વિદર્ભ સામે છે પહાડો જેવો ટાર્ગેટ, 42મી વખત રણજી ટ્રોફી ચેમ્પિયન બનવાની નજીક છે મુંબઈની ટીમ
મુંબઈની ટીમ આજે ફરીથી રણજી ટ્રોફીની ચેમ્પિયન બની શકે છે. મેચનો આજે ચોથો દિવસ છે, પરંતુ વિદર્ભની સામે વિશાળ લક્ષ્યાંક છે. તેના ખાતામાં હજુ 10 વિકેટ પણ છે.મુંબઈનો બેટ્સમેન મુશીર ખાને રણજી ટ્રોફી 2024ના ફાઈનલ મેચમાં વિદર્ભ વિરુદ્ધ સદી ફટકારી હતી.
રણજી ટ્રોફી 2024ની ફાઈનલ મેચ મુંબઈ અને વિદર્ભ વચ્ચે મુંબઈના વાનખેડે સ્ટેડિયમમાં રમાઈ રહી છે. મુંબઈના વાનખેડે સ્ટેડિયમમાં યજમાન મુંબઈ અને વિદર્ભ વચ્ચે રણજી ટ્રોફી 2023-24ની ફાઈનલ મેચ રમાઈ રહી છે. આજે એટલે કે, 13 માર્ચના રોજ રણજી ટ્રોફીનો ચોથો દિવસ છે. મુંબઈની ટીમ આજે ફરી એક વખત આ ટૂર્નામેન્ટની ચેમ્પિયન બની શકે છે, કારણ કે, મુંબઈને જીતવા માટે 10 વિકેટ જોઈએ છે, જ્યારે વિદર્ભને ટ્રોફી જીતવી છે તો વિશાળ લક્ષ્ય પ્રાપ્ત કરવો પડશે.
2 દિવસની રમત હજુ પણ બાકી છે, પરંતુ વિદર્ભની ટીમ માટે મેચ ડ્રો કરવી પણ હાર બરાબર હશે, કારણ કે, પહેલી ઈનિગ્સના આધાર પર મુંબઈની ટીમને લીડ મળી હતી.
વિદર્ભની સામે જીત માટે 538 રનનો લક્ષ્યાંક
આ મેચની વાત કરીએ તો મુંબઈની ટીમ પહેલા બેટિંગ કરી 224 રન બનાવ્યા હતા. જેમાં શાર્દુલ ઠાકુરની અડધી સદી પણ સામેલ છે. વિદર્ભની ટીમ પહેલી ઈનિગ્સમાં 105 રન બનાવી આઉટ થઈ હતી. મુંબઈની પહેલી ઈનિગ્સના આધાર પર 119 રનની લીડ મળી હતી. ત્યારબાદ મુંબઈએ બીજી ઈનિગ્સમાં બેટિગ માટે ઉતરી તો મુશીર ખાનની સદી, શ્રેયસ અય્યરની 95 રન કેપ્ટન અજિક્ય રહાણેના 73 અને શમ્સ મુલાનીના 50 રનના દમ પર 418 રન બનાવ્યા. આવી જ રીતે વિદર્ભની સામે જીત માટે 538 રનનો લક્ષ્યાંક હતો. જેના જવાબમાં વિદર્ભે ત્રીજા દિવસે રમત પુરી થતા સમયે વિકેટ ગુમાવ્યા વગર 10 રન બનાવ્યા છે.
રણજી ટ્રોફી ફાઈનલમાં વિદર્ભ વિરુદ્ધ મુંબઈએ પોતાની પકડ મજબુત કરી લીધી છે. મુંબઈનો બેટ્સમેન મુશીર ખાને રણજી ટ્રોફી 2024ના ફાઈનલ મેચમાં વિદર્ભ વિરુદ્ધ સદી ફટકારી હતી.
વિદર્ભ રચશે ઈતિહાસ
ફર્સ્ટ ક્લાસ ક્રિકેટમાં અત્યારસુધી 536નો ટાર્ગેટ ચેજ થયો છે. જવાબમાં ટાર્ગેટ પ્રાપ્ત કરનારી ટીમે 541 રન બનાવી મેચ જીતી લીધી હતી. પરંતુ વિદર્ભની ટીમ 538 રન બનાવી લે છે તો ઈતિહાસ રચી દેશે. આ પહેલા દુલીપ ટ્રોફીમાં સાઉથ જોન અને વેસ્ટ જોન વચ્ચે વેસ્ટ જોને 541 રન બનાવી 3 વિકેટથી મેચ જીતી હતી.
આ પણ વાંચો : WPL 2024: મુંબઈ ઈન્ડિયન્સને હરાવીને રોયલ ચેલેન્જર્સ બેંગ્લોર પ્લેઓફમાં પહોંચ્યું
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
