Valsad News : વાપીમાં સગીરે સૂતા સૂતા ચલાવી બાઈક, સોશિયલ મીડિયા પર Video થયો વાયરલ
વલસાડના વાપીમાં સગીરે જીવના જોખમે સ્ટંટ કર્યો હોવાનો વીડિયો સોશિયલ મીડિયા પર વાયરલ થયો છે. સગીરે ટ્રાફિકથી ભરચક વિસ્તારમાં બાઈક ચલાવતા વાહનચાલકોમાં ભયનો માહોલ જોવા મળ્યો છે.
Valsad News : રાજ્યમાં અવારનવાર બાઈક પર સ્ટંટ કરતા હોય તેવા વીડિયો વાયરલ થતા હોય છે. ત્યારે ફરી એક વાર આવો જ સ્ટંટનો વીડિયો સામે આવ્યો છે. વલસાડના વાપીમાં સગીરે જીવના જોખમે સ્ટંટ કર્યો હોવાનો વીડિયો સોશિયલ મીડિયા પર વાયરલ થયો છે. સગીરે ટ્રાફિકથી ભરચક વિસ્તારમાં બાઈક ચલાવતા વાહનચાલકોમાં ભયનો માહોલ જોવા મળ્યો છે.
વાહનમાલિકની કરાઈ ધરપકડ
સગીરે સૂતા – સૂતા બાઈક ચાલવતો નજરે પડ્યો છે. સગીર વાહનચાલકે ટ્રાફિક નિયમોના ખુલ્લેઆમ ધજાગરા ઉડાવ્યા હતા.સોશિયલ મીડિયા પર વીડિયો વાયરલ થતા વાપીના GIDC પોલીસે સગીરને બાઈક આપનાર યુવકની ધરપકડ કરી હતી. પરંતુ જોખમી દ્રશ્યો જોવા મળતા વાપી ટ્રાફિક પોલીસની કામગીરી પર સવાલ ઉઠી રહ્યાં છે.
બનાસકાંઠામાં જોવા મળી જોખમી મુસાફરી
બીજી તરફ બનાસકાંઠા જિલ્લામાંથી પણ જોખમી મુસાફરીના દ્રશ્યો સામે આવ્યા છે. અંતરિયાળ અને સરહદી વિસ્તારમાં જોખમી મુસાફરી જોવા મળી છે. લોકો જીવના જોખમે મુસાફરી કરવા મજબૂર બન્યા છે. ST બસ અનિયમિત હોવાના કારણે જોખમી મુસાફરી કરવા મજબૂર હોવાની માહિતી મળી રહી છે. જો કે RTO દ્વારા વાહનો સામે કાર્યવાહી નહીં કરતા અનેક સવાલો ઉભા થયા છે.
