દીપિકા પાદુકોણના અફેરની યુનિવર્સિટીના વિદ્યાર્થીઓએ મજાક ઉડાવી! મોટા પડદા પર બતાવાયા જુના બોયફ્રેન્ડ
દીપિકા પાદુકોણ પાસ્ટ રિલેશનશિપઃ વારાણસીમાં વિદ્યાર્થીઓએ દીપિકા પાદુકોણના ભૂતકાળના પાસ્ટ રિલેશનશિપ પર સ્ટેન્ડ અપ કોમેડી કરીને તેનું અપમાન કર્યું છે. એક્ટ્રેસનું ખુલ્લેઆમ અપમાન જોઈને તેના ફેન્સ ગુસ્સે થયા છે. સોશિયલ મીડિયા પર આનો એક વીડિયો ઝડપથી વાયરલ થઈ રહ્યો છે.
કોફી વિથ કરણ 8ના પહેલા એપિસોડમાં દીપિકા પાદુકોણ તેના પતિ અને એક્ટર રણવીર સિંહ સાથે આવી હતી. આ સમય દરમિયાન એક્ટ્રેસે તેના પાસ્ટના સંબંધો અને ભૂતપૂર્વ બોયફ્રેન્ડ વિશે ખુલીને વાત કરી. એક્ટ્રેસે કેટલાક એવા ખુલાસા કર્યા હતા જે બાદ તેને સોશિયલ મીડિયા પર ઘણી ટ્રોલ કરવામાં આવી હતી. હવે વારાણસીની એક યુનિવર્સિટીના વિદ્યાર્થીઓએ દીપિકાના પાસ્ટના સંબંધો પર સ્ટેન્ડ અપ કોમેડી કરીને તેનું અપમાન કર્યું છે.
સોશિયલ મીડિયા પર એક વીડિયો ઝડપથી વાયરલ થઈ રહ્યો છે જેમાં ઘૂંઘટમાં એક છોકરી દીપિકાના વેશમાં જોવા મળી રહી છે અને તેની પાછળ દીપિકાની ફિલ્મ બાજીરાવ મસ્તાનીના એક ગીતનો વીડિયો ચાલી રહ્યો છે જેમાં દીપિકા પાદુકોણ ડાન્સ કરી રહી છે. આ પછી એક પછી એક વીડિયો બદલાય છે અને દીપિકાના તેના એક્સ બોયફ્રેન્ડ સાથેના ફોટા આવવા લાગે છે. અને સ્ટેજ પર પણ છોકરાઓ એક પછી એક તેના રોલમાં સામે આવે છે.
This BHU , Varanasi Uttar Pradesh
Memes are ok But This is character assassination of Indian actress Deepika Padukone!
It’s just show the mindset of cheapest! It’s shameful act! pic.twitter.com/KhK3oQrulX
— Ashish Singh (@AshishSinghKiJi) November 8, 2023
દીપિકા પાદુકોણના સપોર્ટમાં આવ્યા ફેન્સ
દીપિકા પાદુકોણનું આવું ખુલ્લેઆમ અપમાન જોઈને તેના ફેન્સ ગુસ્સે થઈ ગયા છે અને સોશિયલ મીડિયા પર એક્ટ્રેસના સપોર્ટમાં બોલી રહ્યા છે. એક યુઝરે લખ્યું છે કે ‘શરમજનક’. અન્ય એક યુઝરે લખ્યું છે કે ‘હકીકત એ છે કે તેનું આયોજન ભારતની શ્રેષ્ઠ શૈક્ષણિક સંસ્થાઓમાંથી એક દ્વારા કરવામાં આવ્યું હતું. શરમજનક!!’ અન્ય એક ફેને લખ્યું છે કે ‘આ ખરેખર શરમજનક છે, આ હવે મજાક નથી.’ અન્ય એક યુઝરે યુપી પોલીસને ટેગ કરીને લખ્યું છે કે ‘યુપી પોલીસે આ નાનકડી હરકતની તપાસ કરવાની જરૂર છે. ખૂબ જ શરમજનક.
બીએચયુનો વીડિયો હોવાનો દાવો
દીપિકા પાદુકોણના પાસ્ટના રિલેશનશિપની મજાક ઉડાવતો આ વીડિયો બનારસ હિંદુ યુનિવર્સિટીનો હોવાનો દાવો કરવામાં આવી રહ્યો છે. એવું કહેવામાં આવી રહ્યું છે કે બીએચયુના વિદ્યાર્થીઓએ દીપિકાના એક્સ બોયફ્રેન્ડની ભૂમિકા ભજવી છે અને એક્ટ્રેસનું અપમાન કર્યું છે. તમને જણાવી દઈએ કે વીડિયોમાં સુશાંત સિંહ રાજપૂત, રણબીર કપૂર, યુવરાજ સિંહ, નિહાર પંડ્યા, સિદ્ધાર્થ માલ્યા અને રણવીર સિંહને દીપિકાના એક્સ બોયફ્રેન્ડ તરીકે બતાવવામાં આવ્યા છે.
આ પણ વાંચો: મોહમ્મદ શમીને પ્રપોઝ કર્યા બાદ પાયલ ઘોષની નવી પોસ્ટ થઈ વાયરલ, જાણો એક્ટ્રેસે શું કહ્યું
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
