એક સાથે રૂપિયા 1.62 કરોડ અને 1 લાખ રૂપિયા માસિક પેન્શન…આ સરકારી યોજના બનાવશે તમને અમીર !

નિવૃત્તિ પછી પેન્શન એ લોકો માટે નિયમિત આવકનો સ્ત્રોત છે, પરંતુ જો તેનું સમયસર આયોજન ન કરવામાં આવે તો પેન્શનની રકમ ઘટી શકે છે. એટલા માટે લોકોને ઘણીવાર યોગ્ય સમયે રોકાણ કરવાની સલાહ આપવામાં આવે છે. જો તમારું લક્ષ્ય પેન્શન તરીકે મોટી રકમ મેળવવાનું છે, તો સરકારની NPS યોજના તમારા માટે શ્રેષ્ઠ સાબિત થઈ શકે છે, જે તમને નિવૃત્તિ પછી દર મહિને 1 લાખ રૂપિયા કે તેથી વધુ પેન્શન આપી શકે છે. ત્યારે આ લેખમાં અમે તમને જણાવીશું, કે કેવી રીતે અને કેટલું રોકાણ કરવાથી તમે કરોડપતિ બની શકશો.

NPS શું છે ?

NPS એટલે કે નેશનલ પેન્શન સિસ્ટમ એક સરકારી યોજના છે, જે બજાર સાથે જોડાયેલી છે. જેમાં કોઈપણ સરકારી કે ખાનગી ક્ષેત્રનો કર્મચારી રોકાણ કરી શકે છે. આ યોજના નિવૃત્તિ પછી પેન્શન પૂરું પાડવા માટે બનાવવામાં આવી છે. આ યોજના બજાર સાથે જોડાયેલી હોવાથી તે બજાર આધારિત વળતર પૂરું પાડે છે. NPSમાં રોકાણના ઘણા વિકલ્પો છે.

NPS નિયમો

NPS ખાતું પોર્ટેબલ છે એટલે કે તેને દેશમાં ગમે ત્યાંથી ચલાવી શકાય છે. આ યોજના હેઠળ નિવૃત્તિ પછી કુલ થાપણના 60 ટકા ઉપાડી શકાય છે. બાકીના 40 ટકા પેન્શન યોજનામાં જાય છે. NPS પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) દ્વારા સંચાલિત છે. નવી NPS માર્ગદર્શિકા હેઠળ જો કુલ ભંડોળ 5 લાખ રૂપિયા કે તેથી ઓછું હોય, તો સબ્સ્ક્રાઇબર્સ વાર્ષિકી યોજના ખરીદ્યા વિના સંપૂર્ણ રકમ ઉપાડી શકે છે. આ ઉપાડની રકમ પણ કરમુક્ત છે.

NPSમાં રોકાણ કઈ ઉંમરે શરૂ કરવું જોઈએ ?

ખાનગી ક્ષેત્રના કર્મચારીઓની વાત કરીએ તો, 35 વર્ષ સુધીના કર્મચારીઓને ઇક્વિટીમાં વધુ એક્સપોઝર મળે છે. આ એક્સપોઝર 75 ટકા સુધી હોઈ શકે છે. જ્યારે એક્ટિવ પસંદગીમાં વ્યક્તિને 50 વર્ષની ઉંમર સુધી ઇક્વિટીમાં 75 ટકા એક્સપોઝર મળે છે. 60 વર્ષની ઉંમર સુધીમાં આ એક્સપોઝર 5 ટકાથી ઘટીને 50 ટકા થઈ જાય છે. તેથી જો 35 વર્ષની ઉંમરે રોકાણ કરવામાં આવે તો તે શ્રેષ્ઠ વિકલ્પ બની શકે છે.

1 લાખ રૂપિયાનું પેન્શન કેવી રીતે મેળવવું ?

જો તમે NPSમાં રોકાણ કરવાનું વિચારી રહ્યા છો અને તમારી ઉંમર 40 વર્ષ છે અને 60 વર્ષની ઉંમરે નિવૃત્તિ લેવાનું આયોજન કરી રહ્યા છો, તો તમારે દર મહિને ઓછામાં ઓછા 20 હજાર રૂપિયાનું રોકાણ કરવું પડશે. આના પર તમે દર વર્ષે તમારા રોકાણમાં 10 ટકાનો વધારો પણ કરી શકો છો. તો તમે 60 વર્ષ પછી 1 લાખ રૂપિયાના પેન્શનનો લાભ મેળવી શકશો.

20 વર્ષ બાદ તમારી પાસે કુલ રોકાણ લગભગ 1.37 કરોડ રૂપિયા હશે. જો આના પર અંદાજિત વળતર 10 ટકા માનવામાં આવે, તો નિવૃત્તિ પછી તમારી પાસે વ્યાજ સહિત 1.62 કરોડ રૂપિયાનું ફંડ હશે. આના પર કુલ 41.23 લાખ રૂપિયાની કર બચત થશે. હવે તમારે પેન્શન માટે વાર્ષિકી ખરીદવી પડશે. જે પછી તમને દર મહિને લગભગ 1 લાખ રૂપિયાનું પેન્શન મળી શકે છે.

• વાર્ષિકી યોજનાઓમાં પેન્શન સંપત્તિનું રોકાણ: 55 ટકા
• વાર્ષિકી દર: 8 ટકા
• પેન્શન સંપત્તિ: રૂપિયા 1.62 કરોડ
• લમ સમ ઉપાડ રકમ: રૂપિયા 1.62 કરોડ
• માસિક પેન્શન: લગભગ 1 લાખ રૂપિયા

આ રીતે પ્લાનિંગ સાથે રોકાણ કરવાથી તમે 1.62 કરોડ રૂપિયાનું ફંડ મેળવી શકો છો. તો દર મહિને લગભગ 1 લાખ રૂપિયાનું પેન્શન મળવાનું શરૂ થશે.