Breaking News : મુંબઈમાં ફટાકડાના કારણે આગની બે મોટી ઘટનાઓ, થાણેમાં અનેક લોકો ફસાયા હોવાની આશંકા
મહારાષ્ટ્રના થાણે અને નવી મુંબઈમાં ફટાકડાના કારણે આગ લાગવાની બે ગંભીર ઘટનાઓ સામે આવી છે. થાણેની રાહીજા ગાર્ડન સોસાયટીના ત્રણ માળ આગની લપેટમાં આવ્યા હતા, જ્યાં અનેક લોકો ફસાયા હોવાની આશંકા છે. જ્યારે નવી મુંબઈના તુર્ભેમાં રોકેટ દુકાનમાં પ્રવેશતાં સોફા બનાવવાની દુકાનમાં આગ લાગી હોવાની આશંકા છે.
મહારાષ્ટ્રમાં ફટાકડાના કારણે આગ લાગવાની બે ગંભીર ઘટનાઓ સામે આવી છે. થાણે અને નવી મુંબઈમાં બનેલી આ ઘટનાઓને પગલે ફાયર બ્રિગેડની ટીમો તાત્કાલિક ઘટનાસ્થળે દોડી ગઈ હતી અને આગ પર કાબૂ મેળવવાની કામગીરી શરૂ કરવામાં આવી હતી.
ફટાકડાના કારણે આગ લાગી હોવાની આશંકા
થાણેના રાહીજા ગાર્ડન સોસાયટીમાં 8મા, 9મા અને 10મા માળે ભીષણ આગ ફાટી નીકળી હતી. પ્રાથમિક અહેવાલો અનુસાર, ફટાકડાના કારણે આગ લાગી હોવાની આશંકા વ્યક્ત કરવામાં આવી રહી છે. આગને કારણે બિલ્ડિંગમાં અનેક લોકો ફસાયા હોવાની માહિતી સામે આવી છે. ઘટનાની જાણ થતાં જ ફાયર બ્રિગેડની ટીમો દ્વારા બચાવ અને આગ બુઝાવવાની કામગીરી હાથ ધરવામાં આવી હતી.
Thane, Maharashtra: Deputy Chief Minister Eknath Shinde arrives at Raheja Garden Society to assess the situation after a fire broke out on the 8th, 9th and 10th floors, reportedly due to firecrackers. https://t.co/gzP18YP8VO
— IANS (@ians_india) November 8, 2026
દરમિયાન મહારાષ્ટ્રના નાયબ મુખ્યમંત્રી એકનાથ શિંદે પણ પરિસ્થિતિનું નિરીક્ષણ કરવા રાહીજા ગાર્ડન સોસાયટી ખાતે પહોંચ્યા હતા. બિલ્ડિંગમાં ફસાયેલા તમામ રહેવાસીઓને વીડિયો કૉલ દ્વારા સૂચના આપવામાં આવી રહી છે કે તેઓ સુરક્ષિત રીતે બિલ્ડિંગની અગાસી (ટેરેસ) પર પહોંચી જાય.
ફટાકડાનું રોકેટ દુકાનમાં પ્રવેશતાં આગ લાગી
બીજી તરફ, નવી મુંબઈના તુર્ભે સેક્ટર-21માં આવેલા એક શોપિંગ સેન્ટરના પ્રથમ માળે આવેલી સોફા બનાવવાની દુકાનમાં ભીષણ આગ લાગી હતી. પ્રાથમિક આશંકા મુજબ, ફટાકડાનું રોકેટ દુકાનમાં પ્રવેશતાં આગ લાગી હોઈ શકે છે.
Navi Mumbai, Maharashtra: A massive fire broke out at a sofa-making shop on the first floor of a shopping centre in Sector 21, Turbhe. The fire is suspected to have been triggered by a rocket entering the shop. Fire tenders rushed to the spot, and efforts to douse the blaze are underway.
— IANS (@ians_india) November 8, 2026
ઘટનાની જાણ થતાં જ ફાયર ટેન્ડરો ઘટનાસ્થળે પહોંચ્યા હતા અને આગ પર કાબૂ મેળવવાના પ્રયાસો શરૂ કર્યા હતા. બંને ઘટનાઓને પગલે વિસ્તારમાં અફરાતફરીનો માહોલ સર્જાયો હતો.
આ પણ વાંચો, Breaking News: દેશભરમાં FSSAI ની મોટી કાર્યવાહી… 3,280 ટન દૂધ-મીઠાઈ અને પનીર જપ્ત, 1,133 લાઈસન્સ સસ્પેન્ડ
