Pakistan: આયશા મલિક પાકિસ્તાન સુપ્રીમ કોર્ટની પ્રથમ મહિલા જજ બની, તેમના આ નિર્ણયની વિશ્વભરમાં થઈ હતી પ્રશંસા

Pakistan: આયશા મલિક પાકિસ્તાન સુપ્રીમ કોર્ટની પ્રથમ મહિલા જજ બની, તેમના આ નિર્ણયની વિશ્વભરમાં થઈ હતી પ્રશંસા
Ayesha Malika First Woman Supreme Court Judge - Pakistan

આયશા મલિકે (Ayesha Malik) સોમવારે પાકિસ્તાનમાં (Pakistan) દેશની પ્રથમ મહિલા સુપ્રીમ કોર્ટના જજ (Pakistan Supreme Court Female Judge) તરીકે શપથ લીધા. પાડોશી દેશમાં તેને ઐતિહાસિક અવસર તરીકે જોવામાં આવી રહ્યો છે.

TV9 GUJARATI

| Edited By: Bhavesh Bhatti

Jan 24, 2022 | 9:32 PM

આયશા મલિકે (Ayesha Malik) સોમવારે પાકિસ્તાનમાં (Pakistan) દેશની પ્રથમ મહિલા સુપ્રીમ કોર્ટના જજ (Pakistan Supreme Court Female Judge) તરીકે શપથ લીધા. પાડોશી દેશમાં તેને ઐતિહાસિક અવસર તરીકે જોવામાં આવી રહ્યો છે. મલિકે રાજધાની ઈસ્લામાબાદમાં એક સમારોહમાં હાજરી આપીને પદના શપથ લીધા. તે હવે પાકિસ્તાનની સુપ્રીમ કોર્ટમાં 16 પુરૂષ સાથીદારોની બેન્ચમાં જોડાઈ છે. વકીલ અને મહિલા અધિકાર કાર્યકર્તા નિગહત ડૈડએ AFP ન્યૂઝ એજન્સીને કહ્યું, આ એક મોટું પગલું છે. પાકિસ્તાનની ન્યાયતંત્રના નિર્માણમાં આ ઇતિહાસ છે. આયશા મલિકે પોતાનું શિક્ષણ હાર્વર્ડ યુનિવર્સિટીમાંથી પૂર્ણ કર્યું છે. તે છેલ્લા બે દાયકાથી પાકિસ્તાનના લાહોરમાં હાઈકોર્ટના ન્યાયાધીશ તરીકે સેવા આપી રહી હતી.

પંજાબ પ્રાંતમાં પિતૃપ્રધાન કાનૂની રિવાજો બદલવાનો શ્રેય તેમને જાય છે. ગયા વર્ષે, તેણે બળાત્કાર પીડિતાની વિવાદાસ્પદ તબીબી તપાસ રદ કરી હતી. આ માટે વિશ્વભરમાં તેની પ્રશંસા થઈ હતી.

રૂઢિચુસ્ત દેશમાં મહિલાઓ માટે આગળ વધવાનો માર્ગ ખુલશે

પાકિસ્તાનમાં મહિલાઓ વારંવાર બળાત્કાર અને જાતીય હુમલાના કેસોમાં ન્યાય મેળવવા માટે સંઘર્ષ કરે છે. આ મેડિકલ ટેસ્ટનો ઉપયોગ પીડિતો પર હુમલો કરીને તેમને બદનામ કરવાના સાધન તરીકે કરવામાં આવતો હતો. મલિકને પાકિસ્તાનની સર્વોચ્ચ અદાલતમાં બઢતી આપવાથી વધુ મહિલાઓને ઈસ્લામિક રિપબ્લિકની ઐતિહાસિક રૂઢિચુસ્ત અને પુરૂષ પ્રભુત્વવાળી કોર્ટમાં પ્રવેશવાનો માર્ગ મોકળો થઈ શકે છે. પાકિસ્તાનને મુસ્લિમ દેશ તરીકે ઓળખવામાં આવે છે જ્યાં મહિલાઓને આગળ વધવામાં મુશ્કેલીઓનો સામનો કરવો પડે છે.

આયેશા મલિકની નિમણૂક વિવાદમાં રહી છે

વ્યવસાયે વકીલ અને મહિલા અધિકાર કાર્યકર્તા ખાદીજા સિદ્દીકીએ કહ્યું કે, તેણે ન્યાયિક વ્યવસ્થામાં તમામ અવરોધો તોડી નાખ્યા છે અને હવે તેના કારણે અન્ય મહિલાઓ આગળ વધી શકશે. મને આશા છે કે આ ભવિષ્યમાં કોર્ટ દ્વારા વધુ મહિલા-કેન્દ્રિત નિર્ણયો તરફ દોરી જશે. પરંતુ તેમની નિમણૂક છેલ્લા ચાર મહિનાથી વિવાદોમાં ઘેરાયેલી છે.

વાસ્તવમાં, એવો દાવો કરવામાં આવ્યો છે કે તેમને આ પદ માટે વધુ લાયકાત ધરાવતા વરિષ્ઠ પુરૂષ ઉમેદવારો કરતાં પ્રાધાન્ય આપવામાં આવ્યું છે. આ મહિનાની શરૂઆતમાં, પાકિસ્તાન બાર કાઉન્સિલે આયેશા મલિકના નામાંકનના વિરોધમાં હડતાલ કરી હતી.

આ પણ વાંચો : Canada-US Border Tragedy: 4 ગુજરાતીઓના કથિત મૃત્યુ બાદ આરોપી Steve Shandને અમેરિકી કોર્ટ સમક્ષ કરાશે હાજર

આ પણ વાંચો : Vladimir Putin: રશિયાના રાષ્ટ્રપતિ પુતિનની પહેલી Pakistan મુલાકાત, મોસ્કો અને ઈસ્લામાબાદ વચ્ચે મંત્રણા શરૂ

આ પણ વાંચો : WHO on Omicron: શું દરેક ઓમિક્રોન વેરિઅન્ટથી સંક્રમિત થશે? WHOએ આ રીતે આપ્યો સવાલનો જવાબ

Follow us on

Related Stories

Most Read Stories

Click on your DTH Provider to Add TV9 Gujarati