T20 World Cup: ભારતીય ટીમ પ્રથમ વખત ટ્રોફી જીતવા તૈયાર હોવાનો કોચ-કેપ્ટનનો દાવો

ICC મહિલા T20 વર્લ્ડ કપ 3 ઓક્ટોબરથી UAEમાં શરૂ થશે અને ટીમ ઈન્ડિયા તેના માટે સંપૂર્ણપણે તૈયાર છે. હરમનપ્રીત કૌરના નેતૃત્વમાં ભારતીય ટીમ પ્રથમ વખત વર્લ્ડ ચેમ્પિયન બનવાનો પ્રયાસ કરશે. ટીમ ઈન્ડિયા 2020માં T20 વર્લ્ડ કપની ફાઇનલમાં પહોંચી હતી પરંતુ ફાઈનલમાં ઓસ્ટ્રેલિયાના હાથે તેનો પરાજય થયો હતો. જો કે, આ વખતે ટીમની તૈયારી પૂર્ણ છે અને પરિસ્થિતિઓ પણ અનુકૂળ છે, તેથી મુખ્ય કોચ અમોલ મજમુદાર સારા પ્રદર્શનનો દાવો કરી રહ્યા છે.

મહિલા T20 વર્લ્ડ કપની તૈયારીઓ પૂર્ણ

અમોલ મજુમદારે કહ્યું કે તેણે NCAમાં આયોજિત ટ્રેનિંગ કેમ્પમાં ઘણી વસ્તુઓની ઓળખ કરી છે અને સાથે જ તેને નંબર 3 પર રમવા માટે એક બેટ્સમેન પણ મળ્યો છે. જો કે અમોલ મજુમદારે ત્રીજા નંબર પર રમનાર ખેલાડીનું નામ જાહેર નથી કર્યું, પરંતુ તેણે કહ્યું કે, સરપ્રાઈઝ T20 વર્લ્ડ કપમાં જ બધાને ખબર પડશે.

હેડ કોચ અમોલ મજુમદારનો દાવો

અમોલ મજુમદારે કહ્યું, ‘અમે દરેક વસ્તુ માટે તૈયાર છીએ, અમે 10 દિવસમાં નેટ્સમાં પ્રેક્ટિસ સાથે પાંચ મેચ પણ રમ્યા. અમારા ટોચના 6 બેટ્સમેન શ્રેષ્ઠ છે. તેમની બેટિંગ શૈલી અલગ છે. અમે નંબર 3 બેત્ર શોધી કાઢ્યો છે અને જ્યારે પ્લેઈંગ ઈલેવનની જાહેરાત થશે ત્યારે અમે તેની જાહેરાત કરીશું. અમોલ મજુમદારે કહ્યું કે જ્યાં સુધી UAEની પરિસ્થિતિનો સંબંધ છે, તો ત્યાંનું વાતાવરણ લગભગ ભારત જેવુ જ હોય છે.

હરમનપ્રીતને ટીમમાં વિશ્વાસ

હરમનપ્રીત કૌરે પણ ટીમમાં વિશ્વાસ વ્યક્ત કર્યો હતો. તે એ વાતથી નારાજ છે કે ટીમ ઈન્ડિયા ખિતાબની ખૂબ નજીક આવી ગઈ છે અને ત્રણ વખત ચૂકી ગઈ છે પરંતુ આ વખતે તેને વિશ્વાસ છે કે આ ટીમ જીતશે. હરમનપ્રીતે કહ્યું કે તેની ટીમની તૈયારી ઘણી સારી છે અને દરેક ખેલાડીએ ફિટનેસ અને ફિલ્ડિંગ પર ઘણું ધ્યાન આપ્યું છે.

મહિલા T20 વર્લ્ડ કપ માટે ભારતીય ટીમઃ

હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), જેમિમાહ રોડ્રિગ્સ, શેફાલી વર્મા, દીપ્તિ શર્મા, રિચા ઘોષ (વિકેટકીપર), અરુંધતી રેડ્ડી, રેણુકા સિંહ ઠાકુર, દયાલન હેમલતા, યસ્તિકા ભાટિયા (વિકેટકીપર), પૂજા વસ્ત્રાકર, આશા શોભના, રાધા યાદવ, શ્રેયંકા પાટિલ, સજના સજીવન.

આ પણ વાંચો: ઈરાની કપઃ પૃથ્વી શોને મુંબઈની ટીમમાં મળ્યું સ્થાન, સરફરાઝ ખાનની નહીં થઈ પસંદગી

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો