Paper Leak : જુનિયર ક્લાર્કના પેપર લીક થવા મુદ્દે રાજકારણ ગરમાયુ, વિપક્ષ નેતાઓના સરકાર પર પ્રહાર
Paper Leak : 9 લાખ 53 હજાર વધુ ઉમેદવારોની મહેનત પાણીમાં ગઈ છે. પંચાયત સેવા પસંદગી મંડળ વર્ગ-3 જૂનિયર ક્લાર્કની પરીક્ષા માટે હવે પછી બીજી તારીખ જાહેર કરશે. આ સાથે જ પેપર લીકની ઘટના બનતા જ રાજકારણ પણ ગરમાયુ છે.
જુનિયર ક્લાર્કનું પેપર લીક થતાં સમગ્ર રાજ્યમાં હડકંપ મચી ગયો છે. સ્પર્ધાત્મક પરીક્ષા મોકૂફ રાખવામાં આવતા પરીક્ષાર્થીઓમાં રોષ જોવા મળ્યો છે. એક તરફ 9 લાખ 53 હજાર વધુ ઉમેદવારોની મહેનત પાણીમાં ગઈ છે. પંચાયત સેવા પસંદગી મંડળ વર્ગ-3 જૂનિયર ક્લાર્કની પરીક્ષા માટે હવે પછી બીજી તારીખ જાહેર કરશે. આ સાથે જ પેપર લીકની ઘટના બનતા જ રાજકારણ પણ ગરમાયુ છે. અલગ અલગ નેતાઓ આ ઘટનાને શરમજનક ગણાવી રહ્યા છે.
પેપર ફૂટવા મુદ્દે અરવિંદ કેજરીવાલના પ્રહાર સરકાર પર આકરા પ્રહાર
જુનિયર ક્લાર્કના પેપર ફૂટવા મુદ્દે અરવિંદ કેજરીવાલે સરકાર પર આકરા પ્રહાર કર્યા છે. તેમણે ટ્વિટ કરીને લખ્યું કે, ગુજરાતમાં કેમ વારંવાર પેપર ફૂટે છે ? ગુજરાતના લાખો યુવાનોના ભવિષ્ય સાથે થાય છે ચેડા
Almost every exam in Guj gets leaked. Why? The future of crores of youth is ruined. https://t.co/XWZ5EgSy7t
— Arvind Kejriwal (@ArvindKejriwal) January 29, 2023
અમિત ચાવડાના આકરા પ્રહાર
પેપર ફૂટવા મુદ્દે વિધાનસભાના વિરોધ પક્ષના નેતા અમિત ચાવડાએ સરકાર પર આકરા પ્રહાર કર્યા છે. તેમણે ટ્વીટ કરીને જણાવ્યુ છે કે લાખો ઉમેદવારોની મહેનત પાણીમાં ફરી ગઇ છે. સરકારે લાખો ઉમેદવારોના સપના તોડવાનું પાપ કર્યુ છે. ફરી એકવાર તપાસના માત્ર વાયદા થશે અને મુખ્ય આરોપીઓ છૂટી જશે. ભાજપની ભ્રષ્ટ સરકાર એકપણ પરીક્ષા વ્યવસ્થિત રીતે લઇ નથી શકતી.
પેપર ફૂટવા મુદ્દે AAPના પ્રદેશ અધ્યક્ષ ઇસુદાન ગઢવીએ પણ સરકાર પર પ્રહાર કર્યા છે. તેમણે ટ્વીટમાં લખ્યુ કે જેમણે ભાજપ પર વિશ્વાસ કરીને મત આપ્યો અને બીજાને આપાવ્યો એને અને એના સંતાનની પરીક્ષાનું ભાજપે પેપર ફોડી નાખ્યું! ચૂંટણી સમયે આ મુદ્દા પર વારંવાર ચીસો પાડી હતી કે ભાજપને મત આપશો તો પાપના ભાગીદાર બનશો ! સાચું ઠર્યું ને? જ્યાં સુધી જનતા પોતાના મુદ્દાઓ પર મત નહીં કરે આપણે લૂંટાશું
જેમણે ભાજપ પર વિશ્વાસ કરી ને મત આપ્યો અને બીજાને આપાવ્યો એને અને એના સંતાનની પરીક્ષાનું ભાજપે પેપર ફોડી નાખ્યું!
ચૂંટણી સમયે આ મુદ્દા પર વારંવાર ચીસો પાડી હતી કે ભાજપને મત આપશો તો પાપના ભાગીદાર બનશો ! સાચું ઠર્યું ને? જ્યાં સુધી જનતા પોતાના મુદ્દાઓ પર મત નહીં કરે આપણે લૂંટાશું
— Isudan Gadhvi (@isudan_gadhvi) January 29, 2023
જવાબદાર લોકો ને જેલ હવાલે કરી સરકાર દાખલો બેસાડે – દિનેશ બાંભણિયા
PAAS નેતા દિનેશ બાંભણિયાએ ટ્વિટ કરીને લખ્યું કે, પંચાયત સેવા પસંદગી મંડળના તમામ જવાબદાર લોકોને જેલ હવાલે કરી સરકાર દાખલો બેસાડી પરીક્ષાર્થીઓના પરિવારને ન્યાય આપે. આ પરીક્ષામાં લાખો વિદ્યાર્થીના ભવિષ્યનો સવાલ છે. જલ્દીથી નવી તારીખ જાહેર કરવામાં આવે.
પંચાયત સેવા પસંદગી મંડળ ના તમામ જવાબદાર લોકો ને જેલ હવાલે કરી સરકાર દાખલો બેસાડી પરીક્ષાર્થીઓના પરિવાર ને ન્યાય આપે. આ પરીક્ષા માં લાખો વિદ્યાર્થીના ભવિષ્ય નો સવાલ છે. જલ્દી થી નવી તારીખ જાહેર કરવામાં આવે.@CMOGuj @GPSC_OFFICIAL @GujPRHDept @sanghaviharsh @bachubhaikhabad pic.twitter.com/Zl8ftpOi2I
— Dinesh Bambhania (@dineshbambhania) January 29, 2023
આ તરફ બાયડના અપક્ષ ધારાસભ્ય ધવલસિંહ ઝાલાએ પરીક્ષાર્થીઓને વળતર આપવાની માગ કરી છે. તેમણે કહ્યું કે લાખો વિદ્યાર્થીઓ સાથે મજાક થઈ છે. દાખલારૂપમ કાર્યવાહી કરવામાં આવે, જેથી ભવિષ્યમાં કોઈ આવું કૃત્ય ના કરે.
આ તરફ આમ આદમી પાર્ટીના પ્રદેશ ઉપાધ્યક્ષ પ્રવીણ રામે ભાજપ સરકાર પર આક્ષેપ કર્યા. તેમણે કટાક્ષ કર્યો કે ભાજપ સરકારે વિદ્યાર્થીઓને પેપર ફૂટવાની ભેટ આપી છે.. સરકાર પાસે હવે કોઈ જ આશા રહી નથી.
રાજ્યમાં જનતાએ ભાજપની પૂર્ણ બહુમતની સરકાર બનાવતાની સાથે જ ભાજપની સરકારે આજે ફરીવાર ગુજરાતના યુવાનોને પેપર ફોડવાની ભેટ આપી ગુજરાતના યુવાનોનું મનોબળ તોડવાનું કામ કર્યું છે @ArvindKejriwal @msisodia @isudan_gadhvi pic.twitter.com/qerIUi5V07
— Pravin Ram. (@PravinRam_) January 29, 2023
