્રામજનો ઘટનાસ્થળે દોડી આવ્યા હતા. ફાયર વિભાગને જાણ કરતા ફાયર વિભાગ ઘટના સ્થળે. ફાયર પહોંચ તે પહેલા જ બસ આગમાં બળીને ખાખ થઈ ગઈ. એસટી બસમાં આગ લાગવાના બનાવને લઈ પોલીસ તંત્ર તેમજ એસટી વિભાગ ઘટના સ્થળે આગની ઘટનાને પગલે રસ્તા પર ટ્રાફિક જામ જેવા દૃશ્યો સર્જાયા હતા.  ઘટનાની જાણ થતાં ડેપો મેનેજર પણ ઘટનાસ્થળે દોડી આવ્યા હતા. St બસ માં આગ લાગવાનું કારણ હજુ જાણી શકાયું નથી. જોકે આગ ની ઘટના માં કોઈ જાન હાનિ નહીં

રાજકોટ ભાવનગર હાઈવે પર કાળીપાટ નજીક કાર અને બાઇક વરચે સર્જાયો અક્સ્માત

રાજકોટ ભાવનગર હાઈવે પર કાળીપાટ નજીક કાર અને બાઇક વરચે સર્જાયો અક્સ્માત. સ્થાનિકોએ જણાવ્યા મુજબ એક કારે, બાઇકને ટક્કર મારતા બાઇક બીજા બાઇક સાથે અથડાયું. કાર અને બાઇક વરચે અક્સ્માત સર્જાતા ત્રણ લોકો ઇજાગ્રસ્ત થયા. તમામ લોકોને રાજકોટ સિવિલ હોસ્પિટલમાં ખસેડવામાં આવ્યા.

CEC જ્ઞાનેશ કુમારને હટાવવાની માંગ સાથે CJP અને SFI દ્વારા આજે પણ દિલ્હીમાં યોજાશે વિરોધ પ્રદર્શન

મુખ્ય ચૂંટણી કમિશનર જ્ઞાનેશ કુમારને હટાવવાની માંગ સાથે ‘કોકરોચ જનતા પાર્ટી’ (CJP) અને સ્ટુડન્ટ્સ ફેડરેશન ઓફ ઈન્ડિયા (SFI) દ્વારા આજે વિરોધ પ્રદર્શન યથાવત રાખવાની જાહેરાત કરી છે. આ બન્ને સંગઠનોએ સંગઠનોએ જ્યાં સુધી તેમની માંગણીઓ પૂરી ન થાય ત્યાં સુધી વિરોધ પ્રદર્શનો ચાલુ રાખવાની જાહેરાત

વડોદરાના વાઘોડિયા રોડ ઉમા ચાર રસ્તા પાસે મારામારીની ઘટના

વડોદરાના વાઘોડિયા રોડ ઉમા ચાર રસ્તા પાસે મારામારીની ઘટના થવા પામી હતી. શ્રી રામ ટમટમ નજીક પાર્કિંગ મુદ્દે થયો ઉગ્ર વિવાદ. સામાન્ય બોલાચાલી બાદ એક વ્યક્તિને ઢોર માર માર્યાનો આક્ષેપ. ઘટનાની જાણ થતાં 112 ઇમરજન્સી ટીમ તાત્કાલિક દોડી આવી. મારામારીના બનાવથી વિસ્તારમાં ભય અને રોષનો માહોલ. પોલીસ દ્વારા તપાસ શરૂ, સીસીટીવી ફૂટેજની ચકાસણી હાથ ધરી.

આજે ગાંધીનગર મહાનગરપાલિકા, થરા અને ઓખા નગરપાલિકાની ચૂંટણી

ગુજરાતના પાટનગર ગાંધીનગર, મહાનગર પાલિકાની આજે ચૂંટણી યોજાનાર છે. ગાંધીનગર મ્યુનિસપલ કોર્પોરેશનની સાથોસાથ થરા અને ઓખા નગરપાલિકાની પણ ચૂંટણી યોજાનાર છે. ગાંધીનગર મ્યુનિસિપલ કોર્પોરેશનના  11 વોર્ડની કુલ 44 બેઠકો માટે મતદાન યોજાશે. આગામી 13 ઓક્ટોબરે ચૂંટણીના પરિણામો જાહેર કરાશે.

જામનગરમાં વંદે ભારત ટ્રેનની અડફેટે બે વ્યક્તિના મોત

જામનગર શહેરના અંધાશ્રમ ફાટક નજીક ટ્રેનની અડફેટે આવી જતાં બે પુરુષોના મોત નીપજ્યાં છે. ઘટનાની જાણ થતાં જ સ્થાનિક પોલીસ અને રેલવે પોલીસનો કાફલો સ્થળ પર દોડી ગયો. અકસ્માત કયા સંજોગોમાં સર્જાયો તે અંગે પોલીસે તપાસ હાથ ધરી. મૃતદેહોને પંચનામા અને પોસ્ટમોર્ટમ માટે સરકારી હોસ્પિટલ ખસેડવામાં આવ્યા. મૃતકોની ઓળખ અને ઘટનાની વધુ વિગતો અંગે સત્તાવાર માહિતી તપાસના અંતે આવશે સામે.